Bash bet>>Xewer Merkizi>>Muhim Xewerler
Shi jinping boaw asiya munbiri kéngishi xizmiti yighini wekilliri bilen körüshti
Tehrir:Adil ablet     Menbesi:Junggo uyghurche radiyo tori     Yollan'ghan waqit: 2014-10-30

junggo uyghurche radiyo tori 30-öktebir béyjing xewiri:

dölet reisi shi jinping 29-öktebir xelq sariyida boaw asiya munbiri kéngishi xizmiti yighini wekilliri bilen körüshti. Shi jinping yighinning muweppeqiyetlik échilghanliqini tebriklidi.Hemde méhmanlargha junggoning tereqqiyat weziyiti we asiyaning tereqqiyat istiqbali toghrisidiki qarishini tonushturdi. U boaw asiya munbirining junggo bilen chetellerning alaqisi, hemkarliqi we asiyaning tereqqiyati , güllinishige ijabiy töhpe qoshushini ümid qildi.

shi jinping munularni tekitlidi: nöwette junggo iqtisadiy muqimliq ichide ilgirilimekte. Iqtisadning tereqqiyat usulida küchep burulush yasap , iqtisadiy qurulmini tengshesh we kesipni serxillashturup derijisini östürüshni ilgiri sürüp, iqtisadning sijil saghlam tereqqiy qilishigha türtke bolimiz. Biz islahatni omumyüzlük chongqurlashturuwatimiz. Sirtqa échiwétishni kéngeytiwatimiz. Döletni qanun boyiche idare qilip, hakimiyet yürgüzüwatqan partiye qurulushini kücheytip,ikki yüz yilliq küresh nishanini ishqa ashurushqa qedem tashlawatimiz.

shi jinping mundaq dep körsetti:junggoning tereqqiyati asiyaning teqdiri bilen zich munasiwetlik . Asiya döletlirining hemkarliq yoli keng, tereqqiyat istiqbali yaxshi. Asiya döletliri birliship özini kücheytish, öz ara payda yetküzüsh asasida hemkarlishish, sighdurushchan échiwétishte ching turup, birlikte tereqqiy qilishi , güllinishi kérek. Junggo tereqqiyat yolida tewrenmey, qérindashliq, semimiylik,nep yetküzüsh,sighdurushtin ibaret etrap diplomatiyisi idiyisini emeliyleshtürüp, échiwitilgen rayonzimgha emel qilidu. Men yipek yoli iqtisad belbéghi we 21-esir déngiz üsti yipek yolini berpa qilish teshebbusini otturigha qoydum. Buningdiki meqset yol boyidiki rayon iqtisadini bir gewdileshtürüsh yéngi qélipini berpa qilish. Üzlüksiz tereqqiy qiliwatqan junggo asiyaning tereqqiyatigha jezmen téximu töhpe qoshidu.

boaw asiya munbiri kéngishining bashliqi futiyen kangfu asiya munbiri kéngishige wakaliten shi jinpingning kéler yilidiki yilliq yighingha teklip qildi, shi jinping teklipni xushalliq bilen qobul qildi.

 

Kéyinkisi
Munasiwetlik xewerler
yéngi xewerler Yene
süretlik xewer Yene
süretlik tenterbiye xewerliri
pen-téxnika uchurliri Yene
ghelite ishlar Yene
kocha parangliri Yene
saghlamliq Yene