Bash bet>>Xewer Merkizi>>Muhim Xewerler
Shi jinping APEC rehberlirining soda sanaet meslihet kéngishi wekilliri bilen sözlishishke qatnashti
Tehrir:Ilham mamut     Menbesi:Junggo uyghurche radiyo tori     Yollan'ghan waqit: 2014-11-11

 

junggo uyghurche radiyo tori 11-noyabir béyjing xewiri:

dölet reisi shi jinping 10-noyabir asiya tinch okyan iqtisadiy hemkarliq teshkilatigha eza döletler rehberlirining soda sanaet meslihet kéngishi wekilliri bilen élip barghan sözlishishge qatnashti. Shi jinping munularni tekitlidi: junggoning tereqqiyat istiqbali yaxshi. Junggo rayon hemkarliqida nepke érishküchi, shundaqla rayon hemkarliqini paal teshebbus qilghuchi we uninggha türtke bolghuchi. Biz mezkur rayonning sodigha meblegh sélishini erkinleshtürüsh we qulaylashturushqa paal turtke bolup, rayon iqtisadini bir gewdileshtürüshni tézlitip, asiya tinch okyan rayonining tereqqiy qilish we güllinishige birlikte türtke bolushni xalaymiz.

shi jinping mundaq dep körsetti: asiya tinch okyan rayoni muhim tereqqiyat pursitige we hemkarliq méxanizmigha yoluqmaqta, asiya tinch okyan iqtisadiy hemkarliq teshkilati dunya bilen rayon weziyitining yéngi alahidilikini tonup, asiya tinch okyan rayoni hemkarliqi we dunya iqtisadining kelgüsi tereqqiyat yüzlinishini igilep, asiya tinch okyan rayoni we dunya iqtisadining éshishi üchün küch qoshushi kérek.

shi jinping munularni tekitlidi: junggo bu yil asiya tinch okyan iqtisadiy hemkarliq teshkilatining sahibxanliqidek muhim wezipini üstige aldi, biz bu pursettin paydilinip, rayon sodisi we meblegh sélishni erkinleshtürüsh we qolaylashturushgha paal türtke bolup, rayon iqtisadini bir gewdileshtürüshni tézlitip, her qaysi eza döletlerning iqtisadi téxnika hemkarliqi iqtidarini kücheytip, asiya tinch okyan rayonining tereqqiyati we güllinishige birlikte türtke bolup, kelgüsige yüzlengen asiya tinch okyan rayoni shériklik munaiswitini ornitishni xalaymiz.

shi jinping mundaq dep körsetti: soda sanaet sahesi asiya tinch okyan rayoni iqtisadining asasliq qoshuni, biz köpchilikning asiya tinch okyan iqtisadiy hemkarliq teshkilatining kelgüsi tereqqiyati üchün töhpe qoshushni ümüd qilimiz.

arqidin shi jinping guruppa muzakirisige qatniship, soda sanaet sahesidiki wekiller bilen öz ara pikir almashturdi.

shi jinping junggoning bu yil bu yighinni ötküzüp qolgha keltüridighan emeliy netijiliri toghrisida toxtalghanda mundaq dep körsetti: 1-din asiya tinch okyan rayoni erkin soda rayoni musapisini bashlap, asiya tinch okyan rayoni hemkarliqining yolinishni körsitish. 2-din, asiya tinch okyan iqtisadiy hemkarliq teshkilati qurulghanliqining 25 yilliqi toghrisida bayanat élan qilip , tarixiy tejribilerni yekünlep, kelgüsini layihelesh. 3-din, iqtisadida yéngiliq yaritip tereqqiy qilishgha, islahatqa, éshishqa türtke bolup, asiya tinch okyan rayonining kelgüsi tereqqiyati üchün yéngi heriketlendürgüch küch qoshush. 4-din, öz ara alaqilishish we sözlishish xeritisini békitip , asiya tinch okyan rayonining omumyüzlük özara alaqilishish we sözlishish üchün mustehkem asas sélish. Junggo her qaysi eza döletler bilen birlikte, özara ishengen, keng qorsaq bolghan, ortaq nep yetküzidighan asiya tinch okyan rayoni shériklik munasiwitini ornitishni xalaydu.

shi jinping, asiya tinch okyan rayonining asasi muessesse we özara alaqilishish we sözlishish qurulushi hemde asiya asasiy muessessege meblegh sélish bankisini qurush toghrisida mundaq dep körsetti: asasiy muessesse we özara alaqilishish we sözlishish qurulushi iqtisadi tereqqiyatqa munasiwetlik asasliq mesile, shundaqla rayon iqtisadini bir gewdileshtürüshning muhim wastisi. Asiya asasiy muessesse qurulushigha meblegh sélish bankisi tebiiy sharait, jughrapiyelik ewzellik, kishlik munasiwet sharaitige ige bolup, u yépek yoli iqtisadiy belbéghi we 21-esir déngiz yipek yoli qurulushigha mas kélidu, shundaqla her qaysi tereplerge téximu köp nep yetküzüp, bashqa köp tereplik tereqqiyat organliri bilen birlikte, asiya tinch okyan iqtisadini birleshtürüsh we tereqqiy qildurushqa töhpe qoshidu.

shi jinping junggoning iqtisadi tereqqiyat istiqbali toghrisida munularni tekitlidi: junggo islahat we échiwétish ishlirini omumyüzlük chongqurlashturup, iqtisadiy tereqqiyatda burulush yasashni tézlitip, iqtisadiy qurulmini tengshesh küchini zoraytip, yéngiliq yaritish istratégiyesini yolgha qoyup, kelgüsi bir mezgilide ottura halda we yuqiri sürette éshishni saqlap, bu arqiliq iqtisadining süpitini üzlüksiz yuqiri kötüridu. Biz, asiya tinch okyan rayonidiki soda sanaet sahesidiki erbablarning junggoning iqtisadi ijtimaiy tereqqiyat musapisigha aktip qatniship, junggoning islahat we tereqqiyati élip kelgen purset we netijiliridin teng behriman bolushini qarshi alimiz.

 

Kéyinkisi
Munasiwetlik xewerler
yéngi xewerler Yene
süretlik xewer Yene
süretlik tenterbiye xewerliri
pen-téxnika uchurliri Yene
ghelite ishlar Yene
kocha parangliri Yene
saghlamliq Yene