Bash bet>>Xewer Merkizi>>Muhim Xewerler
APEC ning 22-qétimliq rehberler biresmiy yighini béyjingda échildi
Tehrir:Adil ablet     Menbesi:Junggo uyghurche radiyo tori     Yollan'ghan waqit: 2014-11-11

junggo uyghurche radiyo tori 11-noyabir béyjing xewiri:

asiya tinch okyan iqtisadiy hemkarliq teshkilatining 22-qétimliq rehberler biresmiy yighini 11-noyabir béyjingda échildi. Kelgüsige yüzlengen asiya tinch okyan rayonining shériklik munasiwitini birlikte berpa qilish, asiya tinch okyan iqtisadiy hemkarliq teshkilatidiki iqtisadiy gewdilerning rehberliri yaki wekilliri teklipke binaen yighingha qatnishish bu qétimqi yighinning asasi témisi boldi.Reis shi jinping yighingha qatnashti hemde riyasetchilik qildi.

yighin 11-noyabir chüshtin burun we chüshtin kéyin ikki basquch boyiche échildi. Chüshtin burun échilghan 1-basquchluq yighingha reis shi jinping riyasetchilik qildi hemde söz qildi. U mundaq dédi: bu yil asiya tinch okyan iqtisadi hemkarliq teshkilati qurulghinigha 25 yil boldi. Hazir dunya iqtisadining eslige kélishide yenila köpligen muqimsiz,turaqsiz amillar bar; Asiya tinch okyan rayonining tereqqiyatimu yéngi basquchqa kirdi, shunga purset hem xiris teng mewjut. Shi jinping asiya tinch okyan rayonining tereqqiyatta yoluquwatqan birqanche chong mesilisi yeni rayon iqtisadiy hemkarliqining parchilinip kétish xetirini qandaq hel qilish? Kéyin xelqara pul muamile krizisi körülgende qandaq qilip yéngi éshish nuqtisi üstide izdinish? Öz ara alaqilishish qurulushida yoluquwatqan meblegh yürüshleshtürüshtiki tosalghuni qandaq qilip tügitish mesilisini otturigha qoydi. Bu mesilige qarita u yene mundaq hel qilish charisini otturigha qoydi: yéngi weziyetke qarita biz rayon iqtisadini bir gewdileshtürüshni chongqur ilgiri sürüp, islahat yéngiliq yaritishqa omumyüzlük türtke bolishimiz, ul eslihe qurulushini mukemmelleshtürüshni tizlitishimiz, köp tereplik öz ara alaqe qélipini berpa qilishimiz lazim.

shi jinping yene yighinda: kelgüsi tereqqiyatni birlikte pilanlap, ortaq tonushni heriketke aylandurup, buningdin kéyinki besh yil, on yil hetta 25 yilliq tereqqiyat pilanini tüzüp, qedemmu qedem puxta ilgirileshtin ibaret teshebbusni élan qildi. U mundaq dédi: biz yer shari xaraktérlik xirisni birlikte kütüwélishimiz kérek. Bu hem iqtisadni yükseldürüsh mesilisi hem tarqilishchan késellik, ashliq bixeterliki, énérgiye bixeterliki qatarliq yer shari xaraktérlik mesililerge muwapiq taqabil turushni öz ichige alidu. Shi jinping yene sözide munularni jakarlidi: junggo asiya tinch okyan iqtisadiy hemkarliq teshkilati méxanizmi we iqtidar qurulushi, her qaysi sahelerdiki emeliy hemkarliqni qanat yaydurushqa medet bérish üchün, 10 milyon amérika dolliri iane qilidu. Undin bashqa kelgüsi üch yilda junggo hökümiti asiya tinch okyan iqtisadiy hemkarliq teshkilatidiki tereqqiy qiliwatqan eza döletlerge 1500 terbiyilesh sani bérip, buni soda we meblegh sélish qatarliq sahelerdiki iqtidar qurulush türlirige ishlitidu.

chüshtin ilgiriki 1- basquchluq yighinda kelgüsige yüzlengen asiya tinch okyan rayonining shériklik munasiwitini birlikte qurush témisi astida rayon iqtisadini bir gewdileshtürüsh, iqtisadta yéngiliq yaritish, tereqqiyatini ilgiri sürüsh, islahat élip bérish we iqtisadni yükseldürüshni chöridep, köp tereplik ul eslihe we öz ara alaqe qurulushidin ibaret üch nuqtiliq téma muhakime qilindi.

1-basquchluq yighindin kéyin, reis shi jinping asiya tinch okyan iqtisadiy hemkarliq teshkilatigha eza döletler bashliqliri bilen kolléktip süretke chüshti. Arqidin yighin merkizining jenubiy derwazisi aldigha asiya tinch okyan iqtisadiy hemkarliq teshkilati shérikliri ormini köchiti tikti. Bir az dem éliwalghandin kéyin, xizmet chüshlük ziyapitige birlikte qatnashti. Ziyapette ghizalinipla qalmay , ular yene köp tereplik ul eslihe qurulushi we öz ara alaqe qurulushini kücheytish qaralmisini muhakime qildi. Béyjing waqti chüshtin kéyin saet 14 te asiya tinch okyan iqtisadiy hemkarliq teshkilatigha eza döletler rehberlirining 2- basquchluq biresmi yighini bashlandi. Iqtisadni ilgiri sürüsh;Tereqqiyat,islahatta yéngiliq yaritish we iqtisadni yükseldürüsh yighinning qaralmisi boldi. Yighindin kéyin muxbirlar yighini échilip,muxbirlargha bu qétimqi asiya tinch okyan iqtisadiy hemkarliq teshkilati yighinining qismen muweppeqiyetliri birlikte jakarlandi.

 

Kéyinkisi
Munasiwetlik xewerler
yéngi xewerler Yene
süretlik xewer Yene
süretlik tenterbiye xewerliri
pen-téxnika uchurliri Yene
ghelite ishlar Yene
kocha parangliri Yene
saghlamliq Yene