Bash bet>>Xewer Merkizi>>Muhim Xewerler
Dölet reisi shi jinping amérika zungtungi obama bilen söhbetleshti
Tehrir:Küntékin imam     Menbesi:Junggo uyghurche radiyo tori     Yollan'ghan waqit: 2014-11-13

 

junggo uyghurche radiyo tori 13-noyabir béyjing xewiri:

dölet reisi shi jinping tünügün xelq sariyida amérika zungtungi obama bilen söhbetleshti, söhbettin kéyin ikki dölet bashliqliri birlikte muxbirlar bilen körüshti.

shi jinping mundaq dédi: men zungtung obama bilen ijabiy söhbetleshtim, söhbitimizning netijisi mol boldi, biz nurghun ortaq tonushlarni hasil qilduq.

shi jinping ikki dölet bashliqliri söhbette érishken konkért netijilerni tonushturdi, hazirqi özigirishchan murekkep xelqara weziyette, ikki döletning hemkarlishishi kéreklikini, hemkarlashqili bolidighan sahelerni téximu kéngeytish kéreklikini tekitlidi.

junggoning xelqaradiki roli tilgha élinghanda shi jinping tekitlep mundaq dédi: junggo hazirqi xelqara sistémigha qatnashquchi, uni qurghuchi we uninggha töhpe qoshquchi. Junggoning iqtisadiy tereqqiyati xelqara pul muamile kirizisige taqabil turush, dunya iqtisadining janlinishini ilgiri sürüshke muhim töhpe qoshiwatidu. Junggo birleshken döletler tekshilati xewpsizlik kéngishining daimiy ezaliri ichide birleshken döletler teshkilatining tinchliqni saqlash herikitige eng köp qoghdighuchi xadim ewetken dölet, hazirghiche jemiy 20 ming adem qétimdin köprek adem ewetti. Junggo déngiz armiyesi ilgiri kéyin bolup déngiz qaraqchiliri daim heriket qilidighan aden qoltuqigha 45 qétim paraxot ewetip qoghdash wezipisini tamamlidi. Junggo herqandaq shekildiki térrorizimgha qetiy qarshi turup, xelqaraliq térrorizimgha qarshi turush hemkarliqini izchil qollap keldi, junggo xelqi gherbiy afriqida ébola yuqumi yamrighanda hésdashliq qildi, junggo 4 türkümde 750 milyon yüen yardem qildi, hazir 300din artuq dawalash xadimi yuqum yamrighan rayonda xizmet qiliwatidu. Junggoning üzlüksiz tereqqiy qilishigha egiship, biz dölet iqtidari we ornigha mas haldiki xelqara mesuliyetni üstimizge éliwatimiz. Biz her qaysi döletler bilen tereqqiy qilish pursitidin teng behrilinishke boshashmay küch chiqirimiz, her xil xirislargha teng taqabil turup, asiya tinch okyan rayoni we dunyaning tinchliqi, muqimliqi we tereqqiyatigha tigishilik töhpimizni qoshimiz.

obama mundaq dédi: diplomatik munasiwet ornatqan 35 yildin buyan, amérika bilen junggoning munasiwiti uchqandek tereqqiy qildi, hemkarlishish we almashturush köp boldi. Emeliyet shuni ispatlidiki, amérika bilen junggoning hemkarlishishi amérikigha, junggogha hetta dunyagha nisbetenmu yaxshi ish. Ikki döletning hemkarlishish yoshurun küchi zor. Meyli ikki tereplik, rayon yaki dunya qatlimidin bolsun amérika junggoni muhim hemkarliq shériki dep bilidu, junggo bilen küchlük munasiwetni tereqqiy qildurush amérikining asiyani yene tengpunglashturush istratégiyesining yadrosi. Amérika junggo bilen hemkarliqni kéngeytip, menpeetning birikishini chongqurlashturup, semimiy we ijabiy söhbet arqiliq perq we ixtilaplarni hel qilip, amérika bilen junggoning yéngiche chong döletler munasiwitini birlikte ornitidu. Méning amérika bilen junggo munasiwitning tereqqiyatigha ishenchim kamil.

 

Kéyinkisi
Munasiwetlik xewerler
yéngi xewerler Yene
süretlik xewer Yene
süretlik tenterbiye xewerliri
pen-téxnika uchurliri Yene
ghelite ishlar Yene
kocha parangliri Yene
saghlamliq Yene