Bash bet>>Xewer Merkizi>>Muhim Xewerler
Shi jinping méksika zungtungi péna bilen söhbetleshti
Tehrir:Abdulla molla     Menbesi:Junggo uyghurche radiyo tori     Yollan'ghan waqit: 2014-11-13

 

junggo uyghurche radiyo tori 13-noyabir béyjing xewiri:

dölet reisi shi jinping 13-noyabir xelq sariyida méksika zungtungi péna bilen söhbetleshti. Ikki dölet bashliqliri junggo-méksika munasiwitining tereqqiyatigha yönilish békitish, pilan tüzüsh üchün, bir, ikki, üch hemkarliq yéngi endizisini ornitip, junggo-méksika omumyüzlük istratégiyelik shériklik munasiwitining tereqqiyatigha türtke bolushni qarar qildi.

shi jinping mundaq dep körsetti: junggo bilen méksika tereqqiy qiliwatqan chong döletler hem muhim yéngidin gülliniwatqan bazar döletliri, men siz bilen dawamliq yéqindin uchriship, aliy layiheni yaxshi qilip, ikki dölet munasiwitini istratégiyelik yükseklik we yiraqni körüsh nuqtisidin yéteklep, bir-birimizning yadroluq menpeet mesililirimizde dawamliq öz ara chüshinip we qollap, ishinishni chongqurlashturushni xalaymen. Ikki terep ikki döletning tereqqiyatni istratégiyelik maslashturush nuqtisini ching tutup, emeliy, kargha kélidighan, qaratmiliq heriket pilani tüzüp, bir, ikki, üch hemkarliq yéngi endizisi, yeni pul muamile hemkarliqini mator, soda we meblegh sélish hemkarliqini asasiy liniye, ul eslihe, énérgiye, yuqiri téxnika hemkarliqini muhim nuqta qilghan yéngi hemkarliq yéngi endizisini ornitishi kérek.

junggo téximu köp méksika mehsulatlirining junggo bazirigha kirishini qarshi alidu, kéler yili junggoda ötküzülidighan méksika sayahet yili we ikkinchi nöwetlik junggo méksika uniwérsitét mudirliri munbirini yaxshi ötküzidu, ikki terep köp tereplik maslishishni kücheytip, xelqara tertipning téximu adil muwapiq nishangha muwapiq tereqqiy qilishigha türtke bolup, tereqqiy qiliwatqan döletlerning ortaq menpeetini qoghdishi kérek, junggo méksika bilen yéqindin masliship, kéler yili béyjingda ötküzülidighan junggo latin amérikisi munbiri tunji nöwetlik ministir derijilikler yighinini yaxshi ötküzüp, junggo bilen latin amérikisining omumiy hemkarliqini ilgiri sürüshni xalaydu.

péna reis shi jinpingning ikki dölet munasiwitini tereqqiy qildurush heqqide otturigha qoyghan muhim teshebbusini pütünley quwwetleydighanliqini, méksikining junggo bilen xelqara ishlardiki hemkarliqni kücheytishni , latin amérikisi bilen junggo munasiwitini tereqqiy qildurushni dawamliq paal ilgiri sürüshni xalaydighanliqini bildürdi.

söhbettin kéyin ikki dölet bashliqliri pul muamile, énérgiye, süpet tekshürüsh, meblegh sélish, pen téxnika qatarliq sahelerdiki hemkarliq höjjetlirige imza qoyushqa shahid boldi, ikki dölet bashliqliri birge muxbirlar bilen körüshti.

 

Kéyinkisi
Munasiwetlik xewerler
yéngi xewerler Yene
süretlik xewer Yene
süretlik tenterbiye xewerliri
pen-téxnika uchurliri Yene
ghelite ishlar Yene
kocha parangliri Yene
saghlamliq Yene