Bash bet>>Xewer Merkizi>>Muhim Xewerler
Li kéchyang jéjyangda xizmet tekshürdi
Tehrir:Abdulla molla     Menbesi:Junggo uyghurche radiyo tori     Yollan'ghan waqit: 2014-11-21

 

junggo uyghurche radiyo tori 21-noyabir béyjing xewiri:

junggo kompartiyesi merkiziy komitéti siyasiy biyurosi daimiy komitétining ezasi, gowuyüen zunglisi li kéchyang 19-noyabirdin 21-noyabirghiche jéjyang ölkisining yiwu, xangju qatarliq jaylirida xizmet tekshürdi. U yéza, sheherlerge bérip, karxana, soda sheherchisi, soda bankilirini tekshürdi, aliy mekteplerge bérip, oqughuchilar bilen pikir almashturdi. Tekshürüsh mezgilide, li kéchyang aldi bilen "tor dukini sahesidiki 1-kent" dep nami bar yiwu shehiri chingyenlyu kentige bardi.

u aldi bilen sayahet somkisini top satidighan bir dukangha kirdi, bu tor dukinining xojayini aliy mektep püttürgendin kéyin yézigha kélip igilik tiklep, bir nechche yil ichidila dukanning ayliq sétish sommisini bir milyon yüendin ashurghan shundaqla yene nurghun yashlarning igilik tiklishige türtke bolghan. Li kéchyang buni anglap xushal halda, uni hem ishqa orunlashturghuchi hem igilik tikligüchi bolushqa ilhamlandurdi.

chingyenlyu kentidiki tor dukanlirining tereqqiyati yene kenttiki chong-kichik 20 nechche téz yetküzüsh shirkiti tor nuqtisining tereqqiyatigha türtke bolghan. Li kéchyang bir téz yetküzüsh shirkiti tor nuqtisigha kirip, xizmetchiler bilen pikir almashturdi, ularning xizmitini toxtimay maxtidi.

yiwu ushshaq tawarliri dang chiqarghan, "dunyaning chong talla baziri" dégen nami bara yiwuda yüzdin artuq dölet we rayon kelgen on mingdin artuq chetellik sodiger daimliq turidu. Li kéchyang 20-noyabir chüshtin burun chetellik sodigerler toplanghan yiwu xelqara soda shehirige alayiten bardi.

yiwuluqlar igilik tikligen deslepki mezgilde, koldurmilirini jaranglitip jahanni aylinip soda qilip, deslepki meblighini jughlighan. Soda shehiridiki bir péshqedem sodiger nechche on yil ilgiriki bir koldurmini zungligha sowgha qildi. Li kéchyang koldurmini jiringlatqach, bu koldurma yiwu rohining ixcham körünüshi iken, uni dölet muzéyigha sowgha qilish kérek dédi.

li kéchyang xangjudiki mezgilide géli pay kontrol guruhini tekshürdi. Li kéchyang 21-noyabir chüshtin burun jéjyang uniwérsitétida oqughuchilar bilen pikir almashturup, yéngiliq yaritish heqqide paranglashti.

 

Kéyinkisi
Munasiwetlik xewerler
yéngi xewerler Yene
süretlik xewer Yene
süretlik tenterbiye xewerliri
pen-téxnika uchurliri Yene
ghelite ishlar Yene
kocha parangliri Yene
saghlamliq Yene