Bash bet>>Xewer Merkizi>>Muhim Xewerler
Shi jinping fijidiki dölet ishliri ziyaritini bashlidi
Tehrir:Abdulla molla     Menbesi:Junggo uyghurche radiyo tori     Yollan'ghan waqit: 2014-11-22

 

junggo uyghurche radiyo tori 22-noyabir béyjing xewiri: 

dölet reisi shi jinping 21-noyabir nandigha yétip bérip, fijidiki dölet ishliri ziyaritini bashlidi, u yene tinch okyandiki diplomatik munasiwet ornatqan aral döletlirining rehberliri bilen körüshidu.

shu küni chüshtin kéyin saet altidin 20 minut ötkende, shi jinping olturghan mexsus ayropilan nandi xelqara ayrodurumigha qondi. Ayropilan qonush yolida méngip, su chüshürgisidin ötti, bu-shu jayning eng qimmetlik méhmanlargha körsitidighan hörmiti bolup, méhmanlarning harduqini chiqirishni meqset qilidu. Fiji zunglisi mubay nimarama we uning repiqisi ayropilan shotisining yénida shi jinping we uning repiqisi péng liyüenni kütüwaldi. Mubay nimarama ayrodurumda daghdughiliq qarshi élish murasimi ötküzdi.

shi jinping mundaq dep körsetti: fiji-tinch okyandiki aral döletliri rayonidiki junggo bilen eng baldur diplomatik munasiwet ornatqan dölet. Diplomatik munasiwet ornatqan 39 yildin buyan, ikki döletning siyasiydiki öz ara ishinishi özlüksiz chongqurliship, emeliy hemkarliqida mol netije qolgha keltürüldi. Men fiji rehberliri bilen her qaysi sahelerdiki hemkarliqni muhakime qilip, ikki tereplik munasiwetni pilanlashni kütüwatimen. Men yene nandida tinch okyandiki sekkiz aral dölitining rehberliri bilen kolléktip körüshüp, öz ara nep yetküzidighan hemkarliqni chongqurlashturush, ortaq tereqqiyatni ilgiri sürüsh ulughwar pilanini birlikte kéngishimen. Men bu qétimqi ziyaretning junggo bilen fiji hem tinch okyandiki aral döletlirining dostluq munasiwitini yéngi sewiyege yetküzüshke türtke bolidighanliqigha ishinimen.

shi jinping yéngi zéllandiyediki dölet ishliri ziyaritini ayaghlashturghandin kéyin nandigha yétip barghan idi. Oklandtin ayrilidighan chaghda, yéngi zéllandiye zunglisi jon kir shi jinping we uning repiqisi qatarliqlarni ayrodurumgha bérip uzitip qoydi.

 

Kéyinkisi
Munasiwetlik xewerler
yéngi xewerler Yene
süretlik xewer Yene
süretlik tenterbiye xewerliri
pen-téxnika uchurliri Yene
ghelite ishlar Yene
kocha parangliri Yene
saghlamliq Yene