Bash bet>>Xewer Merkizi>>Muhim Xewerler
Memliket boyiche küzlük ashliqtin yene mol hosul élindi
Tehrir:Abdulla molla     Menbesi:Junggo uyghurche radiyo tori     Yollan'ghan waqit: 2014-11-25

junggo uyghurche radiyo tori 25-noyabir béyjing xewiri:

nöwette, memliket boyiche küzlük ashliq yighiwélish ayaghlishish basquchigha kirdi, jaylardin mol hosul xewerliri yétip kélishke bashlidi. Yéza igilik ministirliqi pütün yilliq ashliqtin mol hosul élinip, ozuqluq ashliqning mutleq bixeterlikige küchlük kapaletlik qilindi dédi.

xuangxé, xueyxé, xeyxé tüzlenglikide, ashliq yighiwélish ayaghliship, yoghan-yoghan dan tutqan shal axiri déhqanlarning ambarlirigha jaylashti, uwitilghan shax-shumbilar étizgha qayturulup yéngi hosulgha teyyarliq qilindi. Tupraqni oghutlashning arqisida yene yéza igilik pen-téxnika mulazimitining rolimu chong boldi. Bu yil merkez maliyesi ikki milyard yüen ajritip, memliket boyiche yuqiri mehsulat yaritish we mehsulatni ashurush endizisi ötkilige hujum qilishni kücheytip we uninggha yéteklep, ashliqning otturiche mo béshi mehsulatining 0.5 poénit köpiyishige türtke boldi.

shimal terepte bolsa sapsériq pishqan kömmiqonaqlarmu yéngiche kombayin bilen orulushqa bashlidi. Bashqa yillardikige oxshimaydighini shuki, kombayindin chiqqini kömmiqonaq béshi bolmastin, belki sap kömmiqonaq déni boldi. Bu arqiliq, dan ayrish, qurutush qatarliq jeryanlar aziyip, yighiwélish waqti on kündin ikki künge qisqardi.

yéngiche kombayin bilen yighish usuli-élimizning yéza igilikni mashinilashturush sewiyesini zor derijide yuqiri kötürdi. Bu yil memliket boyiche ziraet térish, yighiwélishni uniwérsal mashinilashturush sewiyesi tunji qétim 61% tin éship, on yil burunqidin 27 poénit yuqiri boldi.

sherqiy shimal tüzlenglikide, étizlargha sapsériq kömmiqonaq toshup ketti. Gerche sherqiy shimal, xuangxé, xueyxé wadisidiki qismen jaylar qurghaqchiliqqa uchrighan bolsimu, lékin bu jaylarning mo béshi mehsulati yenila 1600 jingdin yuqiri boldi.

yéza igilik ministirliqining yéza igilik ishlirini orunlashturushidin ayan bolushiche, 20-noyabirghiche, memliket boyiche küzlük ashliqning 99% i yighiwélinghan bolup, süriti oxshash mezgildiki bilen tengleshken.

 

Kéyinkisi
Munasiwetlik xewerler
yéngi xewerler Yene
süretlik xewer Yene
süretlik tenterbiye xewerliri
pen-téxnika uchurliri Yene
ghelite ishlar Yene
kocha parangliri Yene
saghlamliq Yene