Bash bet>>Xewer Merkizi>>Muhim Xewerler
Birleshme tekshürüsh guruppisi merkezning muhim orunlashturushlirining emeliylishish ehwalini tekshüridu
Tehrir:Abdulla molla     Menbesi:Junggo uyghurche radiyo tori     Yollan'ghan waqit: 2014-11-28

junggo uyghurche radiyo tori 28-noyabir béyjing xewiri:

partiye merkiziy komitéti, gowuyüenning muhim hel qilghuch orunlashturushlirini izchil emeliyleshtürüsh ehwalini tekshürüsh seperwerlik yighini tünügün béyjingda échildi, merkiziy komitét ishxanisi, gowuyüen ishxanisi birliship ewetken sekkiz tekshürüsh guruppisi 16 ölke, aptonom rayon, merkezge biwasite qarashliq sheherde tekshürüshni qanat yayduridu.

yighinda mundaq dep körsitildi: bash shuji shi jinpingning muhim yolyoruqlirining rohi boyiche, merkezning bir tutash orunlashturushigha asasen, merkiziy komitét ishxanisi, gowuyüen ishxanisining birleshme tekshürüsh guruppisi yéqinqi bir yildin buyanqi merkez, gowuyüen chiqarghan bir yürüsh muhim hel qilghuch orunlashturushlarning emeliylishish ehwalini bir qétim omumyüzlük tekshürüp, muhim hel qilghuch orunlashturushning tézdin heqiqiy emeliylishish, heqiqiy ünüm hasil qilishigha türtke bolup, muhim hel qilghuch orunlashturushlarni emeliyleshtürüsh jeryanidiki qiyin nuqta we mesililerni hel qilishni ilgiri sürüp, emeliy xizmetni hörmetleydighan, ching tutup emeliyleshtüridighan yaxshi keypiyatni yaritidu.

yighinda munular tekitlendi: bu qétimqi tekshürüshning asasliq mezmuni-partiye 18-nöwetlik merkiziy komitéti 3-omumiy yighinida qarap chiqip maqullanghan "junggo kompartiyesi merkiziy komitétining islahatni omumyüzlük chongqurlashturush heqqidiki bir qanche mesile toghrisidiki qarari"diki muhim orunlashturush, 2013-yili merkez iqtisad xizmiti yighinida békitilgen asasliq wezipiler, 12-nöwetlik memliketlik xelq qurultiyi 2-yighinida qarap chiqip maqullanghan "hökümet xizmiti doklati"da otturigha qoyulghan nuqtiliq xizmetlerni orunlash ehwali bolup, sekkiz jehettiki 35 türlük siyaset, tedbirge chétilidu. Buningda islahatni omumyüzlük chongqurlashturushtiki muhim orunlashturush, iqtisadni muqim ashurush siyasiti, qurulmini tengshesh siyasiti, xelq turmushigha kapaletlik qilish siyasitining emeliylishish ehwali nuqtiliq tekshürülidu, bolupmu nuqtiliq saheler islahatida yéngi bösüsh bolghan-bolmighanliqi, iqtisadiy heriketning saghlam, tekshi bolghan-bolmighanliqi, qurulmini tengshesh we süpetni östürüp, ünümni ashurushning ilgirileshke érishken-érishmigenliki, xelq ammisining heqiqiy nep alghan-almighanliqigha ehmiyet bérilidu. Tekshürüsh arqiliq, partiye merkiziy komitéti, gowuyüenning türlük muhim hel qilghuch orunlashturushlirining heqiqiy emeliylishishi, heqiqiy ünümge érishishi téz ilgiri sürülüp, türlük muhim hel qilghuch orunlashturushlarni emeliyleshtürüsh jeryanidiki qiyin nuqtilar hel qilinidu; Yerlikning merkezning muhim hel qilghuch orunlashturushlirini emeliyleshtürüshtiki tejribe we usulliri yekünlinip, saqliniwatqan perq we mesililer tépip chiqilip, sewebi tehlil qilinip, tertipke sélish telipi qaratmiliq otturigha qoyulup, tertipke sélish, emeliyleshtürüshning mahiyetlik ilgirilishi ilgiri sürülidu.

yighinda munular telep qilindi: söhbet yighini arqiliq, yerliktiki partkom, hökümetler we alaqidar tarmaqlarning izchil emeliyleshtürüsh ehwali heqqidiki xizmet doklatini anglap, 1-sepke bérip, asasiy qatlamlardiki mehelle, karxana, ammining pikir-tekliplirini yüzmu-yüz anglash; Yerlikning merkezning muhim hel qilghuch orunlashturushlirini emeliyleshtürüshtiki ijabiy ilgirilishi we ünümi, yerlikning siyaset emeliyleshtürüsh jeryanidiki asasliq qiyinchiliq we mesililirini igilesh; Tekshürüsh usulini yéngilap, bir qisim nuqtiliq siyaset, tedbirlerning emeliylishish ehwalini 3-terep bahalash we tor jemiyitide bahalashni qanat yaydurup, jemiyetning her sahesining pikir-tekliplirini anglap, sélishturma tehlil qilip, tekshürüshning heqiqiy ünümini östürüsh; Heqiqiy, emeliy tekshürüsh we tertipke sélishqa heydekchilik qilish arqiliq, her derijilik partkom, hökümet we bashqa tarmaqlarning omumluq éngi, mejburiyet éngi, mesuliyet éngini heqiqiy östürüp, puxta qedem tashlash, heqiqiy ching tutushtin ibaret emeliy istil bilen xelqning ishenchisige ériship, xelq ammisigha bergen wedini neqleshtürüsh kérek.

 

Kéyinkisi
Munasiwetlik xewerler
yéngi xewerler Yene
süretlik xewer Yene
süretlik tenterbiye xewerliri
pen-téxnika uchurliri Yene
ghelite ishlar Yene
kocha parangliri Yene
saghlamliq Yene