Bash bet>>Xewer Merkizi>>Muhim Xewerler
Merkez tashqi xizmet yighini échilip shi jinping muhim söz qildi
Tehrir:Küntékin imam     Menbesi:Junggo uyghurche radiyo tori     Yollan'ghan waqit: 2014-11-30

 

junggo uyghurche radiyo tori 30-noyabir béyjing xewiri:

merkez tashqi ishlar xizmiti yighini ülüshkün we tünügün béyjingda échildi. Junggo kompartiyesi merkiziy komitétining bash shujisi, dölet reisi, merkiziy herbiy ishlar komitétining reisi shi jinping yighinda muhim söz qildi.

shi jinping sözide mundaq dep körsetti: partiye 18-qurultiyidin buyan, partiye merkiziy komitéti ichki we xelqara omumluqni bir tutash pilanlap, diplomatiye zor fangjénining izchilliqi we muqimliqini saqlash asasida, teshebbuskarliq bilen pilanlap, tériship ilgiri sürüp, tashqi xizmette körünerlik netijini qolgha keltürdi.

shi jinping mundaq dep körsetti: élimiz jungxua milletlirining ulugh güllinishini ishqa ashurushning halqiliq basquchigha kirdi. Junggo bilen dunyaning munasiwitide chongqur özgirish bolmaqta, élimiz bilen xelqara jemiyetning alaqisini rawanlashturushimu mislisiz qoyuqlashti, élimizning dunyagha tayinishi, xelqara ishlargha qatnishishi özlüksiz chongqurlashti, dunyaning junggogha tayinishi, élimizge körsetken tesirimu özlüksiz chongqurlashti. Élimiz islahat, tereqqiyatni közitish we pilanlashta, xelqara we dölet ichi baziri, xelqara we dölet bayliqi, xelqara we dölet qanuniyitini bir tutash oylishishi hem uningdin her tereplime paydilinishi kérek.

shi jinping munularni tekitlidi: junggoning özige xas chong dölet diplomatiyesi bolushi lazim. Biz emeliyettin ötken tejribilerni yekünlesh asasida, tashqi xizmet qarishini béyitip we rawajlandurup, élimizning tashqi xizmitini roshen junggoche alahidilik, junggoche uslup, junggoche salapetke ige qilishimiz; Junggo kompartiyesining rehberliki we junggoche sotsiyalizm, élimizning tereqqiyat yoli, ijtimaiy tüzümi, medeniyet enenisi, qimmet qarishi, musteqil öz özige xoja bolghan tinch diplomatiye fangjéni, dölet we milletning tereqqiyatini öz küchimizning merkiziy nuqtisigha qoyushta ching turup, özimizning yolida, tinch tereqqiyat yolida qetiy tewrenmey méngishimiz shundaqla özimizning heqqaniy hoquq-menpeetimizdin qetiy waz kechmeslikimiz, döletning yadroluq menpeetini qetiy qurban qilmasliqimiz; Xelqara munasiwetni démokratiyeleshtürüsh, tinchliqta bille turushning besh pirinsipi, döletlerni chong-kichik, küchlük-ajiz, bay-namrat dep ayrimay hemmisi xelqara jemiyetning barawer ezasi déyish, dunyianing teqdirini choqum her qaysi dölet xelqi birlikte qolida tutushta ching turup, xelqara adilliq, heqqaniyetni, bolupmu tereqqiy qiliwatqan döletlerning söz qilish hoquqini qoghdishimiz kérek.

shi jinping yéngi weziyettiki diplomatiye istratégiyesini orunlashturushni özlüksiz kéngeytish we chongqurlashturushqa bolghan telipini otturigha qoyup munularni tekitlidi: etrap diplomatiye xizmitini heqiqiy, ching tutup, etrap teqdirdash ortaq gewdisini ornitip, yéqin, semimiy ötidighan, öz ara nep yetküzidighan, sighdurushchan diplomatiye qarishigha emel qilip, qoshnilar bilen ep, shérik ötüsh, qoshnilar bilen inaq ötüsh, qoshnilarni xatirjem qilish, qoshnilarni béyitishta ching turup, etraptiki döletler bilen öz ara nep yetküzidighan hemkarliq we alaqini téximu rawanlashturush; Chong döletler munasiwitini heqiqiy, yaxshi pilanlap, saghlam, muqim bolghan chong döletler munasiwet ramkisini ornitip, tereqqiy qiliwatqan döletler bilen bolghan hemkarliqni kéngeytish; Tereqqiy qiliwatqan döletler bilen bolghan ittipaqliq, hemkarliqni heqiqiy kücheytip, élimizning tereqqiyati bilen tereqqiy qiliwatqan döletlerning ortaq tereqqiyatini zich birleshtürüsh; Köp tereplik diplomatiyeni heqiqiy ilgiri sürüp, xelqara munasiwet we yer sharini tertipke sélish islahatigha türtke bolup, élimiz bilen tereqqiy qiliwatqan döletlerning wekillik xaraktéri hem söz hoquqini kücheytish; Emeliy hemkarliqni heqiqiy kücheytip, bir belbagh, bir yol qurulushini paal ilgiri sürüp, her qaysi tereplerning menpeet birikish nuqtisi üstide tériship izdinip, emeliy hemkarliq arqiliq téximu hemkarliship teng nep yetküzüsh kérek.

Kéyinkisi
Munasiwetlik xewerler
yéngi xewerler Yene
süretlik xewer Yene
süretlik tenterbiye xewerliri
pen-téxnika uchurliri Yene
ghelite ishlar Yene
kocha parangliri Yene
saghlamliq Yene