Bash bet>>Xewer Merkizi>>Muhim Xewerler
Junggo puqralirining millet terkibini ayrip bashqurush charisining ashkara pikir élish nusxisi
Tehrir:Iminjan ismail     Menbesi:Junggo uyghurche radiyo tori     Yollan'ghan waqit: 2014-12-03

 

junggo uyghurche radiyo tori 3-dékabir béyjing xewiri:

gowuyüen qanunchiliq ishxanisi yéqinda "junggo puqralirining millet terkibini ayrip bashqurush charisining ashkara pikir élish nusxisi"ni élan qilip, jemiyettin pikir aldi. Pikir élish nusxisida munular belgilendi: puqralar heqiqiy ehwalni yoshurup, saxtiliq qilip, özgertip, saxta ispat matériyallar bilen teminlep, millet terkibini özgertishni iltimas qilghan bolsa, milletler ishliri tarmaqliri tekshürüp testiqlash pikirini bikar qilishi kérek, jamaet xewpsizliki tarmaqliri özgertip tizimlashni bikar qilishi, shuning bilen birge alaqidar tarmaqlar saxta millet terkibi bilen behrimen bolidighan alaqidar hoquq menpeetini qayturuwélishi lazim; Amanliq saqlashni bashqurushqa xilapliq qilish qilmishi bolghanlar bolsa, qanun boyiche amanliq saqlashni bashqurush jazasi bérishi, jinayi ishlar mesuliyitini qanun boyiche sürüshtürüshi kérek.

pikir élish nusxisida munular belgilendi: puqralarning millet terkibi ata anisi yaki anisining millet terkibi boyiche békitilip tizimlinidu. Bu charide éytilghan ata anisi öz ata anisi, baqqan ata anisi we ögey ata anisini öz ichige alidu. Puqralarning millet terkibi békitilip tizimlanghandin kéyin, adette özgertishke bolmaydu.

shuning bilen birge pikir élish nusxisigha asasen, puqralar 18 yashqa toshmighan bolsa, uning qanun wesiysi mundaq ikki xil ehwalda millet terkibini özgertishni iltimas qilsa bolidu: biri, puqra 18 yashqa toshmighan, uning ata anisi nikah munasiwitide özgirish bolsa, uning millet terkibi béqish hoquqi bolghan bir terep bilen oxshash bolmisa; Yene biri, puqra 18 yashqa toshmighan, uning millet terkibi baqqan ata anisi yaki ögey ata anisining millet terkibi bilen oxshash bolmisa.

puqra 18 yashqa toshqan bolsa, bu kishi 18 yashqa toshup ikki yilghiche özi xalighan asasta öz ata anisining millet terkibini bir qétim tallisa bolidu.

undin bashqa, pikir élish nusxisida munular belgilendi: junggo puqraliri chetellikler bilen nikahlinip tughulghan yaki qanun boyiche béqiwalghan perzentler junggo tewelikini alghan bolsa, uning millet terkibini junggo puqrasining millet terkibi boyiche belgilesh kérek. Chetellikler junggo tewelikige kirgen bolsa, uning millet terkibini eslidiki dölet tewelikidiki milliti bilen tizimlash kérek.

Aldinqisi
Kéyinkisi
Munasiwetlik xewerler
yéngi xewerler Yene
süretlik xewer Yene
süretlik tenterbiye xewerliri
pen-téxnika uchurliri Yene
ghelite ishlar Yene
kocha parangliri Yene
saghlamliq Yene