Bash bet>>Xewer Merkizi>>Muhim Xewerler
Shi jinping tunji dölet asasiy qanun küni üchün muhim yolyoruq berdi
Tehrir:Abdulla molla     Menbesi:Junggo uyghurche radiyo tori     Yollan'ghan waqit: 2014-12-04

 

junggo uyghurche radiyo tori 4-dékabir béyjing xewiri:

tunji dölet asasiy qanun küni yétip kelgen peytte, junggo kompartiyesi merkiziy komitétining bash shujisi, dölet reisi, merkiziy herbiy ishlar komitétining reisi shi jinping muhim yolyoruq berdi. U munularni tekitlidi: asasiy qanun-döletning négizlik qanuni, döletni idare qilip, elni emin tapquzushning bash nizamnamisi, partiye we xelq iradisining merkezlik gewdilinishi bolup, aliy qanunluq ornigha, qanun nopuzi, qanun ünümige ige. Élimizning asasiy qanuni-dölet ehwaligha, emeliyetke, dewrning tereqqiyat telipige uyghun yaxshi qanun, élimiz we xelqning türlük qiyinchiliq hem xéyim-xeter, sinaqlargha berdashliq bérishi, bashtin-axir junggoche sotsiyalizm yolida algha ilgirilishining tüp qanunchiliq kapaliti. Döletni qanun boyiche idare qilishta ching turushta, aldi bilen döletni asasiy qanun arqiliq idare qilishta, qanun boyiche hakimiyet yürgüzüshte ching turushta, aldi bilen hakimiyetni asasiy qanun arqiliq yürgüzüshte ching turush; Partiyening rehberliki, xelqning xojayinliqi, döletni qanun boyiche idare qilishning organik birlikide ching turup, junggoche sotsiyalistik qanun boyiche idare qilish yolida qetiy tewrenmey méngip, asasiy qanun we qanunning nopuzini qetiy qoghdash; Dölet asasiy qanun künini tesis qilishni purset bilip, asasiy qanun teshwiqiy-terbiyisini chongqur qanat yaydurup, asasiy qanun rohini küchlük nurlandurup, asasiy qanun éngini heqiqiy östürüp, asasiy qanunni omumyüzlük, izchil yolgha qoyushqa türtke bolup, asasiy qanunning omumyüzlük halliq jemiyet qurush, islahatni omumyüzlük chongqurlashturush, döletni qanun boyiche idare qilishni omumyüzlük ilgiri sürüshtiki muhim rolini téximu yaxshi jari qildurush kérek.

merkiziy komitét teshwiqat bölümi, memliketlik xelq qurultiyi daimiy komitéti ishxanisi, edliye ministirliqi 3-dékabir chüshtin kéyin béyjingda "asasiy qanun teshwiqiy-terbiyisini chongqur qanat yaydurup, asasiy qanun rohini küchlük nurlandurush" söhbet yighini achti. Junggo kompartiyesi merkiziy komitéti siyasiy biyurosi daimiy komitétining ezasi, memliketlik xelq qurultiyi daimiy komitétining bashliqi jang déjyang söhbet yighinigha qatnashti hem munularni tekitlidi: bash shuji shi jinpingning muhim yolyoruqida, asasiy qanunning muhim orni chongqur sherhlinip, asasiy qanunning muhim roli éniq körsitilip, yéngi weziyette asasiy qanun teshwiqiy-terbiyisini kücheytish, asasiy qanun, qanunning nopuzini qoghdash, asasiy qanunni omumyüzlük, izchil yolgha qoyush, asasiy qanunning rolini téximu yaxshi jari qildurushqa yéngi, téximu yuqiri telep qoyuldi. Biz buni choqum estayidil öginip, chongqur özleshtürüp, omumyüzlük, izchil emeliyleshtürüshimiz kérek.

junggo kompartiyesi merkiziy komitéti siyasiy biyurosining ezasi, memliketlik xelq qurultiyi daimiy komitétining muawin bashliqi li jyengo yighingha riyasetchilik qildi hem bash shuji shi jinpingning muhim yolyoruqini yetküzdi.

merkiziy komitét teshwiqat bölümi, memliketlik xelq qurultiyi daimiy komitéti qanunchiliq xizmiti komitéti, aliy xelq sot mehkimisi, aliy xelq teptish mehkimisi, maarip ministirliqi, edliye ministirliqi, gowuyüen qanunchiliq ishxanisining alaqidar mesulliri söhbet yighinida söz qildi. Lyu chibaw, méng jyenju, wang shéngjün qatarliqlar söhbet yighinigha qatnashti.

memliketlik xelq qurultiyining her qaysi mexsus komitétliri, merkez we dölet organliri alaqidar tarmaqlirining mesulliri, her qaysi démokratik partiye-guruhlar merkiziy komitétliri, memliketlik soda-sanaetchiler birleshmisining mesulliri, partiye-guruhsiz erbablar wekilliri bolup 300 che adem söhbet yighinigha qatnashti.

partiye 18-nöwetlik merkiziy komitéti 4-omumiy yighinida maqullanghan "junggo kompartiyesi merkiziy komitétining döletni qanun boyiche idare qilishni omumyüzlük ilgiri sürüsh heqqidiki bir qanche muhim mesile toghrisidiki qarari"da, her yili 4-dékabirni dölet asasiy qanun küni qilish otturigha qoyulghan idi. 12-nöwetlik memliketlik xelq qurultiyi daimiy komitétining 11-sanliq yighinida awazgha qoyup maqullinip, 4-dékabir-dölet asasiy qanun küni qilip békitildi.

 

Kéyinkisi
Munasiwetlik xewerler
yéngi xewerler Yene
süretlik xewer Yene
süretlik tenterbiye xewerliri
pen-téxnika uchurliri Yene
ghelite ishlar Yene
kocha parangliri Yene
saghlamliq Yene