Bash bet>>Xewer Merkizi>>Muhim Xewerler
J k p siyasiy byurosi yighin échip 2015-yilliq iqtisad xizmitini tehlil qildi we tetqiq qildi
Tehrir:Adil ablet     Menbesi:Junggo uyghurche radiyo tori     Yollan'ghan waqit: 2014-12-06

junggo uyghurche radiyo tori 6-dékabir béyjing xewiri:

junggo kompartiyisi merkiziy komitéti siyasiy byurosi 5-dékabir yighin échip, 2015-yilliq iqtisad xizmitini tehlil qildi we tetqiq qildi. Junggo kompartiyisining bash shujisi shi jinping yighingha riyasetchilik qildi.

yighinda mundaq dep qaraldi: bu yil kirgendin buyan, partiye merkiziy komitéti, gowuyüen pütün memlikettiki her millet xelqini ittipaqlashturup yéteklep, ötken yili merkezning iqtisad xizmiti yighinidiki tedbir orunlashturushlirini izchil emeliyleshtürüp, tereqqiyat chong weziyitini puxta igilep,islahatni omumyüzlük chongqurlashturdi;Makro iqtisadning sijilliqi we muqimliqini saqlidi; Makro jehettin tengshep kontrol qilish tepekkuri, usulida yéngiliq yaratti;Qaratmiliqi bolghan halda aldin tengshidi we mikro tengshidi; Türlük xizmetlerni puxta yaxshi ishlidi; Iqtisad jemiyetni sijil muqim tereqqiy qildurdi; Iqtisadiy tereqqiyatning omumiy weziyiti yaxshi.

yighinda munular tekitlendi: élimiz iqtisadiy tereqqiyat yéngi halitige kirdi; Iqtisadning élastikliqi yaxshi, yoshurun küchi yéterlik, heriketlinish boshluqi chong bolup, kéler yili we buningdin kéyinki iqtisadning sijil saylam tereqqiy qilishigha paydiliq sharait yaritildi. Shuning bilen bir waqitta , shunimu körüshimiz kérekki iqtisadning yéngi halitide körülgen qismen éghish xaraktérliq özgirish iqtisadiy ijtimaiy tereqqiyatni köpligen qiyinchiliq we xirisqa yoluqturdi, buninggha yüksek ehmiyet bérishimiz, muwapiq taqabil turushimiz kérek.

yighinda mundaq dep körsitildi: 2015-yili 12-besh yilliq pilan tamamlinidighan yil, islahat omumyüzlük chongqurlashturulidighan yil, shundaqla döletni qanun arqiliq idare qilishni omumyüzlük ilgiri sürüshning bashlinish yili, shunga iqtisadiy xizmetni yaxshi ishleshning ehmiyiti zor. Partiye 18-qurultiyi we partiye 18-nöwetlik merkiziy komitéti 3-, 4- omumiy yighinlirining rohini omumyüzlük izchillashturup, muqimliq ichide ilgirilesh xizmitining omumiy asasida ching turup, iqtisadiy tereqqiyatning süpiti we ünümini östürüshni merkez qilishta ching turush lazim. Iqtisadiy tereqqiyatning yéngi halitige teshebbuskarliq bilen masliship, iqtisadning heriketlinishini muwapiq ariliqta saqlap, usulda burulush yasash qurulmini tengsheshni téximu muhim orungha qoyush kérek. Islahat ötkilige hujum qilishni ching tutup, yéngiliq yaritishta heydekchilik qilishni gewdilendürüp,xéyim xeterning aldini élish tizginlesh we xelq turmushigha kapalet qilishni kücheytip, iqtisadning sijil saghlam tereqqiyati we jemiyetning énaq muqimliqini ilgiri sürüsh lazim.

yighinda munular tekitlendi: iqtisadning muqim éshishini saqlap we qurulmini barawer tengshep, makro siyaset muqim, mikro siyaset janliq, ijtimaiy siyaset tirek bolghan omumiy tepekkur yolida ching turush lazim. Makro siyasetning sijilliqi we muqimliqini saqlap,aktip maliye siyasiti we muqim saghlam pul siyasitini dawamliq yolgha qoyush kérek. Yéngiche sanaetleshtürüsh, uchurlashturush, sheher bazarlashturush, zamaniwilashturushning mas qedemde tereqqiy qilishigha türtke bolush kérek.

 Istratégiyilik yéngidin güllengen kesipler we mulazimetchilikning tireklik rolini tedrijiy kücheytip, eneniwi kesiplerning ottura, yuqiri basquchqa qarap qedem bésishini küchep ilgiri sürüp, ammining igilik tiklishi, yéngiliq yaritishigha türtke bolup, iqtisadning yéngi éshish nuqtilirini yétishtürüshni paal bayqash lazim. Ashliq we asasliq yéza igilik mehsulatlirini muqimlashturup, yéza igilikining tereqqiyat sheklide burulush yasap, asasliqi mehsulatni ashurush we bayliqni köpeytidighan ,xoritidighan qopal igilikni qoghlishishtin, san bilen süpetke teng ehmiyet béridighan, riqabet küchini ashuridighan, imkaniyetlik sijil bolghan tijeshchan tereqqiyatqa qarap burulush yasash lazim. Iqtisadning tereqqiyat boshluqi qélipini serxillashturup, rayonning omumiy tereqqiyat istratégiyisini sijil yolgha qoyup, bir belwagh bir yol, béyjing, tyenjin,xébiyning masliship tereqqiy qilishi, changjyang deryasi iqtisad belbéghi qurulushini ilgiri sürüsh kérek. Sheher bazarlashturushni paal muqim ilgiri sürüp, énérgiye téjesh bulghima azaytish we ékologiyilik muhitni qoghdashni boshashmay ilgiri sürüsh kérek. Xelq turmushini yaxshilash xizmitige kapaletlik qilishni kücheytip, asasiy xelq turmushigha kapaletlik qilishqa téximu ehmiyet bérish, töwen kérimlik ammining turmushigha téximu köngül bölüsh, jemiyetning omumiy muqimliqi bolupmu ishqa orunlishish we namratlarni yölesh xizmitini yaxshi ishleshke ehmiyet bérish lazim. Iqtisadiy tüzülme islahatini tewrenmey ilgiri sürüp, yilliq alahidilik, uzaq mezgillik orunlashturushqa paydiliq bolghan islahat tedbirlirini ilgiri sürüp, iqtisadiy tüzülme islahat layihisi süpitini östürüp, iqtisadiy tüzülme islahat tedbirlirining emeliylishishini ching tutup yaxshi ishlesh kérek. Ichki éhtiyaj yoshurun küchini qoyuwétip, import bilen éksportning tengpungliqi , tashqi meblegh jelp qilish bilen sirtqa meblegh sélishning tengpungliqini ilgiri sürüp, xelqara kirim chiqim asasiy tengpungliqini tedrijiy ishqa ashurush lazim. Yighinda yene bashqa ishlar tetqiq qilindi.

 

Kéyinkisi
Munasiwetlik xewerler
yéngi xewerler Yene
süretlik xewer Yene
süretlik tenterbiye xewerliri
pen-téxnika uchurliri Yene
ghelite ishlar Yene
kocha parangliri Yene
saghlamliq Yene