Bash bet>>Xewer Merkizi>>Muhim Xewerler
Élimiz erkin soda rayoni istratégiyesini tézdin yolgha qoyidu
Tehrir:Abdulla molla     Menbesi:Junggo uyghurche radiyo tori     Yollan'ghan waqit: 2014-12-07

 

junggo uyghurche radiyo tori 7-dékabir béyjing xewiri:

junggo kompartiyesi merkiziy komitéti siyasiy biyurosi 5-dékabir chüshtin kéyin erkin soda rayoni qurulushini tézlitish heqqide 19-qétim kolléktip öginish qildi. Junggo téximu küchlük heriket qollinip, téximu yuqiri sewiyelik sirtqa échiwétishni ilgiri sürüp, erkin soda rayoni istratégiyesini tézdin yolgha qoyup, échiwétishchan iqtisadning yéngi tüzülmisini tézdin ornitip, sirtqa échiwétishtiki teshebbuskarliq arqiliq iqtisadiy tereqqiyat, xelqara riqabettiki teshebbuskarliqni qolgha keltüridu.

élimizning sirtqa échiwétish yéngi endizisi yer shari iqtisadi bilen ichki iqtisadiy weziyetning özgirishige del uyghunlashti. Bir tereptin 2008-yilidiki pul muamile kirizisidin kéyin, dunya iqtisadi körünerlik astilidi, yawropa bilen amérika yasimichiliqning qaytidin tereqqiy qilishigha ilham berdi, yéngidin gülliniwatqan iqtisadiy gewdiler meblegh kirgüzüshni kücheytip, yer sharining biwasite meblegh sélish ishlirida belgilik derijidiki bölünüshni peyda qildi; Yene bir tereptin junggo iqtisadni ashurushning yéngi muqim halitige kirip, iqtisadning éshish süritini tengshep, iqtisadning éshish süritini bulturqi 10% etrapidin 7% etrapigha astilatti.

soda ministirliqining sanliq melumatidin ayan bolushiche, 2002-yili junggoning chetellerge biwasite salghan meblighi ikki milyart 700 milyon amérika dolliri bolup, 2013-yiligha kelgende köpiyip 107 milyard 800 milyon amérika dollirigha yétip, qisqighina 12 yilda 40 hessige yéqin köpeygen. Nöwette, junggo chetellerge meblegh sélishta dunyada 3-orunda turidighan bolup, amérika bilen yaponiyedinla kéyin turidiken. Soda ministirining yardemchisi jang shangchén mundaq dédi: junggo pat arida sap desmaye chiqarghuchi döletke aylinip, chetellerge salghan meblegh sommisi kirgüzgen chetel meblighidin éship kétidu. Hazirghiche, junggo imzalighan erkin soda kélishimi 12 ge yétip, 20 dölet we rayonni qaplidi, junggo sherqiy jenubiy asiya ittipaqi, singapor, pakistan, chili, piru, kostarika, islandiye, shiwétsariye bilen erkin soda kélishimi imzalidi, ichki jaylar bilen shyanggang, awménning téximu qoyup iqtisad-soda munasiwiti shundaqla chong quruqluq bilen teywenning ikki qirghaq iqtisadiy hemkarliq ramka kélishimi imzalandi.

junggo koriye we awstraliye bilen erkin soda söhbitini tamamlighandin kéyin yene alte erkin soda kélishimi imzalash heqqide söhbetleshmekte, bular 21 dölet we rayongha alaqidar bolup, ayrim-ayrim junggo bilen pars qoltuqi hemkarliq komitéti, sirilanka we norwégiyening erkin soda kélishimi, junggo-yaponiye-koriye erkin soda kélishimi, "rayon omumyüzlük iqtisadiy hemkarliq shériklik munasiwiti" we junggo-sherqiy jenubiy asiya ittipaqi erkin soda kélishimining derijisini östürüshtin ibaret. Bashlashtin chongqurlashturushqiche bolghan jeryanda, junggo teshebbus qilghan erkin soda pilani barghanséri ilgiri sürülmekte.

 

Kéyinkisi
Munasiwetlik xewerler
yéngi xewerler Yene
süretlik xewer Yene
süretlik tenterbiye xewerliri
pen-téxnika uchurliri Yene
ghelite ishlar Yene
kocha parangliri Yene
saghlamliq Yene