Bash bet>>Xewer Merkizi>>Muhim Xewerler
Merkez iqtisad xizmiti yighini échildi
Tehrir:Abdulla molla     Menbesi:Junggo uyghurche radiyo tori     Yollan'ghan waqit: 2014-12-12

 

junggo uyghurche radiyo tori 12-dékabir béyjing xewiri:

merkez iqtisad xizmiti yighini 9-dékabirdin 11-dékabirghiche béyjingda échildi. Junggo kompartiyesi merkiziy komitétining bash shujisi, dölet reisi, merkiziy herbiy ishlar komitétining reisi shi jinping, gowuyüen zunglisi li kéchyang, memliketlik xelq qurultiyi daimiy komitétining bashliqi jang déjyang, memliketlik siyasiy kéngeshning reisi yü jéngshéng, junggo kompartiyesi merkiziy komitéti shujichusining shujisi lyu yünshen, merkiziy intizam tekshürüsh komitétining shujisi wang chishen, junggo kompartiyesi merkiziy komitéti siyasiy biyurosi daimiy komitétining ezasi, gowuyüenning muawin zunglisi jang gawli yighingha qatnashti.

shi jinping yighinda muhim söz qilip, nöwettiki ichki, tashqi iqtisadiy weziyetni tehlil qildi, bu yilliq iqtisad xizmitini yekünlidi, 2015-yilliq iqtisad xizmitining omumiy telipi, asasliq wezipilirini otturigha qoydi. Li kéchyang sözide kéler yilliq makroluq iqtisad siyasitining yüzlinishini sherhlep, kéler yilliq iqtisad, jemiyet tereqqiyatidiki nuqtiliq xizmetlerni orunlashturdi hem xulase sözi qildi.

yighinda mundaq dep körsitildi: bu yil kirgendin buyan, murekkep, özgirishchan xelqara muhit we müshkül, éghir ichki islahat, tereqqiyat, muqimliq wezipisi aldida, biz ötken yilqi merkez iqtisad xizmiti yighinidiki hel qilghuch orunlashturushlarni izchil emeliyleshtürüp, partiyening iqtisad xizmitige bolghan rehberlikini kücheytip we yaxshilap, tereqqiyat yüzlinishini ching tutup, muqimliq ichide ilgirilesh asasiy yönilishide ching turup, islahatni omumyüzlük chongqurlashturup, makroluq siyasetning sijilliqi we muqimliqini saqlap, omumiy jehettin tengshep tizginlesh tepekkuri we usulini yéngilap, qaratmiliq halda inchike we aldin tengshep, türlük xizmetlerni puxta, yaxshi ishlep, iqtisad, jemiyetning sijil, muqim tereqqiyatini ishqa ashurduq; Pütün yilliq asasliq nishan, wezipilerni ümidwar halda bir qeder yaxshi orunlap, iqtisadiy heriketni muwapiq dairide aylandurup, iqtisad qurulmisini tengsheshte paal özgirish peyda qilip, islahat, échiwétishni chongqurlashturushta muhim ilgirileshke ériship, xelqning turmush sewiyesini östürduq. Shuning bilen bir waqitta, élimizning iqtisadiy herikiti yenila nurghun qiyinchiliq, xirislargha duch kélip, iqtisadning töwenlesh bésimi bir qeder chong chongiyip, qurulmini tengsheshte bir qisim mesililer peyda boldi, karxanilarning ishlepchiqirish, tijaret qiyinchiliqi éghirlashti, iqtisadta bir qisim xiyim-xeter peyda boldi.

 

Kéyinkisi
Munasiwetlik xewerler
yéngi xewerler Yene
süretlik xewer Yene
süretlik tenterbiye xewerliri
pen-téxnika uchurliri Yene
ghelite ishlar Yene
kocha parangliri Yene
saghlamliq Yene