Bash bet>>Xewer Merkizi>>Muhim Xewerler
Nenjing chong qirghinchiliqida qaza qilghanlargha dölet teziye bildürüsh murasimi ötküzüldi
Tehrir:Güzelnur rozi     Menbesi:Junggo uyghurche radiyo tori     Yollan'ghan waqit: 2014-12-13

junggo uyghurche radiyo tori 13-dékabir béyjing xewiri: 

junggo kompartiyesi merkizi komitéti, memliketlik xelq qurultiyi daimiy komitéti, gowuyüen, memliketlik siyasi meslihet kéngishi, merkizi herbiy ishlar komitéti 13-dékabir chüshtin burun nenjingda nenjing chong qirghinchiliqida qaza qilghanlargha dölet teziye bildürüsh murasimi ötküzdi. Junggo kompartiyesi merkizi komitétining bash shujisi, dölet reisi, merkizi herbiy ishlar komitétining reisi shi jinping teziye bildürüsh paaliyitige qatnashti hemde muhim söz qilip munularni tekitlidi: qedimdin buyan tinchliq insanlarning arzusi bolup keldi. Tinchliq xuddi qoyash nurigha oxshash illiq, yamghur we shebnemge oxshash nemxush, qoyash nori, yamghur, shebnem bolghandila, janliqlar timen ösüp yétileleydu. Tinchliq, muqimliq bolghandila, insanlar arzusini téximu yaxshi ishqa ashuralaydu. Tarix bizge tinchliqni qolgha keltürüsh, qoghdash kirekligini éytip berdi. Hemme kishi tinchliqni qedirlep, tinchliqni qoghdighandila, hemme kishi urushning azap oqibitidin sawaq alghandila, tinchliq ümidke tolghan bolidu.

junggo kompartiyesi merkizi komitéti siyasiy biyurusi daimiy komitétining ezasi, memliketlik xelq qurultiyi daimiy komitétining bashliqi jang déjang teziye bildürüsh murasimigha riyasetchilik qildi.

teziye bildürüsh murasimi- junggogha tajawuz qilghan yapon armiyesining nenjingdiki chong qirghinchiliqida qaza qilghan qirindashlar xatire sariyida ötküzüldi.

chüshtin burun saet 10da teziye bildürüsh murasimi bashlandi. Herbiy orkistir "pidayilar marshi"ni orundidi, pütün meydandikiler jungxua xelq jumhuriyitining dölet shéirini oqudi. Yangraq dölet shéiri pelekni bir aldi. Dölet shéiri oqulup bolghandin kéyin meydanda nenjing chong qirghinchiliqida qaza qilghanlargha sükütte türüp teziye bildürüldi. Teziye bildürüsh neq meydanida hawa mudapie signali yangridi, shu waqitta, nenjingning pütün sheher rayonidimu signal awazi yangridi, aptomobil, poyiz, paraxotlar guduk yangratti.

sükütte türüsh bir minot dawamlashti. Herbiy orkistsr töwen awazda rékwiémni orunlidi, 16murasim eskiri sekkiz ghayet chong gül chembirekni kötürüp, asta qedemler bilen teziye bildürüsh supisigha chiqip, gül chembirekni "bextsizlikke uchrighuchilar témi"aldigha qoydi. Nenjing shehiridiki 77 neper yash ösmür chongqur hésiyati bilen "tinchliq xitabnamisi"ni oqidi, arqidin shi jinping nenjing chong qirghinchiliqida hayat qalghuchilarning wekili, 85 yashliq sha shüchin we pionirlar etritining bir ezasi bilen birlikte teziye bildürüsh supisigha chiqip, dölet teziye bildürüsh dangqinining yupuqini achti.

shi jinping söz qilip mundaq dédi: biz nenjing chong qirghinchiliqda qaza qilghanlargha tezbiye bildürüsh murasimiy ötküzwatimiz, her bir aqköngül kishi tinchliqqa intilishi, tinchliqta ching turushi, öchmenlikni dawamlashturmasliqi kérek. Junggo bilen yaponiye xelqliri ewladmu ewlad dost ötüshi , tarixni eynek qilip, kelgüsige yüzlinip, insanlar tinchliqi üchün birlikte töhpe qoshushi kérek.

shi jinping munularni tekitlidi: mushu waqitta, junggo xelqimu xelqara jemiyetke bügünki junggoning dunyaning tinchliqini qetiy himaye qilghuchi we küchlük qollighuchi ikenligini, junggo xelqining insanlarning tinchliqi we tereqqiyatidin ibaret yüksek ishlarni qetiy himaye qilidighanliqini, her qaysi dölet xelqi bilen birlikte semimiy ittipaqliship, uzaq muddet tinch bolghan, ortaq güllengen dunya qurush üchün birlikte tirishchanliq körsitidighanliqini daghidughiliq éniq jakarlaydu.

teziye bildürüsh murasimidin kéyin, shi jinping qatarliq partiye, dölet rehberliri we her sahediki rehberler xatire sariyi körgezme zaligha kirip, "insaniyetning balayiapiti- junggogha tajawuz qilghan yapon armiyesining nenjingdiki chong qirghinchiliqi tarixi emeliy körgezmisi"ni ékiskursiye qildi. Shi jinping qatarliqlar estaydil kördi, nenjingni qoghdash urushi, yapon armiyesining nenjingdiki chong qirghinchiliqi, yapon urush jinayetchilirini sotlash, nenjing chong qirghinchiliqining tarixi ispati qatarliq körgezme rayonlirida shi jinping qedimini toxtutup, munasiwetlik ehwallarni tepsiliy igilidi.

ékiskursiye ayaqlashqanda, shi jinping, jang déjanglar imza qoyush deptirige imza qoydi. Arqidin shi jinping qatarliqlar murasimgha qatnashqan nenjing chong qirghinchiliqida hayat qalghuchilar wekili we qaza qilghanlarning uruq tuqqanlirining wekili bilen semimiy körüshti.

 

Kéyinkisi
Munasiwetlik xewerler
yéngi xewerler Yene
süretlik xewer Yene
süretlik tenterbiye xewerliri
pen-téxnika uchurliri Yene
ghelite ishlar Yene
kocha parangliri Yene
saghlamliq Yene