Bash bet>>Xewer Merkizi>>Muhim Xewerler
Shi jinping jyangsuda tekshürüp tetqiq qildi
Tehrir:Abdulla molla     Menbesi:Junggo uyghurche radiyo tori     Yollan'ghan waqit: 2014-12-15

 

junggo uyghurche radiyo tori 15-dékabir béyjing xewiri:

junggo kompartiyesi merkiziy komitétining bash shujisi, dölet reisi, merkiziy herbiy ishlar komitétining reisi shi jinping yéqinda jyangsuda tekshürüp tetqiq qilghanda munularni tekitlidi: partiye 18-qurultiyi we partiye 18-nöwetlik merkiziy komitéti 3-, 4-omumiy yighinlirining rohini omumyüzlük izchillashturup, merkez iqtisad xizmiti yighinining rohini emeliyleshtürüp, iqtisadiy tereqqiyatning yéngi halitini teshebbuskarliq bilen igilep we uninggha aktip masliship, omumyüzlük halliq jemiyet qurush, islahatni omumyüzlük chongqurlashturush, döletni qanun boyiche idare qilishqa omumyüzlük türtke bolush, partiyeni omumyüzlük qattiq idare qilishni tengkesh ilgiri sürüp, islahat, échiwétish we sotsiyalistik zamaniwilashturush qurulushini yéngi sewiyege yetküzüshke türtke bolush kérek.

bu yil axirliship qalay dédi, bash shuji sheher-yéza ahalilirining turmushigha intayin köngül böldi. Shi jinping 13-dékabir chüshtin kéyin aldi bilen jénjyang shehiri dentu rayoni shiyé bazarliq shipaxanigha bardi, shi jinping mundaq dep körsetti: omumiy xelqning saghlamliqi bolmisa, omumyüzlük halliq jemiyet qurughili bolmaydu. Dawalash, saqliq saqlash xizmitining merkiziy nuqtisini asasiy qatlamgha téximu qaritip, dawalash, saqliq saqlash bayliqida asasiy qatlamgha ehmiyet bérip, asasiy qatlam ammisining dawalinish tes, qimmet bolush mesilisini heqiqiy hel qilish lazim.

yéza igilikke ehmiyet bérish döletning chong ishi. Shi jinping munularni tekitlidi: zamaniwi yuqiri ünümlük yéza igiliki-déhqanlarni béyitishning yaxshi yoli. Bu yolni boylap dawamliq ilgirilep, yéza igilik bashqurushni ünümge érishtürüp, déhqanlarni istiqbali bar kesipke ige qilish kérek.

shi jinping yene jénjyang shehiri yéza igilik pen tetqiqatxanisining sabiq bashliqi yoldash jaw yafu bilen semimiy paranglashti. Shi jinping yéza igilik mutexessislirining netijisini bipayan tupraqta gewdilendürüp, pen tetqiqatta yéngiliq yaritishni emeliy netijige aylandurush lazim dep tekitlidi.

shi jinping shu jayning yéngi yéza qurush ehwalini közdin kechürdi, shi jinping eshya oboroti we puqrawi karxanilarning tereqqiyatigha intayin köngül böldi. Amérika istanford uniwérsitétidin kelgen piroféssor mak shi jinpingning qolini tutup turup, junggogha kélip ishligenlikidin nahayiti xushal ikenlikini éytti. Shi jinping uning junggo karxanilirining tereqqiyatigha eqil-parasitini teqdim qilishini qarshi aldi.

shi jinping tekshürüp mezgilide, jyangsu ölkilik partkom we ölkilik hökümetning xizmet doklatini anglidi, jyangsuning iqtisad, jemiyet tereqqiyatida qolgha keltürgen netijiliri we türlük xizmetlirini mueyyenleshtürdi. Shi jinping munularni tekitlidi: iqtisadiy tereqqiyatni yaxshi tutushta, kesip qurulmisining töwen halettin ottura, yuqiri haletke qarap ilgirilishige türtke bolush; Peytni qoldin bermeydighan texirsizlik tuyghusi bilen, yéngiliq yaritishta heqiqiy ünümni qolgha keltürüp, pen-téxnika bilen iqtisadni tutashturush, yéngiliq yaritish netijiliri bilen kesipni tutashturushni kücheytish; Islahatni omumyüzlük chongqurlashturush dawamida tériship aldida méngip, merkez maqullighan türlük islahat layihelirini heqiqiy emeliyleshtürüsh; Éksport riqabet küchini chingitip, dölet ichi, sirtigha échiwétishning yéngi boshluqini kéngeytish kérek.

shi jinping mundaq dep körsetti: yéza igiliki zamaniwilashmisa, yézilarni güllendürüp béytqili, déhqanlarni xatirjem tirikchilik qilish imkaniyitige érishtürgili bolmaydu, döletni zamaniwilashturush mukemmel, etrapliq, puxta bolmaydu. Tereqqiy tapqan jaylar bu jehette choqum yaxshi bashlamchiliq qilishi lazim. Türlük xizmetlerni yaxshi ishleshte, küchlük qimmet qarishining yétekchiliki, medeniyet uyushturush küchi, meniwi türtkilik küchining qollishigha tayinip, medeniyet qurulushini kücheytishni meniwige tirekke ige qilip, sotsiyalistik yadroluq qimmet qarishini kishilerning algha ilgirileshtiki qudretlik meniwi heriketlendürgüchi küchige aylandurush; Iqtisadiy qurulushqa oxshash xelq turmushighimu yaxshi kapaletlik qilish, tereqqiyat körsetküchini emeliyleshtürgenge oxshash xelq turmushi wezipisinimu emeliyleshtürüsh lazim.

shi jinping munularni tekitlidi: partiyeni omumyüzlük qattiq idare qilish-partiye qurulushini ilgiri sürüshtiki yéngi, ulugh qurulushning muqerrer telipi. Partiyeni qattiq idare qilishning muhim nuqtisi-kadirlarni qattiq bashqurushta. Partiyeni qattiq idare qilish-pütün partiyening ortaq wezipisi, her derijilik partiye teshkilatliri teshebbuskarliq bilen tepekkur yürgüzüp, teshebbuskarliq bilen ishlep, chong yaxshi sharaitni yenimu shekillendürüshke türtke bolushi kérek.


Kéyinkisi
Munasiwetlik xewerler
yéngi xewerler Yene
süretlik xewer Yene
süretlik tenterbiye xewerliri
pen-téxnika uchurliri Yene
ghelite ishlar Yene
kocha parangliri Yene
saghlamliq Yene