Bash bet>>Xewer Merkizi>>Muhim Xewerler
Shi jinping nenjing herbiy rayonini közdin kechürdi
Tehrir:Abdulla molla     Menbesi:Junggo uyghurche radiyo tori     Yollan'ghan waqit: 2014-12-16

 

junggo uyghurche radiyo tori 16-dékabir béyjing xewiri:

junggo kompartiyesi merkiziy komitétining bash shujisi, dölet reisi, merkiziy herbiy ishlar komitétining reisi shi jinping 14-dékabir nenjing herbiy rayoni orginini közdin kechürdi, partiye merkiziy komitéti, merkiziy herbiy ishlar komitétigha wakaliten, herbiy rayondiki barliq ofitsér-eskerlerdin semimiy hal sorap, armiyeni qudret tapquzush nishanini zich chöridep, pütün armiye siyasiy xizmet yighinining rohini chongqur izchillashturup, armiyeni qanun boyiche, qattiq idare qilishni puxta ilgiri sürüp, qisimni inqilabiylashturush, zamaniwilashturush, muntizmlashturush qurulushini omumyüzlük kücheytip, partiye we xelq bergen muqeddes mejburiyetni heqiqiy, yaxshi ada qilishni tekitlidi.

shi jinping chüshtin burun saet toqquzdin 20 minut ötkenlerde, nenjing herbiy rayoni armiye tarixi sariyigha bardi. Arqidin, shi jinping nenjingdiki qisimlarning diwiziyedin yuqiri rehbiri kadirliri hem nenjing herbiy rayoni orginining poliktin yuqiri rehbiri kadirliri bilen semimiy körüshti we köpchilik bilen xatire süretke chüshti.

shi jinping nenjing herbiy rayonining xizmet doklatini anglighandin kéyin muhim söz qilip, mundaq dep körsetti: idiye-siyasiy xizmetni téximu puxta, téximu ünümlük halda ching tutush kérek. Yéqinda échilghan pütün armiye siyasiy xizmet yighinida, partiyening idiye, siyasiy jehettin armiye qurushtiki muhim mesililiri nuqtiliq muhakime qilinip we hel qilinip, yéngi weziyettiki armiye siyasiy xizmitini kücheytish we yaxshilash omumyüzlük orunlashturuldi. Pütün armiye siyasiy xizmet yighinining rohini öginish, izchillashturushtiki achquch-uni heqiqiy emeliyleshtürüshte, yighinning rohini öginish, chüshinish, siyasiy xizmetni yaxshilash, yéngilash, nuqsan, iwenlerni tüzitish, gewdilik mesililerni hel qilishqa yuqiridin töwengiche küch chiqirish kérek. Shü seyxu délosidiki achchiq sawaqlarni heqiqiy qobul qilip, idiye, siyasiy, teshkil, istil jehettin shü seyxu délosining yaman tesirini üzül-késil tügitish lazim.

shi jinping munularni tekitlidi: aliy, ottura derijilik kadirlar-armiyeni idare qilishtiki bashlamchi tayanchlar, terbiyelesh, bashqurush, nazaret qilishni kücheytip, qattiq tekshürüsh we tallap ishlitish kérek. Istil qurulushini chongqur ilgiri sürüp, mesililerni tüzesh we tekshürüp bir terep qilishni qetiy ching tutup, ammiwi lushyen terbiyesini emeliyettin ötküzüsh paaliyitining netijilirini puxtilap we rawajlandurup, ofitsér-eskerler razi bolidighan heqiqiy ünümni qolgha keltürüsh lazim.

shi jinping mundaq dep körsetti: armiyeni qanun boyiche, qattiq idare qilishni téximu puxta, ünümlük halda ching tutush kérek; Qanun boyiche idare qilishni qattiq yolgha qoyup, armiye intizamini chingitish-armiyeni idare qilip esker bashqurushtiki polattek intizam shundaqla qudretlik armiye qurushning tüp qanuniyiti.

shi jinping munularni tekitlidi: armiye bilen hökümet, armiye bilen xelqning ittipaqliqini qoghdashni téximu puxta, ünümlük halda ching tutush; Yéngi weziyet, yéngi wezipilerning telipige uyghunliship, armiye bilen hökümet, armiye bilen xelqning ittipaqliqini özlüksiz puxtilap we kücheytip, armiye xelqni söyidighan, xelq armiyeni himaye qilidighan janliq weziyetni tériship shekillendürüsh kérek.


Kéyinkisi
Munasiwetlik xewerler
yéngi xewerler Yene
süretlik xewer Yene
süretlik tenterbiye xewerliri
pen-téxnika uchurliri Yene
ghelite ishlar Yene
kocha parangliri Yene
saghlamliq Yene