Bash bet>>Xewer Merkizi>>Muhim Xewerler
Téz süretlik tömüryol junggodiki chong kölemlik hemkarliqqa yéngi hayatiy küch qoshti
Tehrir:Abdulla molla     Menbesi:Junggo uyghurche radiyo tori     Yollan'ghan waqit: 2014-12-28

 

junggo uyghurche radiyo tori 28-dékabir béyjing xewiri:

güyyang-guangju, nenning-guangju téz süretlik tömüryolida qatnash bashlanghan küni élimizning jenubidiki 1-chong iqtisad ölkisi bolghan guangdung bilen uninggha qoshna guangshi, güyju güyyang-guangju, nenning-guangju téz süretlik tömüryol iqtisad belbéghini birlikte berpa qilidighanliqini jakarlidi. 26-dékabir-guangdung, guangshi, güyjuni késip ötidighan güyyang-guangju téz süretlik tömüryolida resmiy qatnash bashlandi, guangshining merkizi nenning bilen jenubning soda merkizi guangjuni tutashturidighan nenning-guangju téz süretlik tömüryolidimu shu küni qatnash bashlandi. Buning bilen güyjudin guangjugha töt saette, nenningdin guangjugha üch saette biwasite yétip barghili bolidu. Rayon otturisidiki makan-zaman ariliqi zor derijide yéqinlashti, üch jaydiki hökümet teng berpa qilish, teng behrimen bolush, teng nep élish signalini chiqardi, buning bilen yéngidin köpeygen téz süretlik tömüryol pan jujyang déltisining rayon hemkarliqigha yéngi hayatiy küch qoshti.

pan jujyang déltisi rayon hemkarliqi 2004-yili bashlanghan, 2013-yili pan jujyang déltisidiki toqquz ölke, aptonom rayonning ichki ishlepchiqirish omumiy qimmiti 18 tirilyon 600 milyard yüenge yétip, pütün memliketning 33% ni igilep, junggodiki iqtisadi eng hayatiy küchke tolghan, tereqqiyat yoshurun küchi eng zor rayonlarning birige aylandi.

téz süretlik tömüryol torining özlüksiz mukemmellishishige egiship, élimizning her qaysi rayonliri otturisidiki hemkarliq we almashturushmu téz sürette tereqqiy qildi. Bolupmu pan jujyang déltisi rayon hemkarliqi yolgha qoyulghan jenubtiki jaylarning téz süretlik tömüryol tereqqiyati téximu téz boldi. Jenubtiki guangdung, xunen, xeynen ölkilirining tömüryol qurulushini asasliq bashquridighan guangju tömüryol guruhining téz süretlik tömüryol tijaret musapisi üch ming kilométirgha yéqinliship, pütün memliketning töttin birini igilidi.

pan jujyang déltisi rayon hemkarliqi yolgha qoyulghan on yilda, bu rayondiki téz süretlik tömüryol arqiliq, rayon téz süretlik ghol liniyesi shekillendi. Béyjing-guangju téz süretlik tömüryolida qatnash bashlanghandin kéyin, jujyang déltisidiki junggoning jenubi bilen shimalini tutashturidighan chong tomurgha aylandi. Wuxen-guangju, shyamén-shénjén téz süretlik tömüryolliridimu arqa-arqidin qatnash bashlinip, xubéy, xunen, fujyen bilen guangdungning ariliqini qisqartti. Bu qétimqi qatnash bashlanghan güyyang-guangju, nenning-guangju téz süretlik tömüryoli guangshi bilen güyjudin ibaret pan jujyang déltisi rayonidiki qatnash yétersizlikini toluqlap, pan jujyang déltisi rayonini qatnashni tutashturush jehette heqiqiy bösüshke érishtürdi.

téz süretlik tömüryol türtke bolghan rayonlar otturisidiki meblegh sélish, sodining téz tereqqiyati rayonni bir gewdileshtürüsh musapisini chongqurlashturdi. Wuxen-guangju, shyamén-shénjén téz süretlik tömüryollirida qatnash bashlanghandin kéyin, guangdungning nurghun sodigerliri xunen, xubéy, fujyen qatarliq jaylargha bérip meblegh sélip, déngiz yaqisidiki kesiplerning ichki jaylargha yötkilishige türtke bolup, ottura rayonning qed kötürüshini meblegh, téxnika, tejribe bilen teminlidi. Güyyang-guangju, nenning-guangju téz süretlik tömüryoli tutashqan üch ölke, aptonom rayon ichide, guangdung bilen guangshi 21-esir déngiz yipek yoli belbéghining bashlinish nuqtisi, güyju bolsa gherbiy rayonning ichki quruqluqi. Kespiy erbablar mundaq dep qaridi: téz süretlik tömüryolda qatnash bashlinishi-makan-zaman ariliqini yéqinlashturdi, yene déngiz yipek yoligha téximu keng boshluq we téximu keng makan hazirlap bérip, bu yolning déngiz yaqisidin ichki quruqluqqa téximu ichkirilep kirishige türtke bolidu.

alaqidar mutexessisler mundaq dep qaridi: jujyang déltisi rayoni-döletning bir belbagh, bir yol istratégiyesini yolgha qoyushining muhim nuqtisi, güyyang-guangju, nenning-guangju téz süretlik tömüryolida qatnash bashlinish hem téz süretlik tömüryol iqtisad belbéghining qurulushi arqiliq, güyju qatarliq gherbiy jenub rayoni bir belbagh, bir yol istratégiyesige téximu keng dairide mujessemlinidu.


Kéyinkisi
Munasiwetlik xewerler
yéngi xewerler Yene
süretlik xewer Yene
süretlik tenterbiye xewerliri
pen-téxnika uchurliri Yene
ghelite ishlar Yene
kocha parangliri Yene
saghlamliq Yene