Bash bet>>Xewer Merkizi>>Muhim Xewerler
Dölet reisi shi jinpingning yéngi yilliq tebrik sözi qildi
Tehrir:Patigül muhemmet     Menbesi:Junggo uyghurche radiyo tori     Yollan'ghan waqit: 2015-01-01

 

junggo uyghurche radiyo tori 1-yanwar béyjing xewiri:

yéngi yil harpisida dölet reisi shi jinping junggo xelqara radiyo istansisi, merkiziy xelq radiyo istansisi, merkiziy téliwiziye istansisi arqiliq yéngi yilliq tebrik sözi qildi, sözning toluq tékisti töwendikiche: waqit téz ötüp hesh pesh digüche 2014-yil ötüp, 2015-yil kélish aldida turuptu, kona yilni uzitip yéngi yilni kütüwéliwatqan mushundaq peytte men pütün memlikettiki her millet xelqi, shyanggang alahide memuriy rayonidiki qérindashlar we awmin alahide memuriy rayonidiki qérindashlar, teywenlik qérindashlar we chetellerdiki muhajir qérindashlar, dunyadiki herqaysi dölet we herqaysi rayondiki doslarning yéngi yilini qutluqlaymen.

2014-yili untulghusiz bir yil boldi, bu bir yilda biz islahatni qeyserlik bilen ilgiri sürüp, nurghun qiyin mesililerni hel qilduq, bir yürüsh zor islahat tedbirlirini chiqarduq, nurghun islahat tedbirliri puqralarning menpeeti bilen zich munasiwetlik, biz iqtisadi tereqqiyattiki yéngi haletke masliship, iqtisad we jemiyet tereqqiyatigha paal türtke bolup, xelq turmushini yene yaxshiliduq, 12-dékabir küni jenubning süyini shimalgha bashlash ottura linyesining birinchi basquchluq qurulushida resmiy su bashlandi, linye boyidiki 400 mingdin artuq ahale bashqa jaygha köchüp, bu qurulush üchün xalisane töhpe qoshti, biz ulargha éhtiram bildürimiz. Ularning yéngi yurtida bextlik turmush kechürüshini ümid qilimiz, bu bir yilda biz istilni ongshap intizamni chingitip, shekliwazliq, byogratliq, rahetpereslik we heshemetchilik istiligha nuqtiliq qarshi turduq, netijide ehwalda köp yaxshilinish boldi, biz chiriklikke qarshi turush körishini kücheytip, qetiy yol qoymasliq pozitiyesi bilen chirik unsurlarni qattiq jazalap, chiriklikke qarshi turush, rezillikni jazalashtiki qetiy iradimizni namayen qilduq, bu bir yilda biz dunyadiki herqaysi döletler bilen bolghan hemkarliq we alaqini kücheytip, béyjing asiya tinch okyan rayoni iqtisadi hemkarliq teshkilati rehberlirining biresmiy yighinini ötküzduq, élimiz rehberliri nurghun qétim chetellerge ziyaretke chiqti, chetel rehberlirimu nurghun qétim élimizge ziyaretke keldi, bu paaliyetler arqiliq dunya junggoni téximu yaxshi tonudi.

bu xizmetlerni yaxshi qilish üchün bizning her derijilik kadirlirimizmu japaliq tirishti, elwette xelqning qollishi bolmighan bolsa bu xizmetlerni yaxshi qilishimiz qiyin idi, men ulugh xelqimge apirin eytimen.
bu bir yilda qanun chiqirish arqiliq junggo xelqining yapon basqunchilirigha qarshi urush ghelbisi xatire küni, inqilawi qehrimanlar xatire küni, nenjing chong qirghinchiliqida qaza qilghanlar dölet teziye küni békitilip, daghdughuluq paaliyetler ötküzüldi, meyli qaysi dewrde qandaq özgirish bolushidin qetiynezer dölet üchün, millet üchün,tinchliq üchün qimmetlik hayatini teqdim qilghan kishilerni menggü unutmaymiz.

bu bir yilda biz kishini qayghugha salidighan peytlernimu bashtin kechürduq, malaysye awiyatsiye shirkitining MH370belgilik ayropilani yütüp kétip, 150 nechche qérindishimizning iz dériki bolmidi, biz ularni unutmiduq, biz choqum dawamliq tiriship, amalning bariche ularni tapimiz, bu bir yilda dölitimizde bezi zor tebiy apet we bixeterlik weqeliri yüz berdi, nurghun qérindashlirimiz bextke qarshi bizdin ayrildi, yünnen ölksining ludiyen nahiyeside yüz bergen yer tewreshte 600 nechche kishi qaza qildi, biz ularni yad étimiz, ularning urugh tughqanliri aman ésen bolghay.

Kéyinkisi
Munasiwetlik xewerler
yéngi xewerler Yene
süretlik xewer Yene
süretlik tenterbiye xewerliri
pen-téxnika uchurliri Yene
ghelite ishlar Yene
kocha parangliri Yene
saghlamliq Yene