Bash bet>>Xewer Merkizi>>Muhim Xewerler
Junggo latin amérikisi tunji nöwetlik ministir derijilikler yighini échildi
Tehrir:Patigül muhemmet     Menbesi:Junggo uyghurche radiyo tori     Yollan'ghan waqit: 2015-01-09

 

junggo uyghurche radiyo tori 9-yanwar béyjing xewiri:

tünügün junggo latin amérikisi we karip döletliri ortaq gewdisi munbirining tunji nöwetlik ministir derijilikler yighini béyjingda daghdughiliq échildi, junggo bilen latin amérikisidin ibaret dunyadiki eng muhim tereqqiy qiliwatqan bu ikki iqtisadi gewde qol tutushup ortaq tereqqiyatning yéngi dewrige kirdi.

junggo latin amérikisi munbiri tunji nöwetlik ministir derijilikler yighini 8-we 9-yanwar byéjingda ötküzüldi, yéngi sehne, yéngi bashlinish nuqtisi, yéngi purset ــ junggo bilen latin amérikisi döletlirining omumyüzlük hemkarliq shériklik munasiwitini ortaq tiriship ilgiri sürüsh ــ yighinning asasi témisi qilindi.

échilish murasimida junggoning dölet reisi shi jinping " junggo bilen latin amérikisining omumyüzlük hemkarliq shériklik munaswiitining yéngi sehipisini ortaq achayli" dégen témida muhim söz qildi.

latin amérikisi ortaq gewdisining kandidat nöwetchi reis döliti ékwatorning zungtungi koriasözide mundaq dep körsetti: junggo bilen latin amérikisi hemkarliqi adil heqqaniy xelqara tertip ornitish, köp tereplimilikni ilgiri sürüsh, yer shari xaraktérlik xirisqa ortaq taqabil turushta muhim ehmiyetke ige.

bu qétimqi yighinda , junggo bilen latin amérikisi ortaq gewdisige eza döletler we rayon teshkilati diplomatiye minsitirliri yaki wekilliri, junggoning alaqidar tarmaqlirining mesulliri qatarliq 500 din artuq kishi ikki tereplik ortaq hemkarliq we junggo latin amérikisi munbiri qurulushini chöridep chongqur muhakime élip baridu hemde " junggo bilen latin amérikisining tunji nöwetlik ministir derijilikler yighini béyjing xitapnamisi","junggo bilen latin amérikisi we karib ellirining 2015-yildin 2019-yilighiche bolghan hemkarliq pilani"," junggo latin amérikisi munbiri méxanizmi tesis qilish we heriket pilani tüzüsh"din ibaret üch netije höjjiti maqullinidu.

junggo bilen latin amérkisi döletlirining omumi yer kölimi dunyadiki quruqluq omumi kölimining beshtin birini igelleydu, omumiy nopusi dunya nopusining üchtin birini igelleydu, iqtisadi omumiy miqdari dunya iqtisadi omumiy miqdarining 8din birini igelleydu.

yéqinqi yillardin buyan, junggo bilen latin amérikisi döletlirining alaqisi téz tereqqiy qildi, junggo latin amérikisining ikkinchi chong soda shériki we üchinchi chong meblegh sélish menbiyiige aylandi, 2013-yli junggoning latin amérikisigha salghan meblighi 15 milyard 160 milyon amérika dollirigha yetti.

birleshken döletler teshkilati latin amérikisi iqtisadi komitétining hésablishiche, junggo iqtisadi bir point ashsa latin amérikisi iqtisadining 0.5 point éshishigha türtke bolidiken, junggo latin amérikisi döletliri iqtisadining éshishigha türtke bolidighan matorgha aylanghan.

 

Kéyinkisi
Munasiwetlik xewerler
yéngi xewerler Yene
süretlik xewer Yene
süretlik tenterbiye xewerliri
pen-téxnika uchurliri Yene
ghelite ishlar Yene
kocha parangliri Yene
saghlamliq Yene