Bash bet>>Xewer Merkizi>>Muhim Xewerler
"yéza igilikini zamaniwiylashturush qurulushini tézlitish toghrisidiki bir qanche pikir" élan qilindi
Tehrir:Qurbannisa jappar     Menbesi:Junggo uyghurche radiyo tori     Yollan'ghan waqit: 2015-02-02

 

junggo uyghurche radiyo tori 2-féwral béyjing xewiri:
     Junggo kompartiyesi merkiziy komitéti, gowuyüen yéqinda "islahat, yéngiliq yaritish salmiqini zoraytip, yéza igilikini zamaniwiylashturush qurulushini tézlitish toghrisidiki bir qanche pikir" ni élan qildi.
     Pikirde mundaq dep körsitildi: 2014-yili her qaysi rayonlar, tarmaqlar partiye merkiziy komitéti, gowuyüenning hel qilghuch orunlashturmilirini estayidil izchil emeliyleshtürüp, yézilarning islahat salmiqini zoraytip, ashliq mehsulatini uda 11-yil ashurdi, déhqanlarning kirimini dawamliq bir qeder téz köpeytip, yéza ammiwiy ishlirini dawamliq rawajlandurup, yéza jemiyitini muqimlashturup, muqim ashurush, qurulmini tengshesh, islahatni ilgiri sürüsh, xelq turmushigha nep yetküzüshke gewdilik töhpe qoshti.
     Bu yil, yéza igiliki, yéza xizmitide partiye 18-qurultiyi we partiye 18-nöwetlik merkiziy komitéti 3-, 4-omumiy yighinlirining rohini omumyüzlük izchil emeliyleshtürüp, déng shyawping nezeriyesi, "üchke wekillik qilish" muhim idiyesi, ilmiy tereqqiyat qarishini yétekchi qilip, bash shuji shi jinpingning bir qatar muhim sözlirining rohini chongqur izchillashturup, iqtisadiy tereqqiyatning yéngi halitige teshebbuskarliq bilen maslishish lazim, ashliq mehsulatini muqimlashturup, kirimni ashurush, süpetni östürüp, ünümni ashurush, yéngiliq yaritish arqiliq türtke bolush omumiy telipige asasen, yéza islahatini omumyüzlük chongqurlashturup, yézilarning qanun bilen idare qilish qurulushini omumyüzlük ilgiri sürüp, yéngiche sanaetleshtürüsh, uchurlashturush, sheher-bazarlashturush we yéza igilikini zamaniwiylashturushni mas qedemde omumyüzlük ilgiri sürüp, ashliq ishlepchiqirish iqtidarini ashurush jehette tiriship yéngi yushurun küchlerni qézip, yéza igilik qurulmisini serxillashturushqa yéngi yol échip, yéza igilikini tereqqiy qildurush usulida burulush yasashta yéngi bösüsh hasil qilip, déhqanlarning kirimini ashurushta yéngi ünüm yaritip, yéngi yéza qurulushida yéngi qedem tashlap, iqtisad we jemiyetning dawamliq saghlam rawajlinishigha küchlük tirek bolush kérek.
     Birinchi, zamaniwiy yéza igiliki berpa qilishni chöridigen halda, yéza igilikining tereqqiyat usulida téz burulush yasash. 
     Junggoni qudret tapquzush üchün, yéza igilikini chuqum kücheytish kérek. Ashliq ishlepchiqirish iqtidarini özlüksiz östürüp, yéza igilik qurulmisini tengsheshni chongqur ilgiri sürüp, yéza igilik mehsulatlirining süpiti we ashliq bixeterliki sewiyesini östürüp, yéza igilik pen-téxnikisining yéngiliq yaritishqa türtke bolush rolini kücheytip, yéza igilik mehsulatlirining oborot qilinish usulini yéngilap, yéza igilik ékologiyesini tizginleshni kücheytip, xelqara we ichki bazardin ibaret ikki xil bazar bayliqini bir tutash pilanlash we uningdin paydilinish iqtidarini östürüsh kérek.
     Ikkinchi, déhqanlarning kirimini ashurushqa türtke bolushni chöridigen halda, déhqanlargha nep yetküzüsh siyasetlirini kücheytish.
     Junggoni bay qilish üchün, déhqanlarni chuqum béyitish kérek. Yéza igiliki, yéza sélinimsigha aldi bilen kapaletlik qilip, yéza igilikige toluqlima bérish siyasitining ünümini östürüp, yéza igilik mehsulatlirining bahasini békitish méxanizmini mukemmelleshtürüp, yéza igilini ijtimaiylashturush mulazimitini kücheytip, yéza igilikining birinchi, ikkinchi, üchünchi kesipler bilen birikip tereqqiy qilishini ilgiri sürüp, yézilarning sirttin kirim qilish yollirini kéngeytip, yézilarning namratlarni yölep, tereqqiy qildurush ishlirini zor küch bilen ilgiri sürüsh kérek.
     Üchünchi, sheher-yézilarning tereqqiyatini bir gewdileshtürüshni chöridigen halda, yéngi yéza qurulushini chongqur ilgiri sürüsh.
     Junggoni güzelleshtürüsh üchün, yézilarni chuqum güzel qilip qurush chiqish kérek. Yézilarning ul eslihe qurulushini kücheytip, yézilarning ammiwiy mulazimet sewiyesini östürüp, yéza ahalsining yashash muhitini ongshap, jemiyet kapitalini yéza qurulushigha sélishqa yéteklep we ilhamlandurup, yézilarning idiyiwiy exlaq qurulushini kücheytip, yéza asasiy qatlam partiye qurulushi xizmitini heqiqiy kücheytish kérek.
     Tötinchi, yézilarning tereqqiyatigha hayatiy küch qoshushni chöridigen halda, yéza islahatini omumyüzlük chongqurlashturush.
     Islahatni omumyüzlük chongqurlashturush üchün, yézilarning islahatini chuqum gewdilik orungha qoyush kérek. Yéngiche yéza igilikini bashqurush sistémisini tézdin berpa qilip, yéza kolléktip mülük hoquqi tüzümi islahatini ilgiri sürüp, yézilarning yer tüzümi islahati siniqini muqim algha siljitip, yéza pul muamile tüzülmisi islahatini tézlitip, suchiliq we ormanchiliq islahatini chongqurlashturup, teminat soda kopratipliri, boz yer özleshtürüsh islahati we tereqqiyatini tézlitip, yéza-kentlerni tertipke sélish méxanizmida yéngiliq yaritish kérek.
     Beshinchi, "yéza, yéza igiliki, déhqanlar" xizmitini chöridigen halda, yézilarning qanun bilen idare qilish qurulushini kücheytish.
      Yéza mülük hoquqini qoghdashqa, yéza igilik bazirini ölchemlik yürüshtürüshke, "yéza, yéza igiliki, déhqanlar" ishlirini qollash we qoghdashqa munasiwetlik qanun-tüzümlerni  Mukemmelleshtürüp, yézilarning islahati  We tereqqiyatigha qanun boyiche kapaletlik qilip, yéza asasiy qatlam orunlirining qanun boyiche idare qilish sewiyesini östürüsh kérek.

 

Kéyinkisi
Munasiwetlik xewerler
yéngi xewerler Yene
süretlik xewer Yene
süretlik tenterbiye xewerliri
pen-téxnika uchurliri Yene
ghelite ishlar Yene
kocha parangliri Yene
saghlamliq Yene