Bash bet>>Xewer Merkizi>>Muhim Xewerler
2014-yili yéza igiliki yézilarning tereqqiyat omumiy weziyiti yaxshi boldi
Tehrir:Adil ablet     Menbesi:Junggo uyghurche radiyo tori     Yollan'ghan waqit: 2015-02-03

junggo uyghurche radiyo tori 3-féwral béyjing xewiri:

gowuyüen axbarat ishxanisi 3-féwral axbarat élan qilish yighini échip,2015-yili merkezning 1-nomurluq höjjiti yeni islahat yéngiliq yaritish salmiqini zoraytip yéza igilikini zamaniwilashturush qurulushini tizlitish toghrisidiki bir qanche pikirni chüshendürdi. Merkez yéza xizmiti rehberlik guruppisining muawin bashliqi, ishxanisining mudiri chén shiwin, merkez yéza xizmiti rehberlik guruppisi ishxanisining muawin mudiri xen jün höjjetning chiqirilishining arqa körünishi, asasi témisi qatarliqlarni chüshendürdi hemde yéza igiliki, yézilar, déhqanlar xizmitige alaqidar qiziq nuqtiliq mesililerge inkas qayturdi.

merkez yéza xizmiti rehberlik guruppisi ishxanisining mudiri chén shiwin mundaq dédi: 2014-yili yéza igiliki yézilarning tereqqiyat omumiy weziyiti muqim yaxshi boldi. Yéza igilikide mol hosul élish, déhqanlarning kirimini ashurush, yézilarning muqimliq yaxshi weziyiti dawamliq saqlandi.

1.Ashliq ishlepchiqirishta dawamliq mol hosul élindi. Pütün bir yilliq ashliq mehsulat miqdari 1 tirilyon 214 milyard 200 milyon jinggha yétip,aldinqi yildikidin10 milyard 30 milyon jing  Yeni 0.9% ashti. Charwa mehsulatliri, su mehsulatliri, köktat ishlepchiqirish muqim boldi.

2.Déhqanlarning kirimi bir qeder tiz ashti. Pütün bir yilda déhqanlarning kishi béshi sap kirimi 9892 yüenge yétip, aldinqi yildikidin996 yüen köpeydi. Baha  Amilini chiqiriwetkende emeliyette 9.2% ashti. Éshish nisbiti dawamliq sheher bazar ahaliliriningkidin yuqiri boldi.

3.Yéza islahati muqim qedemde ilgiri sürüldi. Shinjangning paxtisi, sherqiy shimal we ichki mongghulning purchiqi nishan baha islahat sinaq nuqta xizmiti muqim qedemde ilgiri sürüldi. Yéza yerlirini höddige élip bashqurush hoquqini békitip tizimlap kinishka bérish sinaq nuqtisi tertiplik qanat yayduruldi. Yéza yerlirini élish, kolléktip bashqurushidiki qurulush yerlirini bazargha sélish, öylük yer tüzümi islahati sinaq nuqta xizmiti orunlashturulmaqta.

4.Yéza jemiyiti énaq muqim boldi. 2-türkümdiki partiyining ammiwi lushyen terbiyisini emeliyettin ötküzüsh paaliyitide körünerlik ünüm qolgha keltürüldi. Partiye bilen amma, kadirlar bilen ammining munasiwiti téximu qoyuqlashti. Yézilarning ul eslihesi we ammiwi mulazimet sijil yaxshilandi. Yézilarning namratlarni yölesh échish jehette yéngi ünüm qolgha keltürüldi. Yézilarning partiye qurulush xizmiti üzlüksiz kücheydi.

chén shiwin mundaq dédi: dölet ichi we xelqara weziyet tesir körsetken bolsimu,lékin déhqanlarning kirimini ashurush qiyinchiliqi zoraydi. Bu qiyin mesilini hel qilish buningdin kéyinki bir mezgildiki yéza igilik , yézilar, déhqanlar xizmitidiki zor wezipe.

chén shiwin mundaq dédi: islahat yéngiliq yaritish salmiqini zoraytip yéza igilikini zamaniwilashturush qurulushini tizlitish bu yilqi merkezning 1-nomurluq höjjitining asasiy témisi.  Yéza igiliki yézilarning tereqqiyat asasiy nishani bash shuji shi jinping otturigha qoyghan junggoni qudret tapquzushta yéza igilikini qudret tapquzush zörür, junggoni béyitish üchün déhqanlarni béyitish zörür, junggoni güzelleshtürüshte yézilarni güzelleshtürüsh zörür dégendin ibaret.

merkezning 1-nomurluq höjjitide otturigha qoyulghan yéza igilikide gén almashturush mesilisige qarita, merkez yéza xizmiti bölümining muawin mudiri xen jün munularni bildürdi: pen téxnikini omumiylashturush arqiliq jemiyettiki ammining gin almashturush téxnikisi jehette omumyüzlük chüshenchige ige qilinishini ümid qilimen. U munularni tekitlidi: junggo chong dölet bolush süpiti bilen yéza igilikide géni almashturulghan mehsulatlar bazirini chetellerning mehsulatlirigha igiletmesliki kérek.

 

Kéyinkisi
Munasiwetlik xewerler
yéngi xewerler Yene
süretlik xewer Yene
süretlik tenterbiye xewerliri
pen-téxnika uchurliri Yene
ghelite ishlar Yene
kocha parangliri Yene
saghlamliq Yene