Bash bet>>Xewer Merkizi>>Muhim Xewerler
Shi jinping argéntina zungtungi kiristina bilen söhbetleshti
Tehrir:Abdulla molla     Menbesi:Junggo uyghurche radiyo tori     Yollan'ghan waqit: 2015-02-05

 

junggo uyghurche radiyo tori 5-féwral béyjing xewiri:

dölet reisi shi jinping tünügün xelq sariyida argéntina zungtungi kiristina bilen söhbetleshti.

shi jinping mundaq dep körsetti: bultur 7-ayda, men argéntinada muweppeqiyetlik halda dölet ishliri ziyaritide boldum, men siz bilen junggo-argéntina omumyüzlük istratégiyelik shériklik munasiwiti ornitishni birlikte jakarlap, ikki döletning her qaysi saheliridiki öz ara nep yetküzidighan hemkarliqni kücheytish heqqide muhim ortaq tonush hasil qilduq. Ikki terepning ortaq térishishi arqisida, biz hasil qilghan ortaq tonush réalliqqa aylanmaqta. Junggo bilen argéntinaning öz ara nep yetküzidighan dostane hemkarliqining yéngi netijiliri ikki dölet munasiwitining tereqqiyatigha küchlük heriketlendürgüchi küch ata qildi. Méning junggo-argéntina munasiwitining istiqbaligha bolghan ishenchim kamil.

shi jinping munularni tekitlidi: junggo bilen argéntina yéngidin gülliniwatqan muhim bazar döletliri, ikki terep yéqindin almashturup we hemkarliship, tereqqiyat pursitidin teng behrimen bolup, xirisqa ortaq taqabil turushi kérek. Junggo argéntina karxanilirining junggo bazirini paal échishini qarshi alidu, junggo karxanilirining argéntinagha bérip meblegh sélip güllinishini awwalqidekla qollaydu. Junggo argéntina bilen birleshken döletler teshkilati, xelqara pul fondi teshkilati, 20 dölet guruhi, 77 dölet guruhi qoshulghan junggo qatarliq xelqara teshkilatlar we köp tereplik méxanizmlarda maslishishni xalaydu.

kiristina mundaq dédi: junggo dunya iqtisadining muhim türtkilik küchige aylandi. Argéntina junggo bilen omumyüzlük istratégiyelik shériklik munasiwitini téximu chongqurlashturushqa yüksek ehmiyet béridu, ikki terep hemkarliqidin téximu mol netijining qolgha kélishini ümid qilidu.

shi jinping mundaq dep körsetti: junggo bilen latin amérikisining hemkarliqni kücheytishi-tereqqiy qiliwatqan eller hemkarliqining mezmunini béyitip, ijabiy xelqara tesir peyda qildi. Junggo argéntinaning junggo bilen latin amérikisining pütkül hemkarliqini qollighanliqigha apirin oquydu, argéntinani öz ichige alghan latin amérikisi bilen birlikte, junggo-latin amérikisi munbirining tunji nöwetlik ministir derijilikler yighinini bashlinish qilip, junggo-latin amérikisi omumyüzlük hemkarliq, shériklik munasiwitining tereqqiyatigha türtke bolup, ikki terep xelqige téximu köp nep yetküzüshni xalaydu.

söhbettin kéyin, ikki dölet bashliqliri "jungxua xelq jumhuriyiti bilen argéntina jumhuriyitining ikki döletning omumyüzlük istratégiyelik shériklik munasiwitini kücheytish heqqidiki birleshme bayanati"ni birlikte imzalidi hem élan qildi. Ikki dölet bashliqliri yene siyasiy, iqtisad-soda, pul muamile, yadro énérgiyesi, medeniyet, sehiye, edliye, alem qatnishi, télégraf, sayahet qatarliq sahelerdiki hemkarliq höjjetlirini imzalashqa shahit boldi.

ikki dölet bashliqliri birlikte muxbirlar bilen körüshti, söhbettin ilgiri, shi jinping xelq sariyining shimaliy zalida kiristinani qarshi élish murasimi ötküzdi.

 

Kéyinkisi
Munasiwetlik xewerler
yéngi xewerler Yene
süretlik xewer Yene
süretlik tenterbiye xewerliri
pen-téxnika uchurliri Yene
ghelite ishlar Yene
kocha parangliri Yene
saghlamliq Yene