Bash bet>>Xewer Merkizi>>Muhim Xewerler
Merkez maliye rehberlik guruppisining 9-qétimliq yighini échildi
Tehrir:Iminjan ismayil     Menbesi:Junggo uyghurche radiyo tori     Yollan'ghan waqit: 2015-02-11

 

junggo uyghurche radiyo tori 11-féwral béyjing xewiri:

junggo kompartiyesi merkiziy komitétining bash shujisi, dölet reisi, merkiziy herbiy ishlar komitétining reisi, merkez maliye rehberlik guruppisining bashliqi shi jinping tünügün chüshtin burun merkez maliye rehberlik guruppisining 9-qétimliq yighinini riyasetchilik qilip échip, merkez maliye rehberlik guruppisi béketken yéngiche sheher bazarlashturush pilani, ashliq bixeterliki, su bixeterliki, énérgiye bixeterliki, yéngiliq yaritishni qozghitish tereqqiyat istratégiyesi, asiya ul eslihelirige meblegh sélish bankisi qurush, yipek yoli fondi tesis qilish qatarliq zor ishlarni izchil emeliyleshtürüsh ehwali toghrisidiki doklatni anglidi, béyjing tyenjin, xébéy tengkesh tereqqiyat pilani pirogrammisigha qarap chiqti we tetqiq qildi.

junggo kompartiyesi merkiziy komitéti siyasiy biyurosi daimiy komitétining ezasi, gowuyüen zunglisi, merkez maliye rehberlik guruppisining muawin bashliqi li kéchyang, junggo kompartiyesi merkiziy komitéti siyasiy biyurosi daimiy komitétining ezasi, merkiziy komitéti shujichusining shujisi, merkez maliye rehberlik guruppisining ezasi lyu yünshen, junggo kompartiyesi merkiziy komitéti siyasiy biyurosi daimiy komitétining ezasi, gowuyüenning muawin zunglisi, merkez maliye rehberlik guruppisining ezasi jang gawli yighingha qatnashti.

shi jinping munularni tekitlidi: sheher bazarlashturushni ilgiri sürüshtiki eng muhim wezipe- sheher bazarlarda muqim ishqa orunlishish we turmush köchürüsh iqtidari bolghan daimiy turushluq nopusning tertipilik sheher ahalisige aylinishini ilgiri sürüsh. Déhqan ishlemchilerni sheher ahalisige aylandurushta, chong ottura kichik sheherlerning ölchimi oxshimaydu, xizmetning muhim nuqtisini aydinglashturush kérek. Sheher bazarlashturushni ilgiri sürüsh sheher yézilarni birdekleshtürüsh emes. Sheher yézilarning ammiwiy ul eslihelirige meblegh sélish yoshurun küchi zor, meblegh yürüshtürüsh, meblegh sélish tüzülme méxanizmini islah qilish we uningda yéngiliq yaritish kérek.

shi jinping mundaq dep körsetti: ashliq bixeterlikige kapaletlik qilishta yéza igilikining tereqqiyat sheklini tézdin özgertish, yéza igilikini zamaniwilashturushni ilgiri sürüsh, hem köz aldidiki ashliq mehsulatini muqimlashturushni ishqa ashurush hem yéngiche riqabet küchini shekillendürüp, imkaniyetlik sijilliqqa ehmiyet bérish, siyasetning toghriliqini kücheytish kérek. Su bixeterlikige kapaletlik qilishtiki achquch- suni tizginlesh tepekkurida burulush yashashta, su tijesh aldin bolush, boshluq tengpung bolush, sistémiliq tizginlesh, ikki qolda küchesh fangjénigha asasen, su tijesh, su apitining aldini élish tizginleshni bir tutash pilanlap obdan ishlesh, su bayliqini tijesh, su ékologiyesini qoghdash we eslige keltürüsh, su muhitini yaxshilash lazim. Énérgiye bixeterlikige kapaletlik qilishta, mesuliyetni aydinglashturush, ching tutup emeliyleshtürüsh, ching tutup ünüm hasil qilish, nöwettiki xelqara énérgiye baziridiki yéngi özgirishlerni yéqindin közitip, paydigha yüzlinip ziyandin saqlinip, néfit istratégiye zapisi tüzümini tézdin mukemmelleshtürüp, énérgiye bahasi, néfit tebiiy gaz tüzümi qatarliq islahatlarni ilgiri sürüp, muntizim bolmighan énérgiyeni zor küch bilen tereqqiy qildurush kérek.

shi jinping munularni tekitlidi: yéngiliq yaritishni qozghitish tereqqiyat istratégiyesini yolgha qoyushta jiddiylik tuyghusi bolushi kérek, téximu köp zéhni küchni tetqiq qilish, yéngiliq yaritish iqtidarini östürüshke qaritish, yéngiliq yaritishni qozghitish tereqqiyatini cheklewatqan tüzülme méxanizm tosaqlirini buzup tashlap, siyaset we qanun nizamlarni mukemmelleshtürüp, yéngiliq yaritishni qozghitish herikitige paydiliq bolghan tüzülme muhitini yaritish kérek.

shi jinping mundaq dep körsetti: béyjingning paytexttin bashqa iqtidarini jari qildurup, béyjing, tyenjin, xébéyning tengkesh tereqqiyatini ilgiri sürüsh bir zor sistéma qurulushi. Nishanni aydinglashturush kérek, béyjingning paytexttin bashqa iqtidarini jari qildurush arqiliq, iqtisadi qurulma we boshluq qurulmisini tengshep, ichki tüjüpilik tereqqiyatning yéngi yolida méngip, nopus iqtisad zich rayonlarni aldin tereqqiy qildurush shekli üstide izdinip, rayonlarning tengkesh tereqqiyatini ilgiri sürüp, yéngiche éshish nuqtilirini shekillendürüsh kérek.

shi jinping munularni tekitlidi: merkez maliye rehberlik guruppisi- partiyening iqtisadi xizmetke rehberlik qilidighan muhim sehnisi, merkez maliye rehberlik guruppisi békitken ishlarni emeliyleshtürüp, heqiqiy tutup, emeliy ishlesh lazim. Kolléktip mesuliyetni adinglashturup, qilishqa tégishlik ishlarni teshebbuskarliq bilen qilip, birikme küch shekillendürüsh lazim. Ching tutup emeliy ünüm hasil qilishqa ehmiyet bérish, dewr bilen teng ilgirilep xizmet qilishqa mahir bolush, partiye merkiziy komitétining türlük siyasetlirining tüptin emeliylishishige heqiqiy kapaletlik qilish kérek.

 

Kéyinkisi
Munasiwetlik xewerler
yéngi xewerler Yene
süretlik xewer Yene
süretlik tenterbiye xewerliri
pen-téxnika uchurliri Yene
ghelite ishlar Yene
kocha parangliri Yene
saghlamliq Yene