Bash bet>>Xewer Merkizi>>Muhim Xewerler
Shi jinping partiye sirtidiki erbaplar bilen bille chaghanni kütiwaldi
Tehrir:Qurbannisa jappar     Menbesi:Junggo uyghurche radiyo tori     Yollan'ghan waqit: 2015-02-13

 

junggo uyghurche radiyo tori 13-féwral béyjing xewiri:

jungxua milletlirining eneniwiy bayrimi chaghan yétip kélish aldida, junggo kompartiyesi merkiziy komitétining bash shujisi, dölet reisi, merkiziy herbiy ishlar komitétining reisi shi jinping tünügün chüshtin kéyin xelq sariyida her qaysi démokratik partiye guruhlar merkiziy komitétliri, memliketlik soda-sanaetchiler birleshmisining mesulliri we partiye-guruhsiz zatlar wekilliri bilen bir yerge jem bolup, chaghanni kütiwaldi. Shi jinping partiye merkiziy komitétigha wakaliten her qaysi démokratik partiye guruhlar, soda-sanaetchiler birleshmisi we partiye-guruhsiz zatlar, birlik sepning ezaliridin semimiy hal soridi hemde ularning chaghinini mubareklidi.

junggo kompartiyesi merkiziy komitéti siyasiy byurosi daimiy komitétining ezasi, memliketlik siyasiy kéngeshning reisi yü jéngshéng, junggu kompartiyesi merkiziy komitéti siyasiy byurosi daimiy komitétining ezasi, gowuyüenning muawin zunglisi jang gawli yighingha qatnashti.

adaletchiler partiyesi merkiziy komitétining reisi wen gang her qaysi démokratik partiye guruhlar merkiziy komitétliri, soda-sanaetchiler birleshmisi we partiye-guruhsiz zatlargha wakaliten söz qildi. Shi jinping wen gangning sözini anglap bolghandin kéyin muhim söz qildi, u munularni tekitlidi: 2014-yili junggo kompartiyesi merkiziy komitéti murekkep, özgirishchan xelqara muhit we müshkül ichki islahat, tereqqiyat, muqimliq wezipisi aldida, pütün memlikettiki her millet xelqini ittipaqlashturup, muqimliq ichide algha ilgirileshtek xizmetning asasiy yönilishide ching turup, iqtisadiy tereqqiyatning yéngi halitige masliship, iqtisadiy qurulush, siyasiy qurulush, medeniyet qurulushi, ijtimaiy qurulush, ékologiye medeniyliki qurulushi, dölet mudapie we armiye qurulushini omumyüzlük ilgiri sürüp, pütün yönilishlik diplomatiyeni paal qanat yaydurup, türlük xizmetlerde téximu zor ilgirileshlerge érishti.

shi jinping munularni tekitlidi: 2015-yili, islahat omumyüzlük chongqurlashturilidighan, döletni qanun boyiche idare qilish omumyüzlük ilgiri sürilidighan achquchluq bir yil, 12-besh yilliq pilanni omumyüzlük tamamlaydighan yil. Biz algha ilgirilesh nishanini békitip bolduq, téximu yuquri örlep, güzel nishanlarni ishqa ashurushimiz üchün, qetiy ishench we iradige kélip özlüksiz algha bésishimiz, pütün memlikette hemmeylen algha ilgirilesh yolida bir niyetke kélip, bir tutash pilan tüzüp, bir yaqidin bash chiqirishimiz kérek. Buning üchün wetenperwerlik birlik sépini mustehkemlesh we rawajlandurushqa, her qaysi tereplerning eqil-parasiti we küchini mujesemmelesh we qozghashqa, birdek qedem tashlap, bir niyette yol échip algha ilgirileshge toghra kélidu.

shi jinping munularni tekitlidi: birlik sepni mustehkemlesh we rawajlandurushqa küchep türtke bolush kérek. Keng wetenperwerlik birlik sépini mustehkemlesh we rawajlandurush qiyinchilarni yéngip, ghelibini qolgha keltürshimizning muhim enggüshteri. Birlik sep intiliwatqan ittipaqliq keng dairidiki ittipaqliq shundaqla mustehkem ittipaqliq, toghra siyasiy yönilishni, ortaq nishanni boylap ilgha ilgirileydighan ittipaqliq. Köpchilikning junggoche sotsiyaliszmda ching turush we uni rawajlandurush boyiche öginish we emeliyettin ötküzüsh paaliyiti, ghaye étiqad terbiyesini emeliyettin ötküzüsh paaliyitini dawamliq chongqurlashturup, keng ezalar we özliri alaqe qiliwatqan ammining junggoche sotsiyalizm yoli, nezeriyesi, tüzümige bolghan ishenchisini özlüksiz chingitishini ümid qilimen.

 

Kéyinkisi
Munasiwetlik xewerler
yéngi xewerler Yene
süretlik xewer Yene
süretlik tenterbiye xewerliri
pen-téxnika uchurliri Yene
ghelite ishlar Yene
kocha parangliri Yene
saghlamliq Yene