Bash bet>>Xewer Merkizi>>Muhim Xewerler
12-nöwetlik memliketlik xelq qurultiyi 3-yighini 2-qétim omumiy yighin ötküzdi
Tehrir:Iminjan ismail     Menbesi:Junggo uyghurche radiyo tori     Yollan'ghan waqit: 2015-03-08

 
junggo uyghurche radiyo tori 8-mart béyjing xewiri:

12-nöwetlik memliketlik xelq qurultiyi 3-yighini 8-mart chüshtin kéyin xelq sariyida 2-qétim omumiy yighin ötküzdi. Komitét bashliqi jang déjyang memliketlik xelq qurultiyi daimiy komitétining hawalisigha binaen, yighingha xizmet doklati berdi. Shi jinping, li kéchyang, yüjéngshéng, lyu yünshen, wang chishyen, jang gawlilar reis sehnisidin orun aldi.

jang déjiyangning doklati ötken bir yildiki asasliq xizmetler we bundin kéyinki bir yildiki asasliq wezipiler dégen ikki qisimgha bölündi.

u ötken bir yilliq asasliq xizmetlerni eslep ötkendin kéyin mundaq dédi: xelq qurultiyi tüzümide ching turush we uni mukemmelleshtürüshte, junggo kompartiyesining rehberlikide qetiy tewrenmestin ching turush, tüzümge bolghan ishenchini chingitish, ching turush dawamida mukemmelleshtürüsh, emeliyettin ötküzüsh dawamida tereqqiy qildurush, xelq qurultiyi tüzümining dewr bilen teng ilgirilishige türtke bolush kérek. U mundaq dédi: qanun chiqirish- memliketlik xelq qurultiyi hemde uning daimiy komitétining muhim purchi we asasliq wezipisi. Daimiy komitét qanun chiqirish süpitini östürüshni aldinqi orungha qoyushi, qanun chiqirishning muhim nuqtisini gewdilendürüp, qanun chiqirish qedimini tézlitip, méxanizmini mukemmelleshtürüp, ünümini östürüshi kérek. Bir yildin buyan, 20 qanun layihesige qarap chiqildi, 10 qanungha tüzitish kirgüzüldi, 2 qanun tüzüldi, 8 qanun izahati chiqirildi. Bir türküm muhim qanun chiqirish türliride yéngi ilgirilesh boldi; Qanun chiqirish arqiliq zor islahat tedbirliri ilgiri sürüldi we emeliyleshtürüldi; Ilimiy qanun chiqirish, démokratik qanun chiqirish chongqur ilgiri sürüldi.

doklatta bundin kéyinki bir yildiki asasliq wezipiler otturgha qoyuldi, bu asasiy qanun yadro qilinghan junggo sotsiyalistik qanun sistémisini mukemmelleshtürüsh, asasiy qanunni yolgha qoyush we nazaret qilish tüzümini mukemmelleshtürüsh, nuqtiliq sahelerdiki qanun chiqirishni kücheytish, qanunni yolgha qoyush ehwali we bir hökümet ikki mehkimining xizmitini nazaret qilishni kücheytish, wekiller xizmitini chongqurlashturush we kéngeytishni öz ichige alidu.

jang déjyang nuqtiliq sahelerdiki qanun chiqirishni kücheytish heqqide mundaq dédi: sotsiyalistik bazar igiliki qanun tüzümini mukemmelleshtürüp, aksiye qanunigha tüzitish kirgüzüp, pen téxnika muweppeqiyetlirini ishlepchiqirish küchige aylandurush qanuni, uruqluq qanuni, yéza yerlirini höddige bérish qanuni, élan qanuni qatarliqlarni ilgiri sürüsh kérek. Démokratik siyasiy qanun chiqirishni mukemmelleshtürüp, saylam qanuni, yerlik teshkilatlar qanuni, wekiller qanuni, memuriy qayta qarap chiqish qanuni qatarliqlargha tüzitish kirgüzüsh kérek. Chiriklikke qarshi turush qanunini chiqirishni ilgiri sürüp, memuriy teptish qanunini tetqiq qilish we buninggha tüzitish kirgüzüsh lazim.

jang déjyang mundaq dep körsetti: xéngyangning saylamgha buzghunchiliq qilish délosi qanun boyiche qattiq tekshürüp bir terep qilindi. Bu délodin intayin chongqur sawaq alduq. Buni ibret qilip, tüzümni mukemmelleshtürüp, yochuqlarni tosush kérek. Partiyening wekiller qurultiyi saylimi xizmitige bolghan rehberlikini heqiqiy kücheytip, wekillerning kirish ötkilini yaxshi tutup, qanungha qattiq emelge qilghan halda ish qilip, her derijilik xelq qurultiyi daimiy komitétlirining funksiyelik rolini toluq jari qildurup, wekillerning salahiyitini tekshürüsh méxanizmini mukemmelleshtürüsh, saylamning omumiy jeryanini ünümlük nazaret qilishni kücheytip, saylam xizmiti istilining éniq, keypiyatining toghra bolushigha heqiqiy kapaletlik qilish kérek.

 

Kéyinkisi
Munasiwetlik xewerler
yéngi xewerler Yene
süretlik xewer Yene
süretlik tenterbiye xewerliri
pen-téxnika uchurliri Yene
ghelite ishlar Yene
kocha parangliri Yene
saghlamliq Yene