Bash bet>>Xewer Merkizi>>Muhim Xewerler
Shi jinping, li kéchyang, jang déjyang, lyu yünshen qarap chiqishqa ayrim-ayrim qatnashti
Tehrir:Küntékin imam     Menbesi:Junggo uyghurche radiyo tori     Yollan'ghan waqit: 2015-03-09

 

junggo uyghurche radiyo tori 9-mart béyjing Xewiri:

partiye we dölet rehberliridin shi jinping, li kéchyang, jang déjyang, lyu yünshen 9-mart chüshtin burun 12-nöwetlik memliketlik xelq qurultiyi 3-yighinidiki bir qisim wekiller ömeklirining hökümet xizmiti doklatini qarap chiqishigha qatnashti.

junggo kompartiyesi merkiziy komitétining bash shujisi, dölet reisi, merkiziy herbiy ishlar komitétining reisi shi jinping jilin wekiller ömikining qarap chiqishigha qatnashti. Shi jinping bir tereptin anglighach bir tereptin xatire yazdi hem arilap-arilap soal soridi, axirida muhim söz qildi. Shi jinping men memliketlik xelq qurultiyi daimiy komitétining xizmet doklatini pütünley quwwetleymen dédi. Shi jinping jilin ölkisining bir yildin buyanqi xizmetlirini mueyyenleshtürgendin kéyin mundaq dep körsetti: iqtisadiy tereqqiyatning yéngi turaqliq halitige uyghunliship, sherqiy shimaldiki kona sanaet bazilirini güllendürüshni chongqur ilgiri sürüp, yéngiliq yaritish arqiliq tereqqiyatqa türtke bolush we kesipleshtürüsh derijisini östürüshni ching tutup, alahide yéngidin güllengen kesip topini tériship shekillendürüp, sijil riqabet küchi we tirek küchige ige kesip sistémisini barliqqa keltürüp, islahatni chongqurlashturush arqiliq tüzülmilik tosaqlarni qetiy tügitip, kona sanaet bazilirining ghayet zor hayatiy küchini urghutush, qoyuwétish kérek. Zamaniwi yéza igilik qurulushini téz ilgiri sürüp, bir qisim rayonlarda yéza igilikini zamaniwilashturushni aldin ishqa ashurup, zamaniwi yéza igilik kesip sistémisi, zamaniwi yéza igilik ishlepchiqirish sistémisi, zamaniwi yéza igilik bashqurush sistémisi qurulushini tézlitishtin ibaret üch muhim nuqtini gewdilik ching tutup, xelq turmushi qurulushini puqralargha téximu yéqinlashturup, puqralarning turmushi bilen téximu zich munasiwetlik qilish lazim. Xelq turmushi xizmitini izchil dawamlashturushni ching tutup, mixlash rohini nurlandurup, téximu qetiy gheyretke kélip, ishlarni birmu-bir béjirip, yilmu yil ishlep, baturane algha qarap méngip, xizmetlerde emeliy ünüm hasil qilip, ammigha özgirishlerni hés qildurup, emeliy nepke érishtürüsh kérek. Shi jinping munularni tekitlidi: her qaysi tereplerdiki xizmetlerni yaxshi ishleshte bir yaxshi siyasiy ékologiye bolushi zörür. Siyasiy ékologiye bulghansa, hökümetning xizmet muhiti nacharlishidu; Siyasiy ékologiye sap bolsa, hökümet xizmiti yaxshilinidu. Siyasiy ékologiye bilen tebiet ékologiyesi oxshaydu, sella diqqet qilmighanda, nahayiti asanla bulghinip kétidu, mesile peyda bolghandin kéyin, uni eslige keltürüsh üchün éghir bedel töleshke toghra kélidu. Her derijilik rehbiri kadirlarni durus bolup, pirinsipqa ehmiyet bérip, intizamgha riaye qilip, chérikliktin yiraq turup, derijimu derije yéteklesh, derijimu derije ching tutushning ülge körsitish ünümini shekillendürüp, hökümet xizmitini durus, pak ishleydighan muhitni paal yaritish jehettin terbiyelesh we yéteklesh kérek.

Kéyinkisi
Munasiwetlik xewerler
yéngi xewerler Yene
süretlik xewer Yene
süretlik tenterbiye xewerliri
pen-téxnika uchurliri Yene
ghelite ishlar Yene
kocha parangliri Yene
saghlamliq Yene