Bash bet>>Xewer Merkizi>>Muhim Xewerler
Jang déjyang, yu jéngshéng, wang chishen, jang gawli wekillerning qarap chiqishigha qatnashti
Tehrir:Abdulla molla     Menbesi:Junggo uyghurche radiyo tori     Yollan'ghan waqit: 2015-03-10

 

junggo uyghurche radiyo tori 10-mart béyjing xewiri:

partiye we dölet rehberliridin jang déjyang, yü jéngshéng, wang chishen, jang gawli 10-mart 12-nöwetlik memliketlik xelq qurultiyi 3-yighinidiki bezi wekiller ömeklirining qarap chiqishigha qatnashti.

junggo kompartiyesi merkiziy komitéti siyasiy byurosi daimiy komitétining ezasi, memliketlik xelq qurultiyi daimiy komitétining bashliqi jang déjyang chüshtin burun gensu wekiller ömikining qarap chiqishigha qatnashti, jang déjyang wekillerning sözini estayidil anglighandin kéyin mundaq dédi: xelqning bext tuyghusini kücheytishni eng chong mesuliyet qilip, xelq turmushi üchün köprek payda yetküzüp, xelq turmushidiki qiyinchiliqlarni köprek igellep, puqralarni güzel turmushqa érishtürüsh kérek, islahat tereqqiyat bilen xelq turmushini yaxshilashning munasiwitini toghra yaxshi bir terep qilip, islahat tepekkuri arqiliq ilmiy tereqqiyatqa türtke bolup, tereqqiyat netijiliridin xelq ammisigha nep yetküzüp, iqtisad we jemiyet tereqqiyatini téximu heriketlendürgüch küch we hayati küchge ige qilish lazim, puqralarning emeliy qiyinchiliqi we jiddi éhtiyajini közde tutup, muhtajliqda jangha esqatidighan ishlarni köprek qilip, asasi turmushqa kapaletlik qilishtin ibaret bu xelq turmushi ölchimini saqlash kérek, namratlarni yölesh jéngini yaxshi qilip, namrat nopusning asasi turmushi bixeterlik torini yaxshi toqup, namrat rayonlardiki  Xelq ammsining pütün memliket xelqi bilen teng qedemde omumyüzlük halliq jemiyetke kirishige heqiqi kapaletlik qilish lazim.

junggo kompartiyesi merkiziy komitéti siyasiy biyurosi daimiy komitétining ezasi, memliketlik siyasiy kéngeshning reisi yü jéngshéng chüshtin kéyin ningshya wekiller ömikining qarap chiqishigha qatnashti. Yü jéngshéng wekillerning sözlirini anglighandin kéyin mundaq dédi: men komitét bashliqi jang déjyang bergen memliketlik xelq qurultiyi daimiy komitétining xizmet doklatini pütünley quwwetleymen. U munularni tekitlidi: iqtisadiy tereqqiyatning yéngi turaqliq halitige teshebbuskarliq bilen uyghunliship, qurulmini tengshesh we kesip derijisini östürüshni tézlitip, maarip, ishqa orunlishish, namratlarni yölesh ötkilige hujum qilish qatarliq xelq turmushi ishlirigha téximu ehmiyet bérish; Milliy mesilini hel qilishning junggoche toghra yolida qetiy tewrenmey méngip, üch ayrilalmasliq idiyesini puxta turghuzup, töt étirapni kücheytip, milletler ittipaqliqi, jemiyet muqimliqi, döletning birlikini téximu yaxshi qoghdash; Din ishlirini qanun boyiche bashqurup, diniy esebiy idiyeni qetiy tosup, dinigha étiqad qilidighan ammini ishlepchiqirishni rawajlandurush, xelq turmushini yaxshilashqa yéteklep, diniy inaqliqning yaxshi weziyitini saqlash kérek.

junggo kompartiyesi merkiziy komitéti siyasiy biyurosi daimiy komitétining ezasi, merkiziy intizam tekshürüsh komitétining shujisi wang chishen 10-mart chüshtin burun senshi wekiller ömikining qarap chiqishigha qatnashti. Wang chishen mundaq dédi: daimiy komitét bashliqi jang déjyang bergen  Memliketlik xelq qurultiyi daimiy komitétining xizmet doklatini tamamen quwwetleymen. U mundaq dep körsetti: ötmüshni untush asiyliqtin dérek béridu, chiriklishish mesilisige tarix, pelsepe we medeniyet tepekkuri bilen qarash lazim. Senshi xelqining ténida jungxua milletlirining munewwer medeniyet qéni aqidu, junggoning inqilabi, qurulushi, islahati we ishikni échiwétishige zor töhpilerni qoshqan. Tarixiy eslimilerni oyghitip, shuningdin küch izdep, ishenchni turghuzup, rohni urghutush lazim. Partiyeni qattiq idare qilishni del jayigha emeliyleshtürüp, partiye intizamini chingitip, chiriklikni eng qattiq pozitsiye bilen azaytip, chiriklikning köpiyishini keskin tedbirler arqiliq tosup, asasiy gewde mesuliyitini emeliyleshtürüp, rehberler kolliktipi we qoshun qurulushini ching tutup, yaxshi siyasiy ékologiye berpa qilish kérek.

junggo kompartiyesi merkiziy komitéti siyasiy byurosi daimiy komitétining ezasi, gowuyüenning muawin zunglisi jang gawli chüshtin burun guangdung wekiller ömikining qarap chiqishigha qatnashti. Jang gawli wekillerning sözlirini estayidil anglighandin kéyin: men komitét bashliqi jang déjyangning memliketlik xelq qurultiyi daimiy komitétining xizmitidin bergen doklatni pütünley quwwetleymen, dédi. Jang gawli guangdungning iqtisadiy, ijtimaiy tereqqiyatta qolgha keltürgen netijilirini mueyyenleshtürdi, guangdungning bash shuji shi jinpingning telipi we "töt omumyüzlük" stratégiyelik orunlashturushigha asasen, "üchni belgilesh, ikkide bashlamchi bolush" nishanini chöridep, yol échip yéngiliq yaritip, ching tutup emeliy ishlep, islahat, échiwétishni chongqurlashturushtiki bashlamchi jay berpa qilip, yéngiliq yaritish arqiliq tereqqiyatqa türtke bolushtiki yolbashchi bolup, iqtisadiy qurulmini stratégiyelik tengsheshte aldinqi septe méngip, iqtisadning muqim, saghlam tereqqiy qilishi we jemiyetning inaqliqi, muqimliqini emelge ashurushini ümid qildi.


Kéyinkisi
Munasiwetlik xewerler
yéngi xewerler Yene
süretlik xewer Yene
süretlik tenterbiye xewerliri
pen-téxnika uchurliri Yene
ghelite ishlar Yene
kocha parangliri Yene
saghlamliq Yene