Bash bet>>Xewer Merkizi>>Muhim Xewerler
Shi jinping 12-nöwetlik memliketlik xelq qurultiyi 3-yighinigha qatnishwatqan azadliq armiye wekiller ömikining omumiy yighinigha qatnashti
Tehrir:Küntékin imam     Menbesi:Junggo uyghurche radiyo tori     Yollan'ghan waqit: 2015-03-13

junggo uyghurche radiyo tori 13-mart béyjing xewiri:

junggo kompartiyesi merkiziy komitétining bash shujisi, dölet reisi, merkiziy herbiy ishlar komitétining reisi shi jinping tünügün 12-nöwetlik memliketlik xelq qurultiyi 3-yighinigha qatnishwatqan azadliq armiye wekiller ömikining omumiy yighinigha qatnashqanda munularni tekitlidi: partiye 18-qurultiyi we 18-nöwetlik merkiziy komitétining 3-,4-omumiy yighinlirining rohini chongqur izchillashturup, ding shyawping nezeriyesi, "üchke wekillik qilish" muhim idiyesi we ilmiy tereqqiyat qarishini yétekchi qilishta ching turup, omumyüzlük halliq jemiyet qurush, islahatni omumyüzlük chongqurlashturush, döletni qanun boyiche omumyüzlük idare qilish, partiyeni omumyüzlük qattiq idare qilish istratégiyelik orunlashturushi boyiche, dölet mudapiesi we armiye qurulushini ilgiri sürüshni tézlitip, herbiy ishlar komitétining türlük hel qilghuch orunlashturmilirini jayida emeliyleshtürüp, armiye bilen xelqni mas tereqqiy qildurush istratégiyesini chongqur yolgha qoyup, armiyeni küchlendürüsh we güllendürüshte tiriship yéngi weziyet yaritish kérek.

yighinda, 8 wekil dölet mudapiesi pen-téxnikisi saheside armiye bilen xelqni mas tereqqiy qildurush, dölet mudapieside armiye bilen xelqni mas tereqqiy qildurushqa seperwer qilishni chongqurlashturush, armiye bilen yerlikni birgewdileshtürüsh döletning biobixeterlik qoghdinish sitémisi qurulushini kücheytish, emeliy urush meshiqini chongqur tereqqiy qildurush qatarliq mesililerni chöridep bes-beste söz qildi.

shi jinping wekillerning sözini estayidil anglighandin kéyin muhim söz qildi. Shi jinping pütün armiyening partiye merkiziy komitéti, merkiziy herbiy ishlar komitétining hel qilghuch orunlashturmilirini estayidil izchillashturup, dölet mudapiesi we armiye qurulushini ilgiri sürüshni tézlitishini ümid qildi, hemde armiye bilen xelqni mas tereqqiy qildurush istratégiyesini chongqur yolgha qoyushqa telep qoydi. Shi jinping mundaq dep körsetti: bundin kéyinki bir mezgilde armiye bilen xelqni mas tereqqiy qildurushta köp amilliq, köp sahelik we yuqiri ünümlük tereqqiyat endizisini shekillendürüp, maslashturush sheklini mollashturup, dairisini kéngeytip, qatlimini östürüsh kérek. Omumluq éngini kücheytish, armiye bilen yerlik bir taxta shahmat bolush idiyesini turghuzush, mesililerni partiye we dölet ishliri tereqqiyatining omumluq yükseklikide turup oylishish, xizmetlerni ilgiri sürüsh, mesuliyetni teshebbuskarliq bilen üstige élish, tedbirlerni heqiqiy emeliyleshtürüsh kérek. Islah qilish we yéngiliq yaritishni kücheytip, armiye bilen xelqni mas tereqqiy qildurushni cheklep turiwatqan tüzülme xakraktérlik tosalghularni, qurulma xaraktérlik ziddiyetlerni, siyaset xakraktérlik mesililerni küchep hel qilip, bir tutash rehberlik qilidighan, armiye bilen yerlik maslishidighan, ünümi yuqiri bolghan teshkiliy bashqurush sitémisi, dölet bashlamchiliq qilidighan, éhtiyaj türtke bolidighan, bazar meshghulati bilen birlikke kelgen xizmet sistémisi shundaqla sistémisi mukkemmel, ulashturushi yürüshleshken, ünümlük righbetlendüreleydighan siyaset tüzüm sistémisi berpa qilish kérek. Istratégiyelik pilanlashni kücheytip, ünümlük chariler arqiliq pilanning emeliylishini ilgiri sürüp, nazaret qilish, yétekchilik qilish, tekshürüshni kücheytip, mesuliyet sürüshtürüsh méxanizimi berpa qilip, pilanning qattiq cheklesh we ijra qilish iqdarini kücheytish kérek. Qanun boyiche idare qilish kapalitini kücheytip, qanun boyiche idare qilish tepekkuri we usuli arqiliq armiye bilen xelqning mas tereqqiy qildurup, qanun belgilimilerning qéliplashturush, yéteklesh we kapaletke ige qilish rolidin toluq paydilinip, armiye bilen xelqni mas tereqqiy qildurushni qanun boyiche idare qilish sewiyesini östürüsh kérek.

shi jinping munularni tekitlidi: her derijilik partkom we hökümetler dölet mudapiesi we armiye qurulushigha köngül bölüsh we qollashni öz ishi dep bilip, ottek qizghinliq bilen armiye qurulushigha qatniship, ofitsér eskerlerning qiyinchiliqlirini hel qilishi kérek. Pütün partiye, pütün armiye we pütün memlikettiki her millet ammisi armiye xelqni söyidighan, xelq armiyeni himaye qilidighan shereplik enenini nurlandurup, armiye bilen hökümetning, armiye bilen xelqning uyultashtek munasiwitini téximu chingitip, junggo arzusi we armiyeni küchlendürüsh arzusini ishqa ashurushqa qudretlik küch mujessemlishi kérek.

yighin ayaghlashqanda, shi jinping asasiy qatlam we pen tetiqatning birinchi sépidiki qisimdin kelgen qismen xelq qurultiyi wekillirini yénigha kélip, ularning xizmet we turmush ehwalini tepsiliy igellep, ularni asasiy qatlamda yiltiz tartip, xizmet körsitip, armiyeni küchlendürüsh nishanini ishqa ashurush üchün yéngi töhpilerni qoshushqa ilhamlandurdi.

 

Kéyinkisi
Munasiwetlik xewerler
yéngi xewerler Yene
süretlik xewer Yene
süretlik tenterbiye xewerliri
pen-téxnika uchurliri Yene
ghelite ishlar Yene
kocha parangliri Yene
saghlamliq Yene