Bash bet>>Xewer Merkizi>>Muhim Xewerler
12-nöwetlik memliketlik xelq qurultiyi 3-yighinining muxbirlar yighini échildi
Tehrir:Qurbannisa jappar     Menbesi:Junggo uyghurche radiyo tori     Yollan'ghan waqit: 2015-03-14

 

junggo uyghurche radiyo tori 14-mart béyjing xewiri:
    Tünügün chüshtin burun 12-nöwetlik memliketlik xelq qurultiyi 3-yighinining muxbirlar yighini échildi, memliketlik xelq qurultiyining besh wekili aliy maaripni tertipke sélish qurulmisini mukemmelleshtürüsh heqqide muxbirlarning soallirigha jawap berdi.
     Sichüen uniwérsitétining mudiri, wekil shyé xéping mundaq dep qaridi: situdéntlarning igilik tiklishide meghlup bolush mesilisi mewjut emes. Hazir jemiyette éyitilwatqan meghlubiyet iqtisadiy hésabatni körsitidu, emeliyette situdéntlarning igilik tiklish musapisidiki muweppiqiyet qazinish yaki meghlup bolush jeryani ularning hayat musapisidiki qimmetlik bayliq.
    Guyju uniwérsitétining mudiri, wekil jéng chyang mundaq dédi: aliy mektepler we situdéntlarning yéngiliq yaritish iqtidari bir döletning tereqqiyat basquchi bilen munasiwetlik. Junggoning aliy mektepliri junggo jemiyiti bilen teng qedemde tereqqiy qilghan, méningche, dölitimizning yéngiliq yaritish iqtidarini yétildürüsh we jughlash kérek.
    Guangdung ölkilik maarip nazaritining naziri, wekil lo wéychi tonushturup mundaq dédi: guangdung ölkilik maarip nazariti aliy mekteplerning memuriy testiq hoquqining 85% ini töwenge chüshürdi, hemde aliy mekteplerge arilishish we bashqurushni azaytti. Hökümet hoquqni qoyiwetkende, aliy mekteplerningmu qaide-tüzüm qurulushi we ichki méxanizmda yéngiliq yaritishni kücheytip,  Töwenge chüshürülgen hoquqni yürgüzüshni üstige élishi zörür.
    Xeynen uniwérsitétining mudiri, wekil li jyenbaw dölet maarip ministirliqining biwasite qarmiqida bolmighan yerlik nuqtiliq aliy mekteplerni oqughuchi béshigha qarap pul ajritip qollisa, dölet yerliktiki aliy mekteplerge ajratqan mexsus xirajetning bir qismi daimliq xirajet qilinsa, dep teklip berdi hemde merkezning alaqidar tarmaqlirining yerliktiki aliy mektepler we hökümet tarmaqlirining munasiwitini yenimu qéliplashturup we rawanlashturup, xizmet ünümini östürishini ümid qildi.
    Jyangsu ölkilik maarip nazaritining naziri, wekil shén jyen tonushturup mundaq dédi: 2013-yilidin bashlap, jyangsu ölkisige sirttin kelgen ishlemchilerning bille kelgen perzentliri jyangsu ölkiside mukemmel toluq otturida oqush salahiyitige ériship, toluq ottura basquchidiki oqushni toluq tamamlighan bolsa, jyangsuda aliy mektep imtihanigha qatnashsa bolidighan boldi. Bu siyaset yolgha qoyulghandin buyan, jyangsu ölkisige sirttin kelgen ishlemchilerning bille kelgen perzentiliridin bu shertke uyghun kélidighan 7454 oqughuchi bu yil aliy mektep imtihanigha tizimlatti, ular jyangsuda aliy mektep imtihanigha qatnishish üchün teyyarliq qiliwatidu.

 

Kéyinkisi
Munasiwetlik xewerler
yéngi xewerler Yene
süretlik xewer Yene
süretlik tenterbiye xewerliri
pen-téxnika uchurliri Yene
ghelite ishlar Yene
kocha parangliri Yene
saghlamliq Yene