Bash bet>>Xewer Merkizi>>Muhim Xewerler
12-nöwetlik memliketlik xelq qurultiyining 3-yighini ayaghlashti
Tehrir:Adil ablet     Menbesi:Junggo uyghurche radiyo tori     Yollan'ghan waqit: 2015-03-15

junggo uyghurche radiyo tori 15-mart béyjing xewiri:

12-nöwetlik memliketlik xelq qurultiyi 3-yighini türlük qaralmilarni toluq muweppeqiyetlik orunlap bolghandin kéyin, 15-mart xelq sariyida yépildi. Yighinda hökümet xizmitidin bérilgen doklat, memliketlik xelq qurultiyi daimiy komitétining xizmet doklati qatarliqlar testiqlandi. Yighinda yene qanun chiqirish qanunigha tüzitish kirgüzüsh toghrisidiki qarar awazgha qoyulup maqullandi. Dölet reisi shi jinping élan qilish heqqide reis buyruqi imzalidi. Memliketlik xelq qurultiyi daimiy komitétining bashliqi jang déjyang yighingha riyasetchilik qildi.

shi jinping, li kéchyang, yü jéngshéng, lyu yüenshen, wang chishyen, jang gawli we yighin heyet riyasitining ezaliri reis sehnisidin orun aldi.
chüshtin burun saet 9da jang déjyang yighinning échilghanliqini jakarlidi.

yighinda awazgha qoyush arqiliq hökümet xizmitidin bérilgen doklat toghrisidiki qarar maqullandi, bu doklatni testiqlash qarar qilindi. Awazgha qoyush arqiliq 2014-yilliq xelq igiliki we ijtimaiy tereqqiyat pilanining ijra qilinish ehwali we 2015-yilliq xelq igiliki we ijtimaiy tereqqiyat pilani toghrisidiki qarar maqullandi, bu qarar layihisi toghrisidiki doklatni testiqlash qarar qilindi. 2015-yilliq xelq igiliki we ijtimaiy tereqqiyat pilani testiqlandi, awazgha qoyush arqiliq 2014-yilliq merkez we yerlik xamchotning ijra qilinish ehwali we 2015-yilliq merkez we yerlik xamchot toghrisidiki qarar maqullandi, bu qarar layihisi toghrisidiki doklatni testiqlash qarar qilindi, 2015-yilliq merkez xamchoti testiqlandi. Yighinda awazgha qoyush arqiliq yene qanun chiqirish qanunigha tüzitish kirgüzüsh toghrisidiki qarar maqullandi, élan qilinghan kündin bashlap yolgha qoyush qarar qilindi.

yighinda yene awazgha qoyush arqiliq memliketlik xelq qurultiyi daimiy komitétining xizmet doklati toghrisidiki qarar maqullandi. Bu doklatni testiqlash qarar qilindi. Aliy xelq sot mehkimisining xizmet doklati toghrisidiki qarar, aliy xelq teptish mehkimisining xizmet doklati toghrisidiki qarar maqullandi, bu ikki doklatni testiqlash qarar qilindi.

yighinda yene awazgha qoyush arqiliq memliketlik xelq qurultiyi daimiy komitéti chén jining, chén xawlarning memliketlik xelq qurultiyi daimiy komitétining ezasiliq wezipisidin bergen istépasini qobul qilghanliqini qeyt qilish toghrisidiki qarar maqullandi.Yighin türlük qaralmilarni maqullighandin kéyin, jang déjyang söz qildi.

 

u mundaq dédi: yighin mezgilide wekiller asasiy qanun we qanunda bérilgen mesuliyitini estayidil ada qilip, yighinning muweppeqiyetliride partiyining teshebbusi bilen xelqning iradisini birlikte keltürüshni toluq gewdilendürdi. Qanun chiqirish qanunigha tüzitish kirgüzüsh qararni qarap chiqip maqullash bu qétimqi yighinning muhim muweppeqiyiti. Bu qétim tüzitish kirgüzüshte qanun chiqirish tüzülmisi yenimu mukemmelleshtürülüp, qanun chiqirish hoquq chéki aydinglashturuldi. Qanunni ilmiy tüzüsh, démokratik tüzüsh méxanizmi we tertipi mukemmelleshtürüldi. Bu yéngi weziyette qanun tüzüsh xizmitini kücheytish we yaxshilash, sotsiyalistik qanunchiliq döliti qurushta muhim ehmiyetke ige.

jang déjyang mundaq dep körsetti: islahat bilen qanun arqiliq idare qilish xuddi qushning ikki qaniti we ikki chaqqa oxshaydu.Biz junggoche sotsiyalistik qanunchiliq yolida dawamliq méngip, qanun arqiliq idare qilish arqisida islahatni ilgiri sürüshimiz, islahat dawamida qanun arqiliq idare qilishni mukemmelleshtürüshimiz lazim.

jang déjyang mundaq dédi: islahat tedbirliri bilen qanun tüzüsh tedbirlirini birlikte keltürüp , bir birige baghlap, zor islahatni élip bérishta qanun asas qilip, qanun chiqirishqa tayinip, islahat we iqtisad,jemiyet tereqqiyat éhtiyajigha teshebbuskarliq bilen masliship, islahat bilen qanun arqiliq idare qilishni öz ara ilgiri sürüshimiz lazim.

jang déjyang mundaq dédi: partiye 18- qurultiyidin buyan, shi jinping bash shujiliqidiki partiye merkiziy omumiy yüzlük halliq jemiyet qurush , islahatni omumyüzlük chongqurlashturush, döletni omumyüzlük qanun arqiliq idare qilish, partiyini omumyüzlük qattiq idare qilish istratégiyilik orunlashturushini otturigha qoydi we shekillendürdi. Biz töt omumyüzlüktin ibaret istratégiyilik orunlashturush pilanini zich chöridep we herqaysi sahelerdiki xizmetlerni ilgiri sürüp, döletni qudret tapquzush, milletlerni ronaq tapquzush xelqni bext saadetke érishtürüshtin ibaret dewr yéngi sehipisini yézip qaldurushimiz lazim.

 

Kéyinkisi
Munasiwetlik xewerler
yéngi xewerler Yene
süretlik xewer Yene
süretlik tenterbiye xewerliri
pen-téxnika uchurliri Yene
ghelite ishlar Yene
kocha parangliri Yene
saghlamliq Yene