Bash bet>>Xewer Merkizi>>Muhim Xewerler
Ünümlük méxanizmlar élimiz yéza igilikining imkaniyetlik sijil tereqqiyatigha türtke bolmaqta
Tehrir:Qurbannisa jappar     Menbesi:Junggo uyghurche radiyo tori     Yollan'ghan waqit: 2015-03-25

 

junggo uyghurche radiyo tori 25-mart béyjing xewiri:

yéqinda gowuyüenning daimiy ishlar yighinida "memliket boyiche yéza igilikini tereqqiy qildurushning imkaniyetlik sijil pilani" qarap chiqip maqullandi, merkezdin yerlikkiche chiqarghan bir qatar uzaq ünüm béridighan méxanizmlar yéza igilikining imkaniyetlik sijil tereqqiyatini heqiqiy ünüm béridighan hel qilish yoligha ige qildi.

ötken yili, xébéy ölkisi toluqlima bérish méxanizmini yolgha qoyup, lodu merkiziy rayonida tériqchiliq qurulmisini tengshep, su serpiyati yuqiri küzgi bughday tériqchiliq kölimini 760 ming mo azaytti; Loduning etrapidiki rayonlarda su bilen oghutni bir gewdileshtürüsh qatarliq déhqanchiliqta su téjesh türini 3 milyon 810 ming mo yerde tedrijiy omumlashturdi; Buning bilen bir yilda 359 milyon kubmétir yer asti süyi téjep qélindi, bu 36 shixu kölining su sighimi bilen teng.

memliket boyiche birdinbir ékologiye aylanma yéza igilikini tereqqiy qildurush siniqi qilinghan jéjyang ölkisi kelgüsi üch yildin besh yilghiche waqitta, ximiyewi oghut, déhqanchiliq dorisini ishletmeslik ékologiye nishanini ishqa ashurushqa wede berdi.

kömme qonaq ishlepchiqiridighan jilin ölkiside qara tupraqni qoghdash herikiti qanat yaydurulmaqta. Yéza igilik téxnikliri tériqchiliq chong aililirige tériqchiliq téxnikisini ögetmekte.

bu yil jilin ölkisi 300 milyon yüen meblegh sélip, qara tupraqni qoghdash, tizginlesh siniqini 15 nahiyege kéngeytti, sinaq mezmunini köpeytish bilen bille pütün ölkining 13-besh yilliq qara tupraqni qoghdash, tizginlesh pilanini tüzdi.

yerlikning paydiliq sinaq élip bérishi élimiz yéza igilikining imkaniyetlik sijil tereqqiyatini ünümlük hel qilish yoligha ige qildi. Bu emdila qarap chiqip maqullanghan "memliket boyiche yéza igilikini tereqqiy qildurushning imkaniyetlik sijil pilani"dimu gewdilendürüldi.

birni kontrol qilish 2020-yilighiche memliket boyiche yéza igilikide sughirishqa ishlitidighan su miqdarini 372 milyard kubmétir ichide kontrol qilishni körsitidu; Ikkini azaytish ximiyewi oghut we déhqanchiliq dorisi ishlitish miqdarini azaytish, 2020-yili ximiyewi oghut, déhqanchiliq dorisini ishletmeslikni körsitidu; Üch asasen 2030-yiligha barghanda charwa, qush gendilirini asasen omumlashturup paydilinish, solyaw yopuqni asasen yighip paydilinish, shax-shumbilarni omumyüzlük ishlitishni körsitidu. Pilandiki tereqqiyat nishanigha asasen, 2020-yilighiche, élimiz yéza igilikining imkaniyetlik sijil tereqqiyatida deslepki ünüm qolgha keltürülidu, 2030-yilighiche körünerlik ünüm qolgha keltürülidu. 

Kéyinkisi
Munasiwetlik xewerler
yéngi xewerler Yene
süretlik xewer Yene
süretlik tenterbiye xewerliri
pen-téxnika uchurliri Yene
ghelite ishlar Yene
kocha parangliri Yene
saghlamliq Yene