Bash bet>>Xewer Merkizi>>Muhim Xewerler
Dölet reisi shi jinping hindonéziye zongtungi zok bilen söhbetleshti
Tehrir:Adil ablet     Menbesi:Junggo uyghurche radiyo tori     Yollan'ghan waqit: 2015-03-28

junggo uyghurche radiyo tori 28-mart béyjing xewiri:

dölet reisi shi jinping 26-mart xelq sariyida hindonéziyining zongtungi zok bilen söhbetleshti. Ikki dölet rehberliri junggo bilen hindonéziyining munasiwitini rawajlandurushta qolgha keltürgen muweppeqiyetlik tejribilirini birlikte yekünlidi. Ikki döletning kelgüsidiki hemkarliqini pilanlidi we orunlashturdi. Ötken 65 yilliq dostluq munasiwitini rawajlandurush asasida aldinqilargha warisliq qilip kéyinkilerge yol échip, ikki döletning omumyüzlük istratégiyilik shériklik munasiwitining yéngi mezgilde algha siri rawajlinishigha türtke bolup, rayon we dunyaning tinchliqi muqimliqi güllinishi üchün töhpe qoshushqa birdek qoshuldi.
shi jinping munularni tekitlidi: junggo bilen hindonéziye döletni rawajlandurush, xelq turmushini yaxshilash ortaq wezipisige yoluqmaqta. Ikki dölet istratégiyilik öz ara ishinishini kücheytip, yuqiri qatlam alaqisini saqlap, ikki tereplik hemkarliq méxanizmini berpa qilip, partiyiler hemkarliqi we yerlik alaqisini kücheytip, döletni idare qilish hökümet ishlirini bashqurush tejribilirini almashturush lazim. Junggo asiya ul eslihelirige meblegh sélish bankisi, yipek yoli fondi qatarliqlardin toluq paydilinip, hindonéziyining déngiz yuqiri süretlik tashyolini rawajlandurushqa medet bérish; Hindonéziyining port, yuqiri süretlik tömür yol, ayrodrom , kémisazliq, déngiz boyi iqtisadiy alahide rayon qurulushigha paal qatnishishni xalaydu. Junggo téximu köp karxanilirining hindonéziyining qurulushigha qatnishishigha ilham béridu. Hindonéziye bilen birlikte ikki tereplik meblegh sélish kölimini kéngeytip, ishlepchiqirish iqtidari hemkarliqini kücheytishni xalaydu. Ikki terep modapie , qanun ijrasi hemkarliqini kücheytip, dölet halqip jinayet ötküzüsh qilmishlirigha birlikte zerbe bérish lazim.

zok munularni bildürdi: hazir hindonéziye bilen junggo iqtisadni rawajlandurush, xelqning turmush sewiyisini östürüshke tirishchanliq körsetmekte.Ikki terepning hemkarliship kemkoslirini toluqlashchanliqi küchlük. Istiqbali parlaq. Hindonéziye junggoning dölet ilkidiki we puqrawi karxanilirining hindonéziyining port, ayrodrom, su toghanliri qatarliq ul eslihe qurulushi we iqtisadiy alahide rayon qurulushigha qatnishishini qarshi alidu. Ikki terepning pul almashturush kölimini kéngeytip, ikki dölet sodisini 2020-yiligha barghanda 150 milyard amérika dollirigha yetküzüshini ümid qilidu. Junggo sayahetchilirining hindonéziyini sayahet qilishini, ijtimaiy medeniyet sahesidiki alaqisini kéngeytishini qarshi alidu. Hindonéziye junggo bilen birlikte chériklikke qarshi turush, térrorluqqa qarshi turush, qanun ijra qilish, dölet halqip jinayet ötküzüsh qilmishlirigha zerbe bérish saheside hemkarlishishni xalaydu.

söhbettin kéyin ikki dölet bashliqliri iqtisad soda, ul eslihe qurulushi, alem qatnishi, baj ishliri, déngizda axturush qutquzush, qatarliq sahelerdiki hemkarliq höjjetlerni imzalashqa shahid boldi. Ikki dölet rehberliri muxbirlar yighinigha birlikte qatnashti. Söhbettin ilgiri shi jinping xelq sariyining shimali zalida zokni qarshi élish murasimi ötküzdi.

 

Kéyinkisi
Munasiwetlik xewerler
yéngi xewerler Yene
süretlik xewer Yene
süretlik tenterbiye xewerliri
pen-téxnika uchurliri Yene
ghelite ishlar Yene
kocha parangliri Yene
saghlamliq Yene