Bash bet>>Xewer Merkizi>>Muhim Xewerler
Shi jinping paytexttiki mejburiy köchet tikish paaliyitige qatnashti
Tehrir:Abdulla molla     Menbesi:Junggo uyghurche radiyo tori     Yollan'ghan waqit: 2015-04-04

 

junggo uyghurche radiyo tori 4-aprél béyjing xewiri:

junggo kompartiyesi merkiziy komitétining bash shujisi, dölet reisi, merkiziy herbiy ishlar komitétining reisi shi jinping tünügün chüshtin burun paytextning mejburiy köchet tikish paaliyitige qatnashqanda munularni tekitlidi: köchep tikip, orman ehya qilish-muhitni téximu güzelleshtürüshning muhim yoli, eng nep béridighan xelq turmushi qurulushi. Pütün memliketni seperwer qilish, omumiy xelq köchep tikip, orman ehya qilishqa atlinishta ching turup, junggoni güzel qilip qurup chiqishni tériship xelqning angliq herikitige aylandurush kérek.

chüshtin burun saet toqquz yérimlarda, partiye we dölet rehberliridin shi jinping, li kéchyang, jang déjyang, yü jéngshéng, lyu yünshen, wang chishen, jang gawli qatarliqlar opche mashinigha olturup, béyjing shehiri chawyang rayoni sünxé yézisiidiki köchet tikish nuqtisigha bérip, paytext ammisi bilen birlikte mejburiyet köchiti tikti.

sünxé yézisi sünxé kentidiki keng ketken yer eslide bir yéza igilik mehsulatliri baziri idi. Béyjing shehiri sheher-yézilarni bir gewdileshtürüshni ilgiri sürüsh, kesip qurulmisini tengshesh omumiy orunlashturushigha asasen, bu yerni özgertishke bashlap, bu yerni bu yilliq orman ehya qilish pilanigha kirgüzgen idi.

köchet tikish neq meydanida emgek qaynap ketti. Köchet tikishke qatnashqan rehberlerning beziliri topa tindurdi, beziliri su quydi, nahayiti gheyret bilen ishlidi, bir tereptin ishligech kadirlar we amma bilen ékologiyelik muhitni téximu asrash, güzel junggo qurush heqqidiki qarashlirini almashturdi.

köchet tikish ariliqida, shi jinping köchet tikishke qatnashqan kadirlar we amma bilen semimiy paranglashti. Shi jinping mundaq dep körsetti: yéngi qurulghandin buyan, bolupmu yéqinqi 30 nechche yildin buyan, özlüksiz köchet tikip, orman ehya qilish arqiliq, élimizde orman köpeydi, yer-zémin téximu kökerdi. Junggo köchet tikip orman ehya qilishta insaniyetke muhim töhpe qoshti. Shuning bilen bille, bizning yene omumyüzlük halliq jemiyet qurup bolush küresh nishani, xelq ammisining güzel ékologiyelik muhitqa bolghan ümidige sélishturghanda, ékologiye jehette nurghun mejburiyitimizning barliqi, muhit mesilisining yenila keskinliki, yéshilliqning yenila yétersizlikining jiddiy hel qilishqa tégishlik muhim réal mesile ikenlikinimu körmektimiz. Biz yéshilliq éngimizni östürüp, ékologiyeni eslige keltürüsh, ékologiyeni qoghdashni kücheytishimiz kérek. Bu-tarixiy xaraktérlik peyt.

shi jinping munularni tekitlidi: wetenni kökertish, ékologiyeni yaxshilash-hemme ademning mejburiyiti. Kesip qurulmisini paal tengshep, bosh orun körsekla kökertip, her bir parche yerni yéshillashturup, her bir tamche suni qedirlep, her bir tal ashliqni téjep, bayliq téjeydighan, muhiti yaxshi jemiyet qurushqa özimiz qol sélip türtke bolup, adem bilen tebietning inaq tereqqiyatini ilgiri sürüshimiz kérek.

köchet tikishke qatnashqan rehberler mundaq dédi: bash shuji shi jinping ékologiyelik muhitni köz qarichuqimizni asrighandek asrash, hayatimizni qedirligendek qedirlesh, ékologiyelik muhitqa ziyan salmasliqni tereqqiyatning axirqi chéki qilish kéreklikini köp qétim tekitlidi. Biz choqum bash shuji shi jinpingning telipige asasen, muhit démek-xelq turmushi démek, kökertish démek-güzellik démek, pakiz muhit démek-bext démek dégen qarashni puxta turghuzup, bir qolda tebiiy ormanlarni asrap, bir qolda süniy orman ehya qilip, ilmiy kökertip we ilmiy qoghdap, sheher-yézilarni tézdin yéshillashturup, güzelleshtürüp we béyitip, xelq ammisini ékologiye medeniylik qurulushining netijisidin teng behrimen qilishimiz kérek.

 

Kéyinkisi
Munasiwetlik xewerler
yéngi xewerler Yene
süretlik xewer Yene
süretlik tenterbiye xewerliri
pen-téxnika uchurliri Yene
ghelite ishlar Yene
kocha parangliri Yene
saghlamliq Yene