Bash bet>>Xewer Merkizi>>Muhim Xewerler
Shi jinping pakistan parlaméntida muhim nutuq sözlidi
Tehrir:Abdulla molla     Menbesi:Junggo uyghurche radiyo tori     Yollan'ghan waqit: 2015-04-22

 

junggo uyghurche radiyo tori 22-aprél béyjing xewiri:

dölet reisi shi jinping tünügün pakistan parlaméntida "junggo-pakistan teqdirdash ortaq gewdisi qurup, hemkarliship teng nep élishning yéngi sepirini bashlayli" dégen témida muhim nutuq sözlidi. Shi jinping munularni tekitlidi: junggo bilen pakistan milletni güllendürüshning muhim tarixiy mesuliyitini üstige élip, döletni qudret tapquzush, xelqni béyitish ulugh arzusigha küch chiqarmaqta. Biz yéqindin qol tutushup hemkarliship, ikki döletning eneniwi dostluqining ewzelliki, jughrapiyelik qoshnidarchiliq ewzelliki, iqtisadta öz ara toluqlash ewzellikini jari qildurup, pursettin teng behrimen bolup, xirisqa teng taqabil turup, tereqqiyat üstide birlikte izdinip, junggo-pakistan teqdirdash ortaq gewdisining mezmunini özlüksiz toluqlap, ikki dölet xelqige téximu yaxshi nep yetküzüp, rayon muqimliqi, güllinishini ilgiri sürüp, asiya teqdirdash ortaq gewdisining tereqqiyatida ülgilik rol oynashqa her qandaq chaghdikidinmu bekrek mohtajmiz.

1-junggo bilen pakistan hemkarliship mudapie körüp, istratégiyelik hemkarliqni chongqurlashturushi; Ikki dölet yuqiri qatlimining daimliq öz ara ziyariti we uchrishish enenisini saqlap, muhim istratégiyelik mesililerdiki hemkarliqni kücheytip, bir-birining yadroluq menpeeti we köngül bölidighan muhim mesililiride öz ara qollishi kérek.

2-junggo bilen pakistan mejburiyitini jari qildurup, menpeetini yughurup, ortaq tereqqiyatni ishqa ashurushi; Junggo-pakistan iqtisad karidori qurulushining ikki dölet emeliy hemkarliqini yéteklesh rolini jari qildurup, karidor qurulushini merkez qilip, giwadar porti, énérgiye, ul eslihe qurulushi, kespiy hemkarliqni muhim nuqta qilip, bir qoshulghan töt hemkarliq endizisini shekillendürüp, tereqqiyat netijiliri bilen barliq pakistan xelqige nep yetküzüp, bu rayondiki her qaysi dölet xelqini nepke ige qilishi lazim.

3-junggo bilen pakistan pikrini bir yerdin chiqirip, ewladmu-ewlad dost ötüshi kérek. Bu yil-junggo-pakistan dostluq almashturush yili, biz shekli köp xil, mezmuni mol bolghan tebriklesh paaliyetlirini qanat yaydurushimiz; Ikki dölet yashlirining köprek almashturushi, köprek alaqe baghlishigha ilham bérishimiz lazim. Junggo kelgüsi besh yilda pakistangha ikki ming adem terbiyelep béridu hem pakistanning ming xenzu tili oqutquchisi terbiyelishige yardem béridu.

4-junggo bilen pakistan éghir künlerde bille bolup, bixeterlik xirisigha birlikte taqabil turushi kérek. Junggo pakistan bilen bolghan maslishishni kücheytip, gheyriy eneniwi bixeterlik tehditlirige teng taqabil turup, ikki döletning iqtisadiy hemkarliqi we ortaq tereqqiyatigha ishenchlik bixeterlik kapaliti hazirlap béridu.

5-junggo bilen pakistan mesuliyetni dadil üstige élip, xelqara masliqni kücheytishi; Xelqara we rayon weziyiti üstide istratégiyelik alaqini saqlap, muhim yer shari we rayon mesililiridiki maslishish we hemkarliqni kücheytip, afghanistanning tinch yarishish musapisigha türtke bolup, hemkarliship teng nep élishni yadro qilghan yéngiche xelqara munasiwet ornitishni birlikte ilgiri sürüshi kérek.

shi jinping axirida munularni tekitlidi: junggo-pakistan teqdirdash ortaq gewdisi qurush-ikki dölet hökümetliri we xelqi ikki döletning tüp menpeetini chiqish qilip qarar qilghan istratégiyelik tallash, biz birlikte hemkarliship, ikki döletning téximu parlaq kelgüsini birlikte échishqa türtke bolayli.

shi jinping nutuq sözleshtin burun junggo yardem qilghan pakistan parlamént binasi quyash énérgiyelik yoruqluq wolt tok tarqitish türining yopuqini échish murasimigha qatnashti.

 

Kéyinkisi
Munasiwetlik xewerler
yéngi xewerler Yene
süretlik xewer Yene
süretlik tenterbiye xewerliri
pen-téxnika uchurliri Yene
ghelite ishlar Yene
kocha parangliri Yene
saghlamliq Yene