Bash bet>>Xewer Merkizi>>Muhim Xewerler
Shi jinping junggo-blarusiye sanaet baghcha rayonini ékiskursiye qildi
Tehrir:Qurbannisa jappar     Menbesi:Junggo uyghurche radiyo tori     Yollan'ghan waqit: 2015-05-12

 

junggo uyghurche radiyo tori 12-may béyjing xewiri:

dölet reisi shi jinping we repiqisi péng liyüen 12-may minsikida bélarusiye zungtungi lukashinkoning hemrahliqida junggo-bélarusiye sanaet baghcha rayonini ékiskursiye qildi. Shi jinping repiqisi bilen sanaet baghcha rayonigha kelgende, lukashinku ularning aldigha bérip kütiwaldi. Shi jinping we repiqisi lukashinko bilen bille sanaet baghcha rayonidiki qum modélni ékiskursiye qildi hemde sanaet baghcha rayoni mesulining tonushturishini estayidil anglidi, ikki dölet karxanilirining hemkarliqi we baghcha rayonidiki karxanilarning ishlepchiqirish ehwalini sürüshtürdi. Sanaet baghcha rayonida bélarusiye baliliri sizghan xiyaliy sanaet baghchisining resimi alahide körgezme qilindi. Bighubar, omaq bélarusiye baliliri shi jinpinggha özliri sizghan resimni sowgha qildi, ular resimde özlirining sanaet baghcha rayonigha bolghan telpünishini teswirligen. Shi jinping bilen lukashinko sanaet baghcha rayonini bashqurush komitétining bu rayongha deslepte kirip orunlashqan karxanilargha guwahname bérishige shahid boldi hemde baghcha rayonigha kirishni nishanlighan karxanilar sanaet baghcha rayonini bashqurush komitétigha bu rayongha kirish kélishimini tapshurush murasimigha qatnashti. Ikki dölet bashliqliri yene sanaet baghcha rayonining tereqqiyat pilanigha imza qoydi. Junggo-bélarusiye sanaet baghcha rayoni minsiki ayrodromi etrapigha jaylashqan, pilandiki kölimi 91.5 kiwadrat kilométir, bu bélarusiye sodiger chaqirip mebegh jelp qilghan eng chong tür, junggo bilen bélarusiye arisidiki eng chong iqtisadiy téxnika hemkarliq türi.

 

Kéyinkisi
Munasiwetlik xewerler
yéngi xewerler Yene
süretlik xewer Yene
süretlik tenterbiye xewerliri
pen-téxnika uchurliri Yene
ghelite ishlar Yene
kocha parangliri Yene
saghlamliq Yene