Bash bet>>Xewer Merkizi>>Muhim Xewerler
Li kéchyang amérikining dölet ishliri katipi kérri bilen körüshti
Tehrir:Qurbannisa jappar     Menbesi:Junggo uyghurche radiyo tori     Yollan'ghan waqit: 2015-05-17

 

junggo uyghurche radiyo tori 17-may béyjing xewiri:

gowuyüen zunglisi li kéchyang tünügün chüshtin kéyin jungnenxeyde amérikining dölet ishliri katipi kérri bilen körüshti.

li kéchyang munularni bildürdi: nöwette junggo bilen amérikining menpeetining birikishi kündin-künge chongqurlashmaqta, hemkarliq sahesi barghanséri kéngeymekte. Reis shi jinping bu yil 9-ayda amérikida dölet ishliri ziyaritide bolidu, ziyaretning muweppeqiyetlik bolidighanliqigha ishinimen. Junggo amérika bilen özara hörmet qilish, barawer muamile qilish asasida, alaqe we almashturushni kücheytip, ikki tereplik munasiwet, zor xelqara we rayon mesililiri, dunyawi xirislargha taqabil turush jehetlerdiki maslishishni kücheytishni, asiya-tinch okyan rayoni hetta téximu keng sahelerde keng qorsaqliq bilen hemkarlishishni xalaydu. Ikki terepning tonushi birdek bolmighan mesililerni ijabiy usul bilen bir terep qilishimiz, kontrol qilishimiz, ikki döletning özara ishinishini, rayon hemkarliqini ilgiri sürüshke paydiliq ishlarni köprek qilishimiz kérek.

li kéchyang mundaq dep körsetti: junggo iqtisadni dawamliq sijil, saghlam rawajlanduridu, zamaniwiylashturushqa qarap qedem tashlap, islahat, échiwétish yolida qetiy mangidu. Bizning ishikni sirtqa échiwétish derwazimiz barghanséri keng échilidu. Junggo amérika bilen ikki tereplik meblegh sélish kélishimi söhbiti ötküzüshni tézlitishni, bolupmu selbiy tizimlik söhbitini ijabiy ilgiri sürüp, yuqiri sewiyelik, tengpung netije hasil qilishqa tiriship, ikki terepning iqtisad munasiwitini téximu yuqiri sewiyege kötürüshni xalaydu. Ikki dölet yene 3-terep hemkarliqini qanat yaydurup, özara menpeet yetküzüp, teng payda körse bolidu.

li kéchyang munularni tekitlidi: kilimat özgirishi junggo bilen amérikining hemkarliqidiki muhim sahe. Junggo tereqqiy qiliwatqan chong dölet bolush süpiti bilen kilimat özgirishige taqabil turush jehette boshashmay tirishchanliq körsetmekte. Biz amérika bilen bille, siyasidiki alaqini kücheytip, "ortaq emma perqliq mesul bolush" pirinsipida ching turup, hasil qilinip bolghan ortaq tonushlarni emeliyleshtürüshni, bergen barliq wedilerni neqleshtürüshni xalaymiz. Tereqqiy tapqan ellerning téxnika ötünüp bérish we tejriblerdin teng behirliinshni kücheytip, tereqqiy qiliwatqan ellerning kilimat özgirishige taqabil turush jehettiki tirishchanliqini qollishini ümid qilimiz.

kérri mundaq dédi: amérika bilen junggo riqabetchiler emes, belki birbirige türtke bolup, teng tereqqiy qilidu. Ikki terep istratégiye we iqtisad sözlishishi qatarliq méxanizmlardin yaxshi paydilinip, alaqe we maslishishni kücheytip, ikki terepning meblegh sélish kélishimi söhbitini tézlitishi, kilimat özgirishige taqabil turush jehette téximu keng sahelerde hemkarlishishi kérek. Amérika junggo bilen afriqining sehiye, maarip, ul eslihe qurulushi qatarliq tereqqiyat qaralmiliri boyiche yéngi hemkarliq sahelirini échishni xalaydu.

ikki terep yene ortaq köngül bölidighan mesililer we xelqara, rayon mesililiri heqqide pikir almashturdi. 

Kéyinkisi
Munasiwetlik xewerler
yéngi xewerler Yene
süretlik xewer Yene
süretlik tenterbiye xewerliri
pen-téxnika uchurliri Yene