Bash bet>>Xewer Merkizi>>Muhim Xewerler
Partiye qurulushi sahesidiki islahat dawamliq ilgiri sürülmekte
Tehrir:Qurbannisa jappar     Menbesi:Junggo uyghurche radiyo tori     Yollan'ghan waqit: 2015-07-03

 

junggo uyghurche radiyo tori 3-iyul béyjing xewiri:

bu yil kirgendin buyan, "töt omumyüzlük" istratégiyelik orunlashturushini izchil emeliyleshtürüsh musapisida, partiye qurulushi sahesidiki islahat dawamliq ilgiri sürüldi, ilmiy nuqtinezer turghuzush, paal islah qilish, yéngiliq yaritish, obyéktip qanuniyetke emel qilish, emeliy ünümge ehmiyet bérish teppekkuri boyiche, partiyeni qattiq idare qilish telipi heqiqiy emeliyleshtürülüp, partiyeni omumyüzlük qattiq idare qilish chong qedemler bilen ilgiri sürülmekte.

16-iyun, "junggo kompartiyesi partguruppsining xizmet nizamining sinaq nusxisi" toluq tékisti bilen élan qilinip, kishilerning keng diqqitini tartti.

taratqular shuninggha diqqet qildiki, partguruppa tüzümi 1945-yili partiyening 7-qurultiyida resmiy ornitilghandin buyan, 70 yilliq tarixqa ige boldi, bu qétim partiye ichide mexsus belgilime tüzüsh partguruppa xizmitini qéliplashturup, partiye ichidiki belgilime boshluqini toldurdi, partiye ichidiki tüzüm-belgilime sistémisini téximu mukemmelleshtürdi. 26-iyun junggo kompartiyesi merkiziy komitéti siyasiy byurosining yighinida "partiyilik kadirlar yuqurighimu chiqalaydighan, töwengimu chüsheleydighan bolush heqqidiki bir qanche sinaq belgilime" qarap chiqip mauqllinip, töwengimu chüsheleydighan bolush mesilisi nuqtiliq hel qilindi. Bu belgilime 2014-yilining béshida tüzitish kirgüzülüp élan qilinghan "partiye-hökümetning rehbiri kadirlirini tallap östürüsh, wezipige qoyush xizmiti nizami" qatarliq islahat tedbirliri bilen yaxshi bolghan adem ishlitish yönilishi we tüzüm muhitini shekillendürüshke teng türtke boldi.

partiye 18-qurultiyidin buyan, tekshürüsh xizmitide partiye istili, pakliq qurulushi we chiriklikke qarshi turush kürishi muhim nuqta qilinip, pütün memliketni qaplash, pütün memliket bir taxta shaxmat bolush ishqa ashuruldi. Oxshashla 26-iyun junggo kompartiyesi merkiziy komitéti siyasiy byurosining yighinida qarap chiqip maqullanghan "junggo kompartiyesining tekshürüsh xizmiti nizamining tüzütilmisi" de tekshürüsh xizmitining emeliy yéngiliq yaritish netijiliri toluq qobul qilinip, tekshürüshni qanun-belgilime boyiche élip bérishqa türtke bolinip, tekshürüshning süri kücheytildi.

junggo kompartiyesi merkiziy komitéti ishxanisi 6-ayda "kespiy orunlarning rehberlirini bashqurush waqitliq belgilimisi" ni élan qildi. Partiye ichidiki kespiy orunlarning rehberlirini bashqurushni qéliplashturush we kücheytish heqqidiki bu tunji mexsus belgilimide kadirlar ishliri tüzümi islahatini yenimu chongqurlashturush qéliplashturulup, tüzüm boshluqi toldurulup, müjimellik tügitildi.

3-ayda merkiziy intizam tekshürüsh komitéti békitken yette intizam tekshürüsh guruppisining bashliqliri merkiziy komitét ishxanisi, merkiziy komitét teshkilat bölümi, merkiziy komitét teshwiqat bölümi, merkiziy komitét birlik sep xizmiti bölimi, memliketlik xelq qurultiyi orgini, gowuyüen ishxanisi, memliketlik siyasiy kéngesh orginigha wezipe öteshke bardi. Bu partiye tarixida, merkiziy intizam tekshürüsh komitétining tunji qétim partiyining xizmet tarmaqliri we memliketlik xelq qurultiyi orgini, gowuyüen ishxanisi, memliketlik siyasiy kéngesh orginigha intizam tekshürüsh guruppisi ewetishi. Buning bilen alaqidar orunlargha turushqa intizam tekshürüsh guruppisi ewetishte muhim qedem bésildi. Partiye qurulushi sahesidiki bir qatar yéngiliq yaritish tedbirliri, islahat tedbirliri hemme terep ulashturulghan, yuquridin-töwengiche yürüleshtürülgen qanun-tüzüm sistémisi bolup, tüzüm qepizi özlüksiz mustehkemlinip, partiyeni qattiq idare qilishni turaqlashturush, tüzümleshtürüsh ilgiri sürüldi.

 

Kéyinkisi
Munasiwetlik xewerler
yéngi xewerler Yene
süretlik xewer Yene
süretlik tenterbiye xewerliri
pen-téxnika uchurliri Yene
ghelite ishlar Yene
kocha parangliri Yene
saghlamliq Yene