Bash bet>>Xewer Merkizi>>Muhim Xewerler
Altun kések döletler rehberlirining 7-qétimliq uchrishishi rusiyening ufa shehiride ötküzüldi
Tehrir:Bextiyar turdi     Menbesi:Junggo uyghurche radiyo tori     Yollan'ghan waqit: 2015-07-10

 

junggo uyghurche radiyo tori 10-iyul béyjing xewiri:

9-iyul altun kések döletler rehberlirining 7-qétimliq uchrishishi rusiyening ufa shehiride ötküzüldi, junggoning dölet reisi shi jinping, rusiye zungtungi putin, biraziliye zungtungi rosif, hindistan zunglisi modi, jenubiy afriqa zungtungi zuma uchrishishqa qatnashti. Bu besh rehber altun kések döletler shériklik munasiwiti bash témisini chöridigen halda, nöwettiki xelqara weziyet we altun kések döletlirining hemkarliqi heqqide köz qarashlirini almashturup, keng ortaq tonush hasil qilip, mol netijilerge érishti.

shi jinping " birlikte shériklik munasiwitini berpa qilip, kelgüsini yaritayli" dégen témida asasiy mexsetlik söz qildi. Altun kések döletlerning hemkarliq musapisini xulasilap, altun kések döletlerning shériklik munasiwitini kücheytishning tirishish yönilishini otturigha qoydi. Junggoning herqaysi terepler bilen birlikte, altun kések döletler hemkarliqining üzlüksiz chongqurlishishi, emeli bolushigha birlikte türtke bolup, dunyaning tinchliqi we tereqqiyati üchün téximu zor töhpe qoshushni xalaydighanliqini bildürdi.

shi jinping munularni tekitlidi: 6 yildin buyan altun kések döletler addiy bolmighan bir bölek musapini bésip ötti. Biz échiwétish, keng qosaq bolush, hemkarliship teng peyda élish rohi boyiche, altun kések döletlerning shériklik munasiwitini chongqurlashturushni birdek qarar qilduq. Nöwette altun kések döletler tereqqiyat jeryanida bezi xirislargha yoluqmaqta, emma tereqqiyat yushurun küchi yenila ghayet zor. Biz töwendiki bir qanche tereptin tirishchanliq körsitishimiz kérek.

birinchi: dunyaning tinchliqini qoghdaydighan shériklik munasiwiti ornitish; Ikkinchi: ortaq tereqqiy qilishni ilgiri süridighan shériklik munasiwiti ornitish; Üchünchi: köp tereplik medeniyetni güllendüridighan shériklik munasiwiti ornitish; Tötinchi: yer shari iqtisadini tertipke sélishni kücheytidighan shériklik munasiwiti ornitish.

shi jinping yer shari siyasiy we iqtisadi mesilisi üstide toxtalghanda mundaq dep körsetti: hemkarliship teng paydigha érishish yadro qilinghan yéngiche döletler munasiwitini ornitish lazim. Altun kések döletler tinch tereqqiy qilish yolida ching turushi, öz iradisini bashqilargha tangmasliqi, öz ara hörmet qilish, öz ara ishinishke emel qilip, hemkarliship teng menpeetke érishishi kérek. Köp tereplik bolushqa qetiy emel qilip, ikkinchi dunya urushining ghelibe miwisini qedirlep, birleshken döletler teshkilati xartiyisining asasiy mexsiti we pirinsipini qoghdash lazim. Yer shari iqtisadi tertipini islah qilip we mukemmelleshtürüp, téximu köp döletlerning altun kések döletler tereqqiyat bankisi, jiddiy taqabil turush zapas saqlash orunlashturushi, bir belwagh, bir yol, asiya hul eslihege meblegh sélish bankisi, yipek yoli fondi qatarliq teshebbuslarni qollishini ilgiri sürüp, dunya iqtisadining éshishi we xelqara pul muamile pul séstimisi islahatini heriketlendürgüchi küch bilen teminlesh lazim. Yéngiche yer shari tereqqiyat shériklik munasiwiti ornitip, tereqqiy qilghan dölletlerni tigishlik mesuliyitini üstige élishqa dewet qilip, tereqqiy qiliwatqan döletlerning tereqqiy qilish iqtidarini kücheytishige yardem bérip, jenup bilen shimalning perqini kichiklitip, tereqqiy qiliwatqan döletlerning öz ara hemkarliqini kücheytip, öz ara nep yetküzüp, teng payda élish asasida, birliship öz özini qudret tapquzushni kücheytish kérek.

uchrishish axirlashqandin kéyin, 5 rehber "altun kések döletler diplomatiye ministirliqlirining altun kések döletler birleshme tor békiti qurush chüshinish esletmisi" "altun kések döletlerning hökümetler ara medeniyet hemkarliqini qanat yaydurush kélishimi" "altun kések döletler banka hemkarliq mixanizmi bilen altun kések döletler yéngi tereqqiyat bankisining hemkarliqini qanat yadurush chishinish esletmisi" qatarliq hemkarliq höjjetlirini imzalash murasimigha qatnashti. Yighinda "ufa xitapnamisi" shundaqla heriket pilani élan qilindi.

 

Kéyinkisi
Munasiwetlik xewerler
yéngi xewerler Yene
süretlik xewer Yene
süretlik tenterbiye xewerliri
pen-téxnika uchurliri Yene
ghelite ishlar Yene
kocha parangliri Yene
saghlamliq Yene