Bash bet>>Xewer Merkizi>>Muhim Xewerler
Shi jinping altun kések döletler rehberliri bilen altun kések döletler soda-sanaetchiler kéngishi wekilliri söhbet yighinigha qatnashti
Tehrir:Iminjan ismayil     Menbesi:Junggo uyghurche radiyo tori     Yollan'ghan waqit: 2015-07-10

 

junggo uyghurche radiyo tori 10-iyul béyjing xewiri:

9-iyul, altun kések döletler rehberliri bilen altun kések döletler soda-sanaetchiler kéngishi wekilliri söhbet yighini rusiyening ufa shehiride ötküzüldi. Junggoning dölet reisi shi jinping, rusiye zungtungi putin, biraziliye zungtungi rosséf, hindistan zunglisi modi, jenubiy afriqa zungtungi zuma qatarliqlar birlikte yighingha qatnashti.

shi jinping sözide mundaq dep körsetti: nöwettiki dunya iqtisadi weziyitide, altun kések döletler yéngi xirislargha duch keldi. Shuning bilen bir waqitta, altun kések döletlerning iqtisadiy tereqqiyatida yenila qézishqa bolidighan zor yoshurun küch bar, iqtisadiy hemkarliqta yenila ni-ni ishlarni qilalaydu. Altun kések döletler iqtisad-soda hemkarliqi jush urup rawajlinishtek muhim mezgilde turuwatidu, altun kések döletlerdiki soda sanaet sahesidikilerning altun kések döletler hemkarliqini ilgiri sürüp, xirisqa taqabil turup, her qaysi döletlerning iqtisadiy tereqqiyatining yuqiri pellige kötürülüshige türtke bolush üchün yéngi töhpe qoshushini ümid qilimen.

shi jinping altun kések döletler teshkilatigha eza her qaysi döletler soda-sanaet sahesidikilerning soda-sanaetchiler kéngishidin ibaret bu supidin toluq we yaxshi paydilinip, altun kések döletlerdiki karxana kespidikilerning téximu köp emeliy hemkarliq türlirini, altun kések döletler iqtisad-soda hemkarliqining chongqur rawajlinishini ilgiri sürüp, hökümet bilen pikir almashturushni kücheytip, hökümetke paal eqil körsitip, altun kések döletlerining iqtisadiy shiériklik istratégiyesi emeliyleshtürüsh, altun kések döletlerning téximu zich iqtisadiy shériklik munasiwitini berpa qilish üchün töhpe qoshushini ümid qilimen.

bashqa dölet rehberliri birdek munularni bildürdi: altun kések döletler soda-sanaet sahesidikiler hemkarliqni paal qanat yaydurup, altun kések döletlerining iqtisadining éshishi, iqtisad-soda hemkarliqini ilgiri sürüshi üchün qimmetlik töhpe qoshsa bolidu. Altun kések döletler xelqara iqtisadiy sahediki muhim küch, shuning bilen bir waqitta herkimning özgiche alahidiliki bar, nöwette dunya iqtisadi weziyitide, altun kések döletlerning hemkarliqni kücheytishi zörür, eza döletlerning yéza igiliki, yasimichiliq, ul eslihe, pakize énirgiye qatarliq sahelerdiki hemkarliqidimu ghayet zor purset bar. Altun kések teshkilatigha eza döletler hökümetliri we soda-sanaet sahesidikilerning ortaq tirishchanliq körsitip, altun kések döletlerning xelqara iqtisadiy ishlardiki ornini kücheytishini ümid qilimen.

 

Kéyinkisi
Munasiwetlik xewerler
yéngi xewerler Yene
süretlik xewer Yene
süretlik tenterbiye xewerliri
pen-téxnika uchurliri Yene
ghelite ishlar Yene
kocha parangliri Yene
saghlamliq Yene