Bash bet>>Xewer Merkizi>>Muhim Xewerler
Shi jinping shangxey hemkarliq teshkilatigha eza döletlerning ufadiki yighinida muhim söz qildi
Tehrir:Qurbannisa jappar     Menbesi:Junggo uyghurche radiyo tori     Yollan'ghan waqit: 2015-07-11

 

junggo uyghurche radiyo tori 11-iyul béyjing xewiri:

shangxey hemkarliq teshkilatigha eza döletler bashliqliri kéngishining 15-qétimliq yighini tünügün rusiyening ufa shehiride échildi. Shi jinping yighinda muhim söz qilip munularni tekitlidi: qedimimizni tézlitip, heqiqiy heriket qollinip, mezkur rayonda teqdirlashlar ortaq gewdisini berpa qilip, eza döletlerning bixeterliki we muqimliqini teng qoghdap, emeliy hemkarliq mezmunini béyitip, ewladmu-ewlad inaq qoshna we dost bolup, échiwétish we birbirimizning tejribilirimizni eynek qilishni dawamlashturup, yéngi bashlinish nuqtisida shangxey hemkarliq teshkilatining yéngi halqishini ishqa ashurushqa türtke bolayli. Shi jinping yighinda "ittipaqliship, hemkarliship, xirisqa teng taqabil turup, shangxey hemkarliq teshkilatining yéngi halqishini ishqa ashurushqa türtke bolayli" dégen témida söz qildi. Shi jinping besh tshebbusini otturigha qoydi: birinchi, "shangxey rohi" da ching turup, mezkur rayonda teqdirdashlar ortaq gewdisi berpa qilayli. "shangxey rohi"ni dawamliq yétekchi qilip, xelqaraning adilliqi, heqqaniyliqini qoghdap, köp tereplik we échiwétishni teshebbus qilip, öz-ara köngül bölidighan mesililerge hörmet qilip, birbirimizning ichki ishlirigha arilashmay, ixtilap we talash-tartishlarni tinch hel qilip, teng payda körüsh idiyesi bilen tereqqiyat, güllinishni ilgiri süreyli. Ikkinchi, heriket iqtidarimizni kücheytip, rayonning bixeterlik tosiqini mustehkemleyli. Junggo eza döletlerning "chégra mudapiye hemkarliq kélishimi" imzalishini qarshi alidu, her qaysi terepler bilen shangxey hemkarliq teshkilatining "esebiylikke qarshi turush ehdinamisi" ni tüzüshni ching tutup tetqiq qilishni xalaydu. Üchünchi, hemkarliq yushurun küchimizni chongqur qézip, emeliy hemkarliq mezmunini béyitayli. Soda we meblegh sélishni qolaylashturush, erkinleshtürüsh jehette téximu zor qedem tashlayli. Eza döletlerde hemkarliq baghcha rayoni qurushqa türtke bolup, birliship ishlepchiqirishni qanat yaydurup, ishlepchiqirish iqtidari hemkarliqini özlüksiz chongqurlashturayli. Shangxey hemkarliq teshkilati tereqqiyat bankisi qurushtin ibaret istratégiyelik nishanda ching turayli. Énérgiye, yéza igilik hemkarliqini kücheytip, muhit asrash uchuri supisi qurushni tézlitip, yipek yoli iqtisad belbéghi bilen yawropa-asiya iqtisad ittipaqini yaxshi jiplashturup, yaropa-asiya rayonining tengkesh tereqqiyatini ilgiri süreyli. Tötinchi, el qelbini tutashturup, ewladmu-ewlad inaq qoshna we yaxshi dost bolayli. Junggo eza döletlerning apettin qutquzush, yuqumluq késellikning aldini élish we dawalash, kishilerning bérip-kélishige qolayliq yaritip bérish qatarliq jehetlerde hemkarliqni kücheytishni qollaydu. Beshinchi, échiwétish we tejribilirimizni özara eynek qilishta ching turup, shangxey hemkarliq teshkilatining tereqqiyatigha türtke bolayli.

bu qétimqi bashliqlar yighinidin kéyin, shangxey hemkarliq teshkilati hindistan we pakistanni yéngi ezaliqqa qobul qilish tertipini bashlaydu. Yighinda hindistan we pakistanni shangxey hemkarliq teshkilatining yéngi ezaliqigha qobul qilish tertipini bashlash qarar qilindi, blarusiyening shangxey hemkarliq teshkilatining közetküchisi bolushi, ezerbeyjan, erminiye, kambudzha, népalning sözlishish shériki bolushi maqullandi. Yighinda shangxey hemkarliq teshkilatining 2016-yilliq bashliqlar yighinini özbékistanning paytexti tashkentte échish qarar qilindi. Eza döletler bashliqliri "shangxey hemkarliq teshkilatigha eza döletler bashliqlirining ufa xitapnamisi", "shangxey hemkarliq teshkilatigha eza döletler chégra mudapiye hemkarliq kélishimi", hemde "shangxey hemkarliq teshkilatining 2025-yilighiche bolghan tereqqiyat istratégiyesi", "shangxey hemkarliq teshkilatigha eza döletlerning 2016-yilidin 2018-yilighiche bolghan térrurluqqa, bölgünchilikke, esebiylikke qarshi turush hemkarliq programmisi" ni testiqlash, "shangxey hemkarliq teshkilatining esebiylikke qarshi turush ehdinamisi" layihesini tüzüsh qatarliq bir qatar qararlargha imza qoydi. Yighinda "shangxey hemkarliq teshkilatigha eza döletler kéngishining yighin axbarati", "shangxey hemkarliq teshkilatigha eza döletler bashliqlirining dunya fashisizmigha qarshi urush hemde 2-dunya urushi ghelibisining 70 yilliqi bayanati", "shangxey hemkarliq teshkilatigha eza döletlerning zeherge taqabil turush mesilisi heqqidiki bayanati" élan qilindi.

 

Kéyinkisi
Munasiwetlik xewerler
yéngi xewerler Yene
süretlik xewer Yene
süretlik tenterbiye xewerliri
pen-téxnika uchurliri Yene
ghelite ishlar Yene
kocha parangliri Yene
saghlamliq Yene