Bash bet>>Xewer Merkizi>>Muhim Xewerler
Shi jinping bixeter ishlepchiqirish xizmitini heqiqiy yaxshi ishlesh heqqide muhim yolyoruq berdi
Tehrir:Qurbannisa jappar     Menbesi:Junggo uyghurche radiyo tori     Yollan'ghan waqit: 2015-08-17

 

junggo uyghurche radiyo tori 16 -awghust béyjing xewiri :

yéqinqi bir mezgildin buyan, memlikitimizning nurghun jaylirida pewquladde éghir bixeter ishlepchiqirish weqeliri yüz berdi, bolupmu tyenjin portidiki ruyxey shirkitining xeterlik buyumlar iskilatida 12-awghust intayin éghir ot apitidin partlash weqesi yüz bérip, éghir ölüm-yétim we mal-mülük ziyini boldi. Junggo kompartiyesi merkiziy komitétining bash shujisi, dölet reisi, merkiziy herbiy ishlar komitétining reisi shi jinping bixeter ishlepchiqirish xizmitini heqiqiy yaxshi ishleshke yüksek ehmiyet bérip, tünügün yene bir qétim muhim yolyoruq chiqardi.

shi jinping mundaq dep körsetti: bixeter ishlepchiqirishqa heqiqiy kapaletlik qilip, jemiyetning eminlikini qoghdap, xelq ammisining xatirjem tirikchilik qilishigha kapaletlik qilish her derijilik partkomlar we hökümetlerning choqum üstige élishqa tégishlik muhim mesuliyiti. Tyenjin portidiki ruyxey shirkitining xeterlik buyumlar iskilatida yüz bergen pewquladde éghir ot apitidin partlash weqesi hemde yéqinda bezi jaylarda keyni-keynidin yüz bergen zor bixeter ishlepchiqirish weqeliridin bixeter ishlepchiqirish saheside gewdilik mesililer barliqi, weziyetning jiddiyliki yenimu ashkarilandi. Qanliq sawaq intayin chongqur, buni ésimizde mehkem saqlishimiz kérek. Her derijilik partkomlar we hökümetler bixeter tereqqiy qilish idiyesini mustehkem turghuzup, xelqning menpeetini dawamliq ela bilip, bixeter ishlepchiqirishni bashtin-axir muhim orungha qoyup, xelq ammisining hayati we mal-mülük bixeterlikini heqiqiy qoghdishi; Bixeter ishlepchiqirish mesuliyet tüzümini qetiy emeliyleshtürüp, partiye bilen hökümet teng mesul bolushi, bir orunda qosh mesuliyetni yolgha qoyushi, wezipisini ada qilalmighanlarning mesuliyitini sürüshtürüshi; Aldin signal bérish, jiddiy taqabil turush méxanizmini mukemmelleshtürüp, bixeterlikni nazaret qilip bashqurush jehettiki qanun ijrasini kücheytip, türlük bixeter ishlepchiqirish xéyimxetirini bir-birlep tekshürüp we ünümlük tügitip, bixeter ishlepchiqirishqa kapaletlik qilish sewiyesini östürüp, bixeter ishlepchiqirish weziyitide tüptin yaxshilinish bolushqa tiriship türtke bolushi kérek. Her qaysi ishlepchiqirish orunliri bixeter ishlepchiqirish éngini kücheytip, bixeter ishlepchiqirishtiki asasiy gewdilik mesuliyitini emeliyleshtürüp, bixeter ishlepchiqirish asasiy iqtidar qurulushini kücheytip, pewquladde éghir bixeter ishlepchiqirish weqelirining yüz bérishning qetiy aldini élishi lazim.

 

Kéyinkisi
Munasiwetlik xewerler
yéngi xewerler Yene
süretlik xewer Yene
süretlik tenterbiye xewerliri
pen-téxnika uchurliri Yene
ghelite ishlar Yene
kocha parangliri Yene
saghlamliq Yene