Bash bet>>Xewer Merkizi>>Muhim Xewerler
2015 - yilliq béyjing xelqara yénik atlétika birleshmisi dunya yénik atlétika lewhe talishish musabiqisi döletlik tenterbiye meydanida daghdughiliq bashlandi
Tehrir:Iminjan ismayil     Menbesi:Junggo uyghurche radiyo tori     Yollan'ghan waqit: 2015-08-23

 

junggo uyghurche radiyo tori 23-awghust béyjing xewiri:

2015 - yilliq béyjing xelqara yénik atlétika birleshmisi dunya yénik atlétika lewhe talishish musabiqisi 22 - awghust chüshtin kéyin döletlik tenterbiye meydanida daghdughiliq bashlandi. Dölet reisi shi jinping échilish murasimigha qatnashti hemde lewhe talishish musabiqisining bashlanghanliqini jakarlidi.

döletlik tenterbiye meydanidiki " changga " yéngi tüske kirdi , bu yer béyjing olimpik tenheriket musabiqisidin kéyin yene bir tenterbiye katta merikisini kütüwaldi. 207 dölet we rayondin kelgen 2000 gha yéqin tenheriketchi bu yerge jem bolup, bir meydanda maharet körsitidu , yene shanliq netijilerni yaritidu.

saet 16din 57 minut ötkende , shadiyane muzika sadasi ichide , reis shi jinping we xelqara yénik atlétika birleshmisining reisi lamin diak reis sehnisige chiqti , pütün meydanda qizghin alqish yangridi . Xelqara olimpik komitétining reisi tomas bax , yéngidin saylanghan xelqara yénik atlétika birleshmisining reisi seybastyan ko qatarliqlar reis sehnisidin orun aldi .

musabiqe meydanining yügürüsh yolida , 15 neper komanda bergüchi yénik atlétika musabiqisige komanda bérish usuli boyiche tertip bilen hörmet oqi atti , andin kéyin hemmeylen buninggha egiship waqitni tetür sanap chuqan saldi . Étilghan herbir oq awazi bir nöwetlik ajayip ésil , untulghusiz dunya lewhe talishish musabiqisi wekillik qilatti . Waqitni tetür sanap " 1 "ge kelgende , 15 neper komanda bergüchi qolidiki buyruq tapanchisini teng atti, buning bilen échilish murasimi resmiy bashlandi .

neq meydandiki chong ékranda, nur chaqnap turidighan , simwolluq hem chongqur menilik bu nöwetlik dunya lewhe talishish musabiqisining teshwiqat filimi körsitilip, tarix bilen réalliq , junggo bilen dunya qoshulush dawamidiki yénik atlétika herikitining hayatiy küchi namayan qilindi.

 

Aldinqisi
Kéyinkisi
Munasiwetlik xewerler
yéngi xewerler Yene
süretlik xewer Yene
süretlik tenterbiye xewerliri
pen-téxnika uchurliri Yene
ghelite ishlar Yene
kocha parangliri Yene
saghlamliq Yene