Bash bet>>Xewer Merkizi>>Muhim Xewerler
Jaylar namratlarni heqiqiy yölimekte
Tehrir:Qurbannisa jappar     Menbesi:Junggo uyghurche radiyo tori     Yollan'ghan waqit: 2015-08-29

 

junggo uyghurche radiyo tori 29-awghust béyjing xewiri:

omumyüzlük halliq jemiyet quruliwatqan achquchluq peytte, jaylar, tarmaqlar namratlarni yölesh, tereqqiy qildurush xizmitini téximu gewdilik orungha qoyup, heqiqiy namratlarni yölidi, namratlarni heqiqiy yölidi. Hazir élimiz iqtisadi töwenlesh bésimigha duch kelmekte, namratlarni yölesh boyiche ötkelge hujum qilish namrat ammining turmush sewiyesini östüridighan xelqke nep yetküzüsh siyasiti bolupla qalmastin, belki iqtisadni muqim ashurup, tereqqiyatni ilgiri süridighan muhim tedbir.

2015-yili hökümet xizmiti doklatida: her qanche qiyinchiliq bolsimu, bu yil yézilardiki namrat nopusni yene 10 milyondin köprek azaytish éniq otturigha qoyuldi. Partiye merkizi komitéti, gowuyüenning yüksek ehmiyet bérishi arqisida, jaylar, tarmaqlar tézdin heriketke kélip, namratlarni yölep, tereqqiy qildurush boyiche ötkelge hujum qilish jéngini yaxshi qilish üchün töhpe qoshti. Gowuyüen namratlarni yölesh ishxanisi ilgiri-kéyin bolup, 28 ölke, aptonum rayon, merkezge biwasite qarashliq sheherlik xelq hökümetliri bilen 2015-yilliq namratlar sanini azaytish mesuliyetnamisi imzalidi hemde 2015-yili namrat nopusning sanini azaytish bilen arxip turghuzup, karta bijirishni namrat aililerni namratliqtin qutuldurush bilen baghlap, del namratliqtin qutuldurushni telep qildi. Jaylar namrtlarning sanini azaytish mesuliyitini qatlammu-qatlam emeliyleshtürdi.

namratlarni yölesh meblighi dawamliq köpeymekte. Merkez maliyesi namratlarni yölesh mexsus meblighini yéqinqi yillardin buyan muqim köpeytti, 2011-yili 27 milyard 200 milyon yüen idi, 2014-yili 43 milyard 300 milyon yüenge köpeytip, yiligha 18.1% ashurdi. Bu yil merkez maliyesi xamchotidin namratlarni yöleshke ajritilghan meblegh yene 46 milyard 745 milyon yüenge köpeytildi, alaqidar kespiy tarmaqlar orunlashturghan meblegh türliridimu namrat rayonlar, namrat ammigha étibar bérildi.

gowuyüen namratlarni yölesh ishxanisining mudiri lyu yungfu tonushturup mundaq dédi: namratlarni yölesh sistémisi namratlarni del yölesh, namratliqtin del qutuldurushqa kapaletlik qilish üchün, bu yil namratlarni del yöleshtiki 10 türlük qurulushni ilgiri sürdi, bular kadirlar kentte turup yardem bérish, yölesh, kespiy maaripta terbiyilesh, namratlarni yölesh az sommiliq inawetlik qerzi tarqitish, bashqa jaygha köchürüp namratlarni yölesh, tor sodisi arqiliq namratlarni yölesh, sayahetchilik arqiliq namratlarni yölesh qatarliqlarni özichige alidu.

yéqinqi yillardin buyan, dölet namrat rayonlarning ul eslihe qurulushidiki yétersizlikni zor küch serp qilip toluqlap, uni iqtisadning éshishigha türtke bolushtiki yéngi matorgha aylandurdi. Tonushturilishiche, gherbiy rayongha 172 türlük zor su inshaati qurulushi orunlashturulghan. Buningdin bashqa, qatnash qurulushimu namrat rayonlar meblegh salidighan asasliq sahe, aldinqi yérim yilda tömür yol qurulushigha 265 milyard 130 milyon yüen meblegh sélinghan, bu oxshash mezgildikidin 12.7% köp iken.

emgek kirimi namrat ammining namratliqtin qutulup béyishidiki muhim yol. Qatnash eslihesi, su inshaati qurulushi, énérgiye türi qatarliq muhim qurulushlar namrat rayonlargha orunlashturuldi, namrat amma öz yurtidila emgek kirimige tayinip turmush sharaitini yaxshilap, kéyinki qedemde namratliqtin qutulup béyishqa puxta asas salmaqta.

 

Kéyinkisi
Munasiwetlik xewerler
yéngi xewerler Yene
süretlik xewer Yene
süretlik tenterbiye xewerliri
pen-téxnika uchurliri Yene
ghelite ishlar Yene
kocha parangliri Yene
saghlamliq Yene