Bash bet>>Xewer Merkizi>>Muhim Xewerler
Shi jinping xatire paaliyitige qatnishish üchün kelgen bir qisim chetel rehberliri bilen körüshti
Tehrir:Patigül muhemmet     Menbesi:Junggo uyghurche radiyo tori     Yollan'ghan waqit: 2015-09-01

 

shi jinping junggo xelqining yapon basqunchilirigha qarshi urushi we dunya fashizimgha qarshi urush ghelbisning 70 yilliqi xatire paaliyitige qatnishish üchün kelgen bir qisim chetel rehberliri bilen körüshti

junggo uyghurche radiyo tori 1-séntebir béyjing xewiri:

junggo kompartiyesi merkiziy komitétining bash shujisi, dölet reisi shi jinping tünügün béyjingdiki xelq sariyiida junggo xelqining yapon basqunchilirigha qarshi urushi we dunya fashizimgha qarshi urush ghelibisning 70 yilliqi xatire paaliyitige qatnishish üchün kelgen qazaqistan zungtungi nezerbayéf, laos xelq inqilawi partiyesi merkiziy komitétining bash shujisi, dölet reisi jumali bilen söhbet ötküzdi, sérwiye zungtungi nikrich, kambudzha padishahi sixamoniy bilen körüshti.

nezerbayéf bilen bolghan söhbette ikki dölet bashliqi junggo qazaqistan munasiwiti tereqqiyatigha yuquri baha berdi, we birdek ikki tereplik munasiwetni téximu yuquri sewiyege yükseldürüsh, ikki dölet munasiwiti tereqqiyatigha téximu keng boshluq hazirlap bérishni qarar qildi.

shi jinping mundaq dep körsetti: junggo bilen qazaqistan semimiy dost we yéqin shérikler, yéngi weziyette junggo bilen qazaqistan qol tutushup birniyette yol échip algha ilgirlep, ikki tereplik munasiwet tereqqiyatini bashtin axiri istratégyelik yükseklik we yiraq kelgüsidin pilanlidi, ikki terep özara siyasi jehette qollashni dawamliq kücheytip, yadroluq menpeetini qoghdidi, ikki terep ishlepchiqirish iqtidari, meblegh sélish, iqtsiad soda, énérgye, ul muessese, yuquri téxnika, yerlikler alaqisi qatarliq sahelerde emeliy hemkarliship, asiya ul muessese meblegh sélish bankisi, yipek yoli fondi qatarliq meblegh yürüshtürüsh méxanizmini yaxshi ishlitip, yipek yoli iqtisad belbéghi qurulushi bilen qazaqistanning nur yoli yéngi iqtisadi siyasitini jipsilashturushqa türtke bolup, ortaq tereqqiyad, ortaq güllinishni ilgiri sürüshi kérek.

nezerbayéf munularni bildürdi: junggo xelqi fashizmgha qarshi urush ghelibisi üchün ghayet zor qurbanliqlarni bérip, zor töhpe qoshti, qazaqistan junggo bilen bolghan qtsad soda, meblegh sélish, ishlepchiqirish iqtdari, pen téxnikida yéngiliq yaritish, sayahet we bixeterlik sahesidiki hemkarliqni kücheytishni xalaydu, ikki dölet bashliqliri yene shangxey hemkarliq teshkilati we asiya özara ishinish méxanizmining rolini kücheytish heqqide pikir almashturdi.

söhbettin kéyin ikki dölet bashliqliri yene" jungxua xelq jumhiriyiti bilen qazaqistan jumhiriyitining omumyüzlük shériklik munasiwetning yéngi basquchi heqqidiki birleshme xitapnami"ni birlikte imzalap, edliye, ishlepchiqirish iqtidari, meblegh sélish, adimiyet, ul muessese qurulushi, kan mehsulati échish, pul muamile, körgezme qatarliq sahelerde ikki tereplik hemkarliq höjjetlirigha imza qoyushqa shahid boldi.

söhbettin ilgiri shi jinping nezerbayéfning élimizge ziyaret kelgenlikini qarshi élish yüzisidin xelq sariyiining sherqi derwazisi aldidiki meydanda murasim ötküzdi.

shi jinping jumali bilen söhbet ötküzgende junggo partiyesi we hökümitige wakaliten laos partiyesi we hökümitining junggoning xatire paaliyiti ötküzüshini pütün küchi bilen qollighanliqigha rehmet éytti, shi jinping munularni tekitlidi: junggo bilen laos ikkinchi dunya urushining ziyankeshlikige uchrighuchi döletler, ikki dölet xelqi tajawuzchiliqqa ortaq qarshi turush, milliy musteqilliqni qolgha keltürüsh musapiside mörini mörige tirep köresh qilip, chongqur dostluq ornatqan, biz laosni öz ichige alghan dunyadiki herqaysi döletler bilen birge rayon we dunyaning tinchiliqi, tereqqiyati üchün téximu zor töhpe qoshushni xalaymiz.

shi jinping munularni tekitldi: junggo laos bilen birge uzaq muddet muqim bolush, xoshna dost ötüsh, özara ishnish, omumyüzlük hemkarlishish fangjénining yétekchilikide, özara ishinish, özara yardem bérish, özara payda yetküzüshtin ibaret junggo laos omumyüzlük istratégyelik shériklik munasiwetni chongqur ilgiri sürüp, mustehkem junggo laos teqdir ortaq gewdisi berpa qilishini xalaydu, ikki terep ikki partiye, ikki döletning yuquri qatlimidikilerning yéqin alaqisini saqlap, ikki terepning yuquri derijilik rehberlirining yilliq körüshüsh méxanzmida ching turushi kérek.

Kéyinkisi
Munasiwetlik xewerler
yéngi xewerler Yene
süretlik xewer Yene
süretlik tenterbiye xewerliri
pen-téxnika uchurliri Yene
ghelite ishlar Yene
kocha parangliri Yene
saghlamliq Yene