Bash bet>>Xewer Merkizi>>Muhim Xewerler
Li kéchyang chetel rehberliri bilen körüshti
Tehrir:Qurbannisa jappar     Menbesi:Junggo uyghurche radiyo tori     Yollan'ghan waqit: 2015-09-05

 

junggo uyghurche radiyo tori 4-séntebir béyjing xewiri:

gowuyüen zunglisi li kéchyang tünügün chüshtin burun xelq sariyida junggo xelqining yapon basqunchilirigha qarshi urushi we dunya fashisizmgha qarshi urushi ghelibe qilghanliqining 70 yilliqini xatirilesh paaliyitige qatnishish üchün kelgen bérma zungtungi tynsiyn, éfopiye zunglisi halmeryem, aljiriye milliy palatasining bashliqi bin salih, taylandning birinchi muawin zunglisi bawi bilen ayrim-ayrim körüshti.

li kéchyang bérma zungtungi tynsiyn bilen körüshkende mundaq dep körsetti: junggo bérma bilen ul eslihe qurulushi qatarliq sahelerdiki hemkarliqini chongqurlashturup, béngal, hindistan, bérma iqtisad karidori qatarliq hemkarliq teshebbuslirini ching tutup emeliyleshtürüp, rayon alaqisini rawanlashturushni; Ishlepchiqirish iqtidari hemkarliqini paal qanat yaydurup, yéza igiliki, su inshaati we apettin kéyinki orunlashturush, qayta qurush qatarliq tereplerdiki hemkarliq sewiyesini östürüshni xalaydu. Bérmining junggo-sherqiy jenubiy asiya elliri ittipaqi munasiwitining tereqqiyatigha dawamliq türtke bolushta ijabiy rol oynishini ümid qilidu.

tynsiyn mundaq dédi: bérma zungli li kéchyang ötken yili bérmida ziyarette bolghanda ikki terep hasil qilghan muhim ortaq tonushlarni paal emeliyleshtürüp, ul eslihe qurulushi jehettiki hemkarliqni chongqurlashturup, ikki döletning tash yol, su yoli qatarliq alaqini rawanlashturush türlirini ilgiri sürüp, yashlar, maarip qatarliq tereplerdiki adimiyet almashturushini kéngeytip, ikki döletning ewladmuewlad dost ötüshige türtke bolushni xalaydu.

li kéchyang éfopiye zunglisi halmeryem bilen körüshkende mundaq dédi: junggo éfopiyening iqtisadni rawajlandurush, xelq turmushini yaxshilash jehettiki tirishchanliqini qetiy qollaydu, éfopiyege chamisining yétishiche yardem bérishni xalaydu. Bizning ikki döletning dostluqi we özara nep yetküzüsh hemkarliqining istiqbaligha bolghan ishenchimiz kamil.

halmeryem mundaq dédi: éfopiye junggoning tereqqiyat tejribilirini eynek qilip, meblegh sélish muhitini yaxshilashni xalaydu, junggo karxanilirining éfopiyege meblegh sélishini, ul eslihe, énérgiye, yéza igilik, sanaet baghcha rayoni qurulushigha qatnishishini qarshi alidu.

li kéchyang aljiriye milliy palatasining bashliqi bin salih bilen körüshkende mundaq dédi: junggo aljiriye bilen yéqindin alaqe qilip, her qaysi sahelerdiki hemkarliqini chongqurlashturup, ul eslihe, yadro énrgiyesi, alem qatnishi qatarliq emeliy hemkarliqi asasida, ishlepchiqirish iqtidari jehette paal hemkarliship, ikki dölet hemkarliqining yéngi éshish nuqtisini berpa qilishni; Aljiriye bilen zor xelqara we rayon ishliridiki alaqilishish we meslishishni kücheytip, rayon we dunyaning tinchliqi, muqimliqini qoghdap, ortaq tereqqiy qilish we güllinishni xalaydu.

bin salih mundaq dédi: junggo aljiriyining heqiqiy ishenchilik dosti. Aljiriye bilen junggoning omumyüzlük istratégiyelik shériklik munasiwitining pilani tüzülüp boldi, aljiriye ikki dölet munasiwitining tereqqiyatidin nahayiti memnun, ikki terepning her qaysi sahelerdiki dostluq alaqisi we hemkarliqini dawamliq ilgiri sürüshni xalaydu.

li kéchyang taylandning birinchi muawin zunglisi qoshumche dölet mudapie ministiri bawi bilen körüshkende mundaq dep körsetti: ötken yilning axiri banggokta siz bilen junggo-tayland tömür yol hemkarliq chüshinish esletmisining imzalinishigha teng shahid bolghan iduq. Yérim yildin köprek waqittin buyan, türge teyyarliq qilish xizmitide paal ilgirilesh boldi. Ikki terepning süretni tézlitip, qurulushni waqtida bashlap, tayland xelqige nep yetküzidighan, ikki döletning almashturushini ilgiri süridighan, rayonning alaqini rawanlashturushini qolaylashturidighan bu zor hemkarliq türining baldurraq ünümi körülishini ümid qilimen.

bawi mundaq dédi: tayland junggo bilen bolghan munasiwetni ikki dölet diplomatik munasiwet ornatqandin buyanqi dostluq hemkarliq asasida rawajlandurushni xalaydu. Tayland junggo bilen bille tayland-junggo tömür yolida baldurraq ish bashlash üchün ching tutup teyyarliq köridu.

 

Kéyinkisi
Munasiwetlik xewerler
yéngi xewerler Yene
süretlik xewer Yene
süretlik tenterbiye xewerliri
pen-téxnika uchurliri Yene
ghelite ishlar Yene
kocha parangliri Yene
saghlamliq Yene