Bash bet>>Xewer Merkizi>>Muhim Xewerler
Shizang aptonom rayoni qurulghanliqining 50 yilliqini tebriklesh yighini daghdughiliq échildi
Tehrir:Qurbannisa jappar     Menbesi:Junggo uyghurche radiyo tori     Yollan'ghan waqit: 2015-09-09

 

junggo uyghurche radiyo tori 9 - séntebir béyjing xewiri:

tünügün chüshtin burun shizangdiki her millet ammisidin texminen 20 minggha yéqin kishi lasadiki buddala sariyi meydanigha yighilip, shizang aptonom rayoni qurulghanliqining 50 yilliqini qizghin tebriklidi. Junggo kompartiyesi merkiziy komitétining bash shujisi, dölet reisi, merkiziy herbiy ishlar komitétining reisi shi jinping "milletler ittipaqliqini kücheytip, shizangni güzel qilip qurup chiqayli" dep béghishlima yazdi. Junggo kompartiyesi merkiziy komitéti siyasiy biyurosi daimiy komitétining ezasi, gowuyüenning muawin zunglisi, merkez wekiller ömikining muawin bashliqi lyu yendung junggo kompartiyesi merkiziy komitéti, memliketlik xelq qurultiyi daimiy komitéti, gowuyüen, memliketlik siyasiy kéngesh, merkiziy herbiy ishlar komitétining shizang aptonom rayoni qurulghanliqining 50 yilliqigha ewetken tebrik télégrammisini oqudi.

yü jéngshéng shizang aptonom rayonigha bash shuji shi jinpingning "milletler ittipaqliqini kücheytip, shizangni güzel qilip qurup chiqayli" dégen béghishlimisi yézilghan ramkini hediye qildi. Shizang aptonom rayonluq partkomning shujisi chén chüengo, aptonom rayonluq xelq qurultiyi daimiy komitétining mudiri beyma chilin béghishlima yézilghan taxtini qobul qildi.

yü jéngshéng qizghin alqish sadaliri ichide söz qildi. U aldi bilen junggo kompartiyesi merkiziy komitéti, memliketlik xelq qurultiyi daimiy komitéti, gowuyüen, memliketlik siyasiy kéngesh, merkiziy herbiy ishlar komitétigha wakaliten shizangdiki her millet kadirliri, ammisi, her sahe erbabliri, xelq azadliq armiyesining shizangda turushluq qismining komandir-jengchiliri, qoralliq saqchi qisim shizang qismining ofitsér-eskerliri we siyasiy-qanun kadir-saqchilirini qizghin tebriklidi hemde ulardin semimiy hal soridi; Shizang aptonom rayonining islahati, tereqqiyati, muqimliqigha töhpe qoshqan yoldashlar, dostlargha aliy éhtiram bildürdi; Shizanggha köngül bölgen, shizangni qizghin söygen, shizangning tereqqiyatini qollighan shyanggangliq, awménliq qérindashlar, teywenlik qérindashlar, chetellerdiki muhajir qérindashlar we xelqaradiki dostlargha chin könglidin rehmet éytti.

 

Kéyinkisi
Munasiwetlik xewerler
yéngi xewerler Yene
süretlik xewer Yene
süretlik tenterbiye xewerliri
pen-téxnika uchurliri Yene
ghelite ishlar Yene
kocha parangliri Yene
saghlamliq Yene