Bash bet>>Xewer Merkizi>>Muhim Xewerler
Li kéchyang dawos munbiridiki sözide dunyagha junggo iqtisadidiki ijabiy signallarni yetküzdi
Tehrir:Esqer tursun     Menbesi:Junggo uyghurche radiyo tori     Yollan'ghan waqit: 2015-09-13

 

junggo uyghurche radiyo tori 13 - séntebir béyjing xewiri:

gowuyüen zunglisi li kéchyang bu yilliq yazliq dawos munbiride qilghan sözide "junggo dunya iqtisadiy xewpining menbesi emes", "junggo iqtisadi qattiq chüshmeydu", "junggo qurulma xaraktérlik islahatni tézlitidu" dep köp qétim tekitlep, dunyagha junggo iqtisadidiki ijabiy signallarni yetküzdi. Li kéchyang sözide dunyagha mundaq sadani yetküzdi: junggo dunya iqtisadiy xewpining menbesi emes, belki dunya iqtisadining éshishidiki heriketlendürgüch menbesining biri. Yéqinqi birqanche ayda junggoning makroluq iqtisad körsetküchi uda töwenlep, dunyaning junggo iqtisadining istiqbaligha bolghan endishisini qozghidi. Li kéchyang bu toghrisida ikki qétimliq sözide "körünüshte dawalghush bolghan bolsimu, weziyet yenila yaxshi, junggo iqtisadiy qattiq chüshmeydu", dégen qarashni éniq ipadilidi.

körünüshte dawalghush bolushi junggo iqtisadining kona-yéngi heriket énérgiyesi almishish basquchida turuwatqanliqidin bolghan, yasimichiliqning yirik éshishidin ünümdar éshishighiche bolghan tereqqiyatni hemde meblegh sélish arqiliq türtke bolushqa ziyade tayinishni istémal we meblegh sélishning tengkesh türtke bolushigha özgertishni emelge ashurush azabqa, japa-musheqqetke tolghan jeryan, bu mezgilde iqtisadning éshishida dawalghushtin saqlinish tes, bu - tengshesh, tipini özgertish mezgilidiki bir xil normal hadise.

weziyet yenila yaxshi dégen höküm junggo iqtisadiy qurulmisining téz serxillishiwatqanliqi asasida chiqirilghan. Közni chaqnitidighan mundaq bir türküm sanliq melumatlar buni toluq ispatlaydu: istémalning GDPdiki nisbiti 60%tin ashti, mulazimetchilikning nisbiti 50%ke yéqinlashti, yuqiri téxnika kespining éshish süriti 10%tin ashti.

bundin bashqa, ishqa orunlishishmu muqim boldi, aldinqi yérim yilda yéngidin ishqa orunlashturush nishanining 70%tin köpreki orunlandi, memliket boyiche ahaliler ilikidiki otturiche kirimining éshish süriti iqtisadning éshish süritidin téz boldi, mal bahasi muqim boldi, bularmu junggo iqtisadining muwapiq ariliqta yürishiwatqanliqini ispatlaydu.

li kéchyang bash meqsetlik nutuqida: junggo iqtisadi qattiq chüshmeydu, bu hergizmu quruq gep emes, dep alahide tilgha aldi. U mundaq dep körsetti: hazir zörür yönilishlik tengshep tizginlesh, ehwalgha qarap tengshep tizginlesh we éniq tengshep tizginlesh tedbirlirini qolliniwatimiz. Iqtisadning muwapiq ariliqtin chiqip kétish éhtimalliqi körülgen haman yéterlik taqabil turush iqtidarimiz bar. Li kéchyang qurulma xaraktérlik islahat toghrisida: amma igilik tiklesh, amma yéngiliq yaritishni tereqqiyatqa türtke bolidighan küchlük heriketlendürgüch küch, éshishni muqimlashturidighan muhim küch, dep qarash kérek, dep tekitlidi. Li kéchyang bash meqsetlik nutuqida mundaq dédi: biz bu jehettiki islahatni dawamliq algha siljitip, igilik tiklesh, yéngiliq yaritish jeryanini téximu rawanlashturimiz, iqtisadiy tereqqiyat yolini téximu muqimlashturimiz, xelqning turmush sewiyesini téximu östürimiz.

 

Kéyinkisi
Munasiwetlik xewerler
yéngi xewerler Yene
süretlik xewer Yene
süretlik tenterbiye xewerliri
pen-téxnika uchurliri Yene
ghelite ishlar Yene
kocha parangliri Yene
saghlamliq Yene