Bash bet>>Xewer Merkizi>>Muhim Xewerler
Junggo xelqining yapongha we dunya fashizmgha qarshi urush ghelibisini xatirilesh paaliyitini yekünlesh yighini échildi
Tehrir:Abdulla molla     Menbesi:Junggo uyghurche radiyo tori     Yollan'ghan waqit: 2015-09-17

 

junggo uyghurche radiyo tori 17-séntebir béyjing xewiri:

junggo xelqining yapon basqunchilirigha qarshi urushi we dunya fashizmgha qarshi urush ghelibisining 70 yilliqini xatirilesh paaliyitini yekünlesh yighini tünügün béyjingda échildi. Junggo kompartiyesi merkiziy komitétining bash shujisi, dölet reisi, merkiziy herbiy ishlar komitétining reisi shi jinping xelq sariyida xatirilesh paaliyitining türlük xizmet organlirining mesulliri hem xizmetchiliri, artislar, paratqa qatnashqan qisimlarning ofitsér-eskerler wekilliri bilen semimiy körüshti, xatirilesh paaliyitining hazirliq, ötküzüsh xizmetlirini nahayiti yaxshi orunlighan barliq xadimlargha chin qelbidin rehmet éytti hem semimiy hal soridi.

shi jinping yéqinda merkiziy komitét siyasiy biyurosi daimiy komitétining yighinini riyasetchilik qilip échip, xatirilesh paaliyitini yekünlesh xizmiti doklatini mexsus anglidi hem muhim söz qildi. Shi jinping mundaq dep körsetti: junggo xelqining yapon basqunchilirigha qarshi urushi we dunya fashizmgha qarshi urush ghelibisining 70 yilliqini xatirilesh paaliyiti nahayiti muweppeqiyetlik ötküzüldi, daghdughiliq, alahide, ésil bolup, tarixni este ching saqlash, inqilabiy qurbanlarni yad étish, tinchliqni qedirlesh, kelgüsini yaritish bash témisini toluq gewdilendürüp, ulugh milliy rohni ghayet zor derijide urghutti, bir yaqidin bash chiqiridighan küresh küchini mujessemlep, junggoche sotsiyalizm yoligha bolghan ishench, nezeriye ishenchi, tüzüm ishenchini chingitip, élimizning tinchliq, heqqaniyetni qoghdashtiki xelqara obrazini namayan qildi. Xatirilesh paaliyiti-junggo xelqining yapon basqunchilirigha qarshi urushining dunya fashizmgha qarshi urushning sherqtiki asasliq jeng meydani bolushtek tarixiy orni hem dunya fashizmgha qarshi urushning ghelibisige qoshqan muhim töhpisini merkezlik gewilendürüp, xelqara jemiyetning élimizning 2-dunya urushining ghelibisige qoshqan muhim tarixiy töhpisige bolghan étirapini kücheytti, bu-pütün memlikettiki her millet xelqining qelbide chongqur kolléktip eslime qaldurghusi, junggoning tereqqiyati, dunyaning tinchliqi we tereqqiyatigha ghayet zor tesir peyda qilghusi.

shi jinping munularni tekitlidi: xatirilesh paaliyitidin érishken meniwi bayliqni ishlirimizning tereqqiyatigha türtke bolidighan küchlük heriketlendürgüchi küchke, islahat, tereqqiyat, muqimliqning türlük xizmetlirini yaxshi ishleshning qudretlik küchige, töt omumyüzlük istratégiyelik orunlashturushini tengkesh ilgiri sürüshning küchlük ijabiy küchige, yüz yilliq ikki küresh nishani, jungxua milletlirining ulugh güllinishidiki junggo arzusini ishqa ashurushning emeliy herikitige aylandurushimiz kérek.

junggo kompartiyesi merkiziy komitéti siyasiy biyurosi daimiy komitétining ezasi, merkiziy komitét shujichusining shujisi, xatirilesh paaliyiti rehberlik guruppisining bashliqi lyu yünshen körüshüshke qatnashti hem yekünlesh yighinida söz qildi. Yighinda shi jinpingning merkiziy komitét siyasiy biyurosi daimiy komitétining yighinida qilghan muhim sözi yetküzüldi.

lyu yünshen yighinda mundaq dep körsetti: bash shuji shi jinping muhim sözide, xatirilesh paaliyitining hazirliq we ötküzüsh xizmitini toluq mueyyenleshtürüp, xatirilesh paaliyitining muhim ehmiyiti hem chongqur tesirini etrapliq sherhlep, xatirilesh paaliyitining netijilirini chongqurlashturush we kéngeytishke éniq telep qoydi, buni estayidil öginip we özleshtürüp, yaxshi, izchil emeliyleshtürüsh kérek. Bash shuji shi jinpingning junggo xelqining yapon basqunchilirigha qarshi urushi we dunya fashizmgha qarshi urush ghelibisining 70 yilliqini xatirilesh yürüshlük paaliyetliride qilghan muhim sözlirining rohini chongqur öginip, teshwiq qilip we izchillashturup, sözning rohini emeliyetke yétekchilik qilish, xizmetke türtke bolushta heqiqiy ishlitish lazim. Kéyinki xatirilesh paaliyetlirini puxta, yaxshi ishlep, xatirilesh paaliyiti urghutqan kötürenggü roh arqiliq, islahat, tereqqiyat, muqimliqqa türtke bolup, kishilerning jungxua milletlirining ulugh güllinishidiki junggo arzusi üchün tériship küresh qilishigha ilham bérish kérek.

 

Kéyinkisi
Munasiwetlik xewerler
yéngi xewerler Yene
süretlik xewer Yene
süretlik tenterbiye xewerliri
pen-téxnika uchurliri Yene
ghelite ishlar Yene
kocha parangliri Yene
saghlamliq Yene